السلام عليكم ورحمة الله وبركاته
الحمد لله عندى عربية 132 لونها فضى
والحمد لله برده اتخبطت مرتين
مره امبارح ومره النهارده
امبارح كانت مع اخويا وهو بيرجع مرشدين خبط فى عمود من الصغيرين اللى الناس بيحطوهم عشان محدش يركن قدامهم فالشنطة عملت رقم 8 بالعربى ( يعنى اتقوست ) عملتها بإيدى واتردت حوالى 80 % بس المشكله انها ما بتقفلش كويس وبتتفتح وانا ماشى وطبعا البويه وقعت مكان الخبطه
النهارده بقى كنت مع اصحابى وكلنا راكنين فى مزرعة والدنيا فراغ من كل حته بس سبحان الله ساعة القدر يعمى البصر واحد من زمايلى بيرجع بضهرة بسرعة الصاروخ من غير ما يبص وراه وطبعا كانت عربيتى واقفه بالعرض فقام لابس جامد قوى فى الرفرف اللى قدام يمين فرمه
رديته بإيدى برده بس رجع بنسبه 50 % بس ومش مستوى والبويه وقعت خالص من على نص الرفرف
السؤال دلوقت
هل موضوع الشنطة ده هايحتاج زرجينه والا هايردها وخلاص
تكلفة السمكرة للشنطه والباب كام تقريبا؟
تكلفة الدوكو للشنطة والرفرف كام تقريبا شامل الدوكو والمصنعيه؟
ولكم جزيل الشكر
اخوكم
أبو أحمد
ودى صوره العربيه ( قبل المرض طبعا) (: