اقتباس المشاركة الأصلية كتبت بواسطة أبو صلاح مشاهدة المشاركة
كان الله في عونك يا أِشرف
نحن السابقون وانتم اللاحقون

انا لي رأي بسيط
لو معاك سيولة كافية انك تدي الشقة لمقاول يشطبهالك بالكامل يبقى خير وبركة وتريح دماغك مع شرط أساسي ان تجيب مهندس معرفة او بأتعاب لاستلام كل مرحلة من المقاول ويكون الاتفاق من البداية على الكلام ده

وتقارن اجمالي التكلفة بإجمالي اللي هتصرفه لو مجيبتش مقاول (مع العلم انك لو مش معاك مقاول اضرب اللي انت هتفترضه في الضعف)

انما اكيد عقدتك زي عقدة اي حد هي السيولة الكافية فأمرك الى الله وتجيب صنايعي صنايعي وتستحمل

كان الله في عونك

ربنا يبارك فيك يا محمد بيك على دعائك الطيب......

والله زى ما تعرف انى لسه فى مرحله المقايسات والاستشاره..

يعنى بحاول استفيد من تجارب الاخوه وخبراتهم وفى نفس الوقت بحط تصور مبدئى للتكلفه.....

هوه المهندس اللى بيستلم او اللى بيتولى التشطيب بيقى مهندس أيه؟

ديكور ولا عماره ولا مدنى ولا أيه؟

وبيبقى صاحب مكتب؟

يعنى لو عايز اشوف مهندس يتولى الليله كلها يبقى اسمه مكتب ديكور ولا مكتب مقاولات؟

معلش بقى أخوك أصله ميفهمش فى حاجه من دى

ومتشكر على اهتمامك يا ابو صلاح وتعبك معايا....