موسوعة المطبات المصرية!

**amrtalaat** · 21-05-2007 03:35 AM

المطبات فى مصرنا الغالية شىء لايخفى على أحد وهى مشكلة موغلة فى القدم وقد وردت فى بردية فرعونية قديمة وجدت تحت تمثال رمسيس بالميدان وللأسف كانت البردية أغلبها مطموسة فلم يستدل على أسباب نشوء الظاهرة :lol:
المهم أنة لا يوجد أى سائق سيارة فى بلدنا إلا ويحفظ مجموعة المطبات الفرعونية الأبدية التى تخترق عفشة سيارتة وتمزقها إرباُ(حلوة إرباً دى؟)
ومفاداة المطبات هى أحد أهم أسباب حوادث الإصطدام بالغير :x
فما رأيكم بعمل موسوعة جديدة وحصرية ب نايل موتورز تسجل بها أهم وأشرس المطبات التى تواجهنا يومياً حتى تكون مرجعاً لأى غلبان ناوى يعدى من حتة مش حافظ ال GPS بتاع مطباتها؟ :?:

**baher** · 21-05-2007 04:50 AM

والله فكره حلوه بس انا هقؤل المطبات اللي في طنطا

**Ahmed Hassan** · 21-05-2007 05:57 AM

وانته رايح من رمسيس على العباسيه.. ورا جامعه عين شمس... كان ابن خالت سايق عربيتي و انا راكب جنبو... احب اقولوكوا اني كنت هضربه... فيه حفره فظيعه في الشارع ده اخدها بالفرده اليمين علشان الأستاذ كان بيتكلم في الموابايل و مش مركز.

لو فيه حد من القاهره يا ريت يترجم لأني مش عارف اسم الشارع :|

**hazem_khidr** · 21-05-2007 06:19 AM

اصعب مطب اخدته في حياتي كنت جاي من دمياط بالليل و ماشي يمكن 100 و لا حاجه و لقيته علي الطريق محبتش افرممل قولت مش حلحق المهم انا اكلته لقيت العربيه من قدام حسيت انها طارت انا مش عاوز اقولك ان دي اول مره في حياتي ضهري يوحعني من مطب؟؟تخيلوا بقي كان عنيف ازاي

**abo3bdolrahman** · 21-05-2007 06:26 AM

أصعب مطب خته كان مطب فى طريق المؤسسة و إنت جاى من الدائرى لعزبة النخل فجأة و كأن الأسفلت خلص و الأرض كمان أختفت بعديه بس الحمد لله كنت ماشى 70 كم/س بس فلقيت العهربية إترزعت جامد و الحمد لله المطب ده إتصلح دلوقتى.
:lol:

**AhmedElsayed** · 21-05-2007 09:06 AM

الشارع اللى امتداد شارع المدينة الجامعية للأزهر بعد أمن الدولة لو رايح على القطامية او التجمع او المعادى
الشارع ده من اسوأ الشوارع اللى ممكن تشوفوها فى حياتكم
ومفهوش ولا مطب
ولكن حفرة غرييييييييييييييييييييييب ة
وكل حفرة تلاقى حجمها غريب سواء فى العرض او العمق

وتحس ان اللى عاملها مهندس فعلا
لانه بيبقى حاسب كويس اوى لو واحد شاف حفرة وهرب منها لليمين او الشمال يلاقى التانى مستنياه على طول

طبعا بتعمل حوادث كتير للناس اللى اول مرة تمشى فى الطريق لانهم بيلاقوا حفرة كبيرة قدامهم فجاة فيكسورا يمين او شمال فممكن يخبطوا فى حد تانى

افتكر ان كان فى حفرة خيالية قبل بنزينة الشرطة اللى فى الشارع ده
وقعدت شهور كتير

وفى الاخر حلوها

تعرفوا ازاى؟

لا محش فكرها يردمها

شغلوا عامودين النور اللى جنبها!!!!!!!!!!!!!! (لان الشارع كله رغم انه رئيسى مفهوش عمود منور)؟؟؟؟

**limo** · 21-05-2007 10:13 AM

اصعب مطب كان فى الشارع الجانبى الموازى لشارع الجامعه امتداد الخليفه المأمون همه اربع مطباط وراء بعض كل واحد فيهم هرم لواحده .
خته بسرعتى علشان انا كنت بجيب حاجه من درج التابلوه ومش شايف الطريق.
والحمد الله المطب تنى كرتيره الفتيس والزيت كده نزل تحت العربيه .

**M_ElSabaa** · 21-05-2007 10:48 AM

فى الـeye cat الموجودة فى اول النفق بتاع صلاح سالم وانت داخل على عمارات العبور
بتحس ان العربية خلاص هتفك عن بعضها

**Mohsens** · 21-05-2007 11:44 AM

فى الـeye cat الموجودة فى اول النفق بتاع صلاح سالم وانت داخل على عمارات العبور

و اللي علي الدائرى و انت نازل الرماية....

نفسي أعرف ايه الهدف من الCat Eye دول :?:

**احمدعبدالعزيز** · 21-05-2007 12:00 PM

تقطيع الكوتش ياباشا :)

الموضوع: موسوعة المطبات المصرية!

LinkBack

أدوات الموضوع

عرض

-

-

-

-

المواضيع المتشابهه

أنواع المطبات المصرية

لمحبى شاعر البندقية.... موسوعة نزار قبانى (موسوعة الملائكة)

موسوعة فتاوى دار الافتاء المصرية

موسوعة كيف تعمل ؟؟؟ موسوعة رائعة في كيفية عمل الأشياء

الكلمات الدلالية لهذا الموضوع

المفضلات

المفضلات

ضوابط المشاركة