الموضوع: ما هي الأفضل كسيارة ثانية ( للمدام ) في حدود 65 الف ؟؟؟؟؟؟ محتاج مشورة

خبطة ال i10 هتبقى مكلفه اكتر من اللانوس طبعا لان اللانوس قطع غيارها ارخص + تواجدها فى اماكن كتيير اللى يحدد اختيارك هو الجزء ده هل المدام سواقتها كويسه ولا هتبدأ تتعود على السواقة لكن هتتنازل عن باور سهل جدا و خفيف مقارنة باللانوس اللى فعلا تحس ان مفيهاش باور بالنسبة لل i10 و استهلاك البنزين للانوس هيبقى اعلى مقارنة بال i10... قول مثلا استهلاك اللانوس مره و نص من ال i10

لو تقدر تزود شويه ممكن تفكر فب الجيتز ب 73.5 الف ولو مش هتقدر يبقي افضل الاختيارات من وجهة نظري اللوجان

المشاركة الأصلية كتبت بواسطة Youssef_Mostafa

الف مبروك علي ال i10 يا باشا

ومتنساس تعملنا تقرير حلوعن اداء الاوتو خصوصا ان تقريبا مفيش حد ف المنتدي معاه منها الاوتو

الله يبارك فيك واكيد إن شاء الله هاعملها تقييم محندق كده على قدها

السلام عليكم . أنا كنت جايب فيفا للمدام ركبتها سنه وقالتلى عايزه بيكانتو علشان الشكل
أسمع ياباشا حرام تدفع ستين وشويه فى اى عربيه هاتش باك انا سمعت كلامها وجبتلها البيكانتو دلوقتى من اشد النادمين الفيفا تنفع اى حاجه يعنى للمصيف ميه ورمل وبحر وللسوق يعنى طلبات وكياس كتير ولوسط البلد يعنى الزحمه عيوب الهاتش بعد الاستخدام كل المطبات حتى البسيط بتحس بيه شنطه مفيش توفير بنزين مقارفه بالفيفا لا يذكر وقطع غيار الهيونداى انتا عارفها وبعدين الفيفا الف وخمسمائه كامه واحده تقفيل محترم نوعيه بويه جيده البيكانتو اى شويه رمل تطفى وتغرز وكده على فكره ده كلامها هيه مش انا انا لولا طلبها ماغيرتلها الفيفا ونسيت اقول انها اعلى من الفيرنا وعمرها ما حكت فى مطب

اولاً بالتوفيق في الإختيار
ثانياً اقترح ان حضرتك متشتريش مانيوال تاني... السواقة اصبحت مملة جداً بالمانيوال
يبقى فاضل فيرنا اوتو - i10 اوتو

و هنا الرأي راجع لحضرتك ... إما الإختيار بين عربية بمحرك قوي و سيدان او عربية موفرة للبنزين اكتر هاتشباك

بخصوص الفيرنا
فهي عربية إعتماديــــــــــــة في المقام الأول
مش هتخذلك ابداً ان شاء الله
تكييف ممتاز
باور ناعم
تسارع رائع
على السرعات العالية كل الناس بتقول مش كويسة .. بس انا اصلاً مش بعدي الـ100 بيها فبالنسبة لي مش مشكلة
يوجد بعض عيوب التقفيل ..
قطع غيارها متوفرة ... لما كنت بصلحها بعد الحادثة ملفتش كتير..كل حاجة موجودة .. الصيني موجود ... التيواني موجود .. الكوري موجود .. و الأصلي كمان موجود ..

كان نفسي ارشحلك الساجا الأوتو لكنها للأسف مش هتكون سهلة في الصيانة و التصليح زي الفيرنا حالياً ..
انا اصلاً محتار اقول لحضرتك هات فيرنا ولا لأ (عربية منتشرة بغباء و فيها عيوب تقفيل ) و ما بين انها سهلة الصيانة و إقتصادية لحد كبير

على فكرة آخر معدل وصلت له في استهلاك البنزين بالفيرنا كان 310 كم للصفيحة (سرعات بين 80-90 و بدون تكييف)

و بالتوفيق

المشاركة الأصلية كتبت بواسطة dolly13

انا اسفة نسيت اقولك نصيحة برده بخصوص الاوتو
انا لا اثق فى الاوتامتيك اقل من يابانى
يعنى الكورى له مشاكل برده
لو المدام من الناس اللى بتستمتع بالقيادة زى حالاتى يبقى المانيوال افضل وربنا يوفقك

الفتيس الاتوماتيك بتاع ال i10 يابانى من شركة Jatco h اليابانية و كذلك البيكانتو الكلام يبقى عن معرفة ارجوكم مش مجرد خزعبلات سمعناها من سنيييين انا شوفت اكسنت اتوماتيك 2000 ماشيه 255 الف كيلو و الفتيس اتوماتيك و حالتها 100%