هنا الاستشارات القانونية

**metenawy** · 08-08-2010 02:00 PM

المشاركة الأصلية كتبت بواسطة donzi

شكرا على الموضوع المفيد و جزاك الله عنو كل خير

عندي سؤال في قانون العمل بعد اذن حضرتك

انا بشتغل في شركة خاصة بعقد سنوي ( محدد المدة سنة ) يجدد تلقائيا و تاريخ التعيين 1/4/2009 و حصلتلي حادثة في شهر 2 اللي فات و من وقتها و انا في اجازة مرضية و كدة العقد اتجدد تلقائيا في 1/4/2010 و انا في الأجازة المرضية و دلوقتي انا المفروض ارجع الشغل كمان اسبوعين تقريبا في اول شهر 8 و طبعا هما جابو حد بدالي في الفترة دي و عرفت من زميل ليا في الموارد البشرية انهم هاينهو عقدي اول ما ارجع

فا ايه هي الحقوق المادية اللي ممكن اطالبهم بيها ؟؟ انا قريت قانون العمل من موقع الحكومة المصرية و فهمت منو ان انا ليا الحق في مرتب شهرين عن كل سنة اشتغلتها دة الى جانب شهرين مدة الأخطار بانهاء العمل ( مع العلم ان انا لم يتم اخطاري رسميا حتى الان بإنهاء عقدي ) الى جانب ما تبقى ليا من رصيد الأجازات السنوية محسوب لحد مدة انهاء العقد اللي هيا اخر يوم في شهري الأخطار

هل الللي انا فاهماه دة صحيح ولا لأ ؟؟ و ازاي اضمن حقوقي دي ؟؟ و الاجراءات اللي ممكن اخدها لو رفضو يدوني حقوقي ؟؟

و كنت عرفت من شخص انهم المفروض يدوني راتبي لحد نهاية عقدي 1/4/2011 ، بس ماعتقدش ان دة صحيح !!

اسفة للأطالة

.

رغم ان قانون العمل ليس مجالي و لكني سائلت لك بعض الزملاء الذين اكدو علي الي انتا فهمتو صح و اذا مدوكشي حقك قدم شكوي في مكتب العمل التابع اليه

**metenawy** · 08-08-2010 02:04 PM

المشاركة الأصلية كتبت بواسطة شريف

ارجو من الاداره اغلاق الموضوع
فالموضوع فقد هدفه

لو ليك سؤال اطرحه لو ملكش روح شوف موضع تاني تعمل فيه مشاركة و معتقدشي ان حد ليه 25 مشاركة يعرف هدف موضوعي عشان يطلب غلقه

**شريف** · 08-08-2010 03:35 PM

المشاركة الأصلية كتبت بواسطة metenawy

لو ليك سؤال اطرحه لو ملكش روح شوف موضع تاني تعمل فيه مشاركة و معتقدشي ان حد ليه 25 مشاركة يعرف هدف موضوعي عشان يطلب غلقه

انا سالتك من 1/7 سؤال و لا رد وصلني - مش مهم بس فيه كذا واحد برضه سالوك من فتره و مخدوش اي ردود
دي حاجه تطوعيه جزاك الله خير عليها بس لو انت مش فاضي للرد عن استفسارات الناس يبقي الموضوع فقد هدفه
و بالعكس دة كده بيضيع وقت صاحب الاستفسار

**noureymo** · 09-08-2010 12:25 PM

السلام عليكم
السنة الي فاتت كنت اشتريت شقة دوبلكس في التجمع الخامس ومن سنة وانا بدفع الاقساط والشركة الي انا كنت شاري منها كلمتني النهاردة وقالتلي ان الكهرباء هتدخل وعاوزين قيمة عداد الكهربا مبلغ 900 جم
ولو عاوز الكهربا تدخل باسمي على طول اخلص باقي تمن الوحدة طبعا الكلام منطقي ومافيهوش مشاكل)
المهم قلتلهم عاوزين مني ايه دلوقتي قالولي
1- مبلغ ال 900 جم قيمة عداد الكهرباء
2- شيك باجمالي القيمة المتبقية من الاقساط علشان يعملوا توكيل باسمي للتصرف في العقار ونقل الملكية باسمي في الجهاز والتوكيل مش هيسلمهولي الا بعد سداد قيمة الشيك
وبعد كده سالتهم على العقد النهائي قالولي مش هتحتاجه علشان التوكيل الي معاك تقدر بيه تنقل الملكية باسمك في الجهاز
بس بصراحة انا اصريت على العقد النهائي اصروا ان الشركة مش بتطلع عقود نهائية وممكن يدوني حاجة من اتنين
1- مخالصة نهائية باني مفيش عليا اي مستحقات للشركة وان الوحدة بتاعتي تمنها خالص
2- اوياخدوا مني العقد الابتدائي ويدوني عقد خالص القيمة وفيه تمن الوحدة 110 الف بس مع اني دافع 580 الف تقريبا
طبعا اصروا على اني بموجب التوكيل الي هيتعمل كل حاجة في الجهاز هتكون باسمي
ارجو من السادة الافاضل الي عندهم خبرة في الموضوع ده يفيدوني علشان انا محتار جدا ومش عارف اعمل معاههم ايه خاصة اني مش في مصر
هل كلامهم صح ولا غلط
وهل في مشكلة اني بالتوكيل اقدر اغير الملكية في الجهاز وهل ده كافي
وشكرا مقدما

**Donzi** · 09-08-2010 04:16 PM

المشاركة الأصلية كتبت بواسطة metenawy

رغم ان قانون العمل ليس مجالي و لكني سائلت لك بعض الزملاء الذين اكدو علي الي انتا فهمتو صح و اذا مدوكشي حقك قدم شكوي في مكتب العمل التابع اليه

شكرا على مجهود حضرتك و شكرا على الرد مع انه اتاخر شويتين بس مش مشكلة ربنا يعينك

س}ال بسيط تاني معلش اقدم الشكوى في مكتب العمل بايه ؟؟ يعني ايه الورق و هما مش مديني حاجة تثبت انهاء العقد و عاوزني انا امضي على استقالة و مايدنويش اي حاجة ؟

اشتكي بايه و اثبت حقي ازاي ؟

**thedeveloper87** · 09-08-2010 09:12 PM

المشاركة الأصلية كتبت بواسطة thedeveloper87

السلام عليكم ورحمة الله وبركاته

جزاك الله خيرا على هذا الموضوع الطيب ونفع الله بك...

لي واحد قريبي اشتغل في شركة وهو عايز يسأل على حاجتين:

1. استماره 6 ممكن ياخدها من مكتب العمل لو معرفتش ياخدها من شركته الأصليه؟
2. لو عليه عهد في الشركه اللي هو فيها ومضوه أو عاوزين يمضوه على وصل أمانه بسداد المبلغ ، ايه معنى الحركه دي؟؟؟؟ حركه تحفظ حقه ولا تبهدله ؟؟؟

مع العلم إنهم بيقولوا إنها بتحفظ حقه

؟؟؟؟

**Bishoy.Girgis** · 14-08-2010 05:55 PM

سؤال لحضرتك
لو في واحد صيدلي عنده صيدلية واخدها ايجار و حصل انه توفي فطبعا الصيدليه هتورث للورثه
طيب لما الورثه دلوقتي عملوا توكيل لزوجته بإن ليها الحق في التنازل لها و للغير و لها حق في التعامل مع الجهات الحكومية و خلافه
حصل ان الزوجه بعد كده عملت صحة توقيع لأولادها و بالتنازل عن الصيدلية بما تحويه من ادويه و تعاملات مع الجهات الحكومية و خلافه
طيب هل في خطوه تانيه ممكن تتعمل بحيث يضمن حق الاولاد في هذه الصيدليه بحيث ان الورثه ميطعنوش بعد كده علي عقد التنازل
ولا ايه رأي حضرتك ؟

**هيثم** · 19-08-2010 04:51 AM

كان ليا سوال عند حضرتك
بخصوص سفر الطبيبات للخارج اثنا ء اجازات رعايه الطفل
جهه العمل الحكوميه بتمضيهم اقرارات فى حاله السفر للخارج بغرض العمل او العمل بداخل البلد
سيتم اتخاذ اجراءت ضدهم
الكلام ده حقيقى يعنى هل فى اجراءت عقابيه ممكن جهه العمل تاخدها فعلا و لا ده مجرد كلام ؟
وكل سنه و حضرتك بخير

**ahmadmidop** · 25-08-2010 04:03 PM

لموضوع وما فيه ياجماعة ان اخويا اعطى مبلغ 30000 لواحد عنده مكتب استيراد وتصدير عشان زي ما بنقول يشغلهم وكان ليه نسبة معينة من الارباح كل 3 شهور تقريبا وكان بينهم عقد وشيك بالمبلغ .... الراجل ده توفى طبعا اخويا راح يطلب المبلغ من الورثة تظاهرو ان ما فيش فلوس وبتاع فقرر انه يرفع قضية ويقدم الشيكات راح البنك يشوف رصيد ملقاااااااااااش فكان لازم يجيب رد من البنك ان الشيك من غير رصيد وكانت المفاجأة لما طلب ان االبنك يعمل اجابة قالووله ان التوقيع غير مطابق يعني التوقيع اللي على الشيك غير مطابق للتوقيع المتوفي الي عندهم في البنك ..... فيا ترى التصرف ايييييييييييه يا جماااعة ولا كده الفلوس راااااااااااحت

-

الموضوع: هنا الاستشارات القانونية

LinkBack

أدوات الموضوع

عرض

-

-

-

-

-

-

-

المواضيع المتشابهه

توقيع عقد الاستشارات للمرحلة الثانية من الخط الثالث للمترو

الفرق بين المصريات و الكنديات في عالم الاستشارات

أفتتاح منتدى الاستشارات التأمينية

الكلمات الدلالية لهذا الموضوع

المفضلات

المفضلات

ضوابط المشاركة