معلومات عن اجهزة بلاك بيري

**brown-eyes** · 15-04-2010 01:09 PM

المشاركة الأصلية كتبت بواسطة أحمد كمال

بس هو سخافته - من رأيي الشخصي - في ال UI و ال Apps بتاعته :(

فعلا واجهة المستخدم تحس انها بدائية شوية وقريبة شوية من الليونكس
بس شركة rim المصنعة للجهاز بدات تحسن شوية من اليوزر انترفيس من اول سوفت وير اصدار 5 وبداو ينزلو شوية ابلكيشن كويسة بس هو الجهاز اصلا بيستهدف فئة معينة من الناس زي اللي بيحتاجه الموبايل بس عشان التليفونات والايميل وبعد كده ممكن يدورو علي المالتي ميديا

**brown-eyes** · 15-04-2010 01:19 PM

المشاركة الأصلية كتبت بواسطة amrbakly

اصبر بس علية شوية و حتلاقية بقي منطلق اكتر من النوكيا ، ماشاء الله الشاب المصري الهمام حمادة هاكر حينزل علية ويندوز فيستا كمان شوية بس الصبر حبة علية :d

لو تفتكر من تلات سنين كنا بنتريق علية انة كبير فحت و غبي فحت و محدش بيشترية، انا فاكر من تلات سنين لما جبت الأي ميت الكورتي كي بورد (الكي بورد الكاملة) كانت الناس بتتريق عليا و بيقولولي اية يا عم الراديو الترانزستور اللي انت شايلة دة، و لدرجة ان فودافون مثلا كان عندها مخزون من اجهزة بلاك قديمة كان تمنها 3000 جنية اضطرت تبيع اخرها بألف جنية

انا في رأيي ان زمن النوكيا إنتهي و نحن الأن في زمن البلاك البيري القادم بقوة

امال النوكيا الكمونيكيتور يتقال عليه ايه لما الاي ميت بيتقال عليه كده

حد فاكر ال 9000 و ال 9110

بس علي فكرة النوكيا مش هتنتهي ولا حاجة لانها ببساطة عملت زي العربيات التويوتا لو تويوتا انتهت ممكن نوكيا تنتهي :)
النوكيا ال 900 الاخير من الاجهزة القوية علي فكرة والسوفت وير بتاعه كويس ورجع نوكيا علي الساحة تاني بعد كانت نايمة

**amrbakly** · 15-04-2010 01:26 PM

المشاركة الأصلية كتبت بواسطة brown-eyes

امال النوكيا الكمونيكيتور يتقال عليه ايه لما الاي ميت بيتقال عليه كده

:e_braces[1]:
حد فاكر ال 9000 و ال 9110 :f_eyeb1[1]:
بس علي فكرة النوكيا مش هتنتهي ولا حاجة لانها ببساطة عملت زي العربيات التويوتا لو تويوتا انتهت ممكن نوكيا تنتهي :)
النوكيا ال 900 الاخير من الاجهزة القوية علي فكرة والسوفت وير بتاعه كويس ورجع نوكيا علي الساحة تاني بعد كانت نايمة

ايوة 9110 كان برضة في زمن الإيركسون 688 و النوكيا 6110 اللي كان وزنة 120 جرام تقريبا و كان بنقول علية صغنن قوي
:d

و بيني و بينك الكومينيكيتور دة طول عمري بكرهه و لا عمري فكرت امسكة

محسوبك سمعة تقيل و ميعرفش يتعامل مع تليفون بدون فايبريشن ، انا فاكر ايام الـ 688 كان ناقص اعلقة علي ودني علشان اسمعة

**BomBom** · 15-04-2010 11:14 PM

طيب هو ممكن مقارنة Blackberry بنوكيا E series ، و انهو الافضل ؟

**brown-eyes** · 16-04-2010 12:04 AM

المشاركة الأصلية كتبت بواسطة BomBom

طيب هو ممكن مقارنة Blackberry بنوكيا E series ، و انهو الافضل ؟

النوكيا E series مفهوش مميزات عن ال N series
كلهم حاجة واحدة اسمها سمبيان الاختلاف بيكون في الشكل وقوة الكاميرا والبطارية يعني في ال E series بيهتمو اكتر ب البطارية وقوة الجهاز ونقاء الصوت بعكس ال N series
بيهتمو بقوة الكاميرا والصوت العالي والشكل الجذاب بالنسبة للمقارنة فهي من حيث ايه ؟
لان انت كده بتقارن مثلا بين ويندوز اكس بي و ابل ماكنتوش !