الموضوع: ازاى ننظف البوجيهات

المشاركة الأصلية كتبت بواسطة samirayad

بكره لما تتقدم شويه فى السن وتكبر بمعنى أصح

وتبطل لعب فى المصلحه

حتعرف أن مفيش أى فرق

معلش يلبشمهندس أستحملني شوية

انا معرفتش أوصلهالك صح ، بمعنى أني لقيت على النت بيتقال أن الخلوص بتاع البوجيه 0.8 مم تمام - للعربية بتاعتي مش للبوجية اللي راكب - فروحت عملت لفة على الموقع اللي هاجيب منه البدايل إزاي؟؟
عن طريق أني أنا عارف البوجيه اللي راكب أنه شامبيون N9YC وكان عندي العلبة بتاعته من أيام لما كنت بروح للتوكيل - طبعا أحتمال مايكون المظبوط بتاعه - فكنت كاتب الرقم ده على الجهاز.
لما جبته على الموقع بتاع البدايل للأسف مالقيتش مكتوب الخلوص بتاعه كام (على حظي )

Sparkplugs.com - Cross Reference Search Results

لكن لما جبتله البدايل لقيت أن البدايل الخلوص بتاعها متفاوت مابين (0.7.- 1.14) ، والأهم أني ملقتش الـ NGK بلاتينيوم .
لكن أخوك الصغير حلاوة ، عاوز لما يغير يركبها فلفتلها لفة حلوة ووصلت في الأخر ليها ، تمام .
بس برضه لقيت الخلوص بتاعه ( 1.016 مم) لكن في الجدول مكتوب (0.030" و 0.025") وهنا مربط الفرس فهو مش بيجي بالـ (0.8 مم) اللي أنا كاتبهم ، ونفس الوقت مش فاهم أيه الرقم الصغير ده ؟؟

NGK.com - Application Search Results

وفي نفس الوقت لو هما بيجوا بالخلوص الكبير ، هاقللهم إزاي من غير ما بلية يخربهم ويبقو زي قلتهم ولا الأفضل أسيبهم زي ما بيجو بيهم وخلاص ؟؟ وأيه الأضرار اللي هاتحصل في الحالة دي ؟؟

معلش يابشمهندس ، لو مكناش نتعلم من حضرتك هانتعلم من مين ؟!!!!

المشاركة الأصلية كتبت بواسطة samirayad

الموضوع أبسط مماتتصور
1- حتحدد مقاس ورقة الفيللر اللى حتستخدمها
2- حتحط ورقة الفيللر بين قطبى البوجيه العدل والمتنى

واحد واحد

3- بأى وسيله حتتنى السالب أكتر على الموجب المحورى

الى أن يحدث ويحصل تلامس محمل شويه على ورقة الفيللر
وتقدر تشدها من بين القطبين وهى ممسوكه بين الأثنين ومحمله شويه

4- نفذ نفس الكلام على الأربع بوجيهات
وكده حصل المراد

جزاك الله خير يا بشمهندس
بس هي ورقة الفيللر بتتجاب منين اصلا ؟؟