الموضوع: هنا الاستشارات القانونية

المشاركة الأصلية كتبت بواسطة onsi

السلام عليكم
لو سمحت فى حاجة محتار فيها ومش عارف اعمل اية
الموضوع متعلق بشقة تمليك ومكتوب عليها ايصالات امانة كل 3 شهور وتم تسديد ايصالين فى الميعاد وبعدين حصل خلاف شخصى مع صاحب الايصالات وبقالة 3 شهور بدون سداد وانا مش عارف هو ممكن يرفع قضية بكل الايصالات فى الحالة دى انا اعمل اية خاصة ان التوكيل اللى عملهولى بللادارة فقط يعنى هو كدة ماسكنى وتانى دراعى كمان فما الحل ياريت حل سريع وقاطع خاصة انى لا احب المشاكل ولا الدخول فى قضايا
ملحوظة: هو كان بيهدد من فترة انة هيخلى المحامى بتاعة يتصرف فهل من حقة باى شكل طردى من الشقة علما ان معى فقط العقد الابتدائى وتوكيل بالادارة وشكرا

يطردك من الشقة دا حسب العقد الي بينكم هل بينص في حالة عدم سداد بيصبح العقد ملغي ولا لا؟؟؟ لكن هو يقدر يطالبك بقيمة الايصال و يسجنك بيهم
اما موضوع توكيل الادارة داه انا مش فاهم هو عامليك تو كيل بالادارة ليه؟؟؟

المشاركة الأصلية كتبت بواسطة SuperHoss

السلام عليكم ورحمة الله وبركاته
الاخ metenawy

شكرا مقدما على الخدمات القانوينة المميزة

كان عندي سؤال

انا حابب ادخل فى مشروع استصلاح زراعي

ومعروض عليا قطعة ارض على طريق جمصة

بحسب كلام البائع ليها عقد ازرق وانها ملك صاحبها شخصيا وليست وضع يد او تابعه لجهة اخري
وان بها عداد مياه وكهرباء

ولكن لي صديق قال لي ان المناطق الجديدة هي حق انتفاع وليست تمليك

وسؤالي هل مناطق الاستصلاح فيها تمليك؟ وما الفرق بين العقد الازرق و العقد الاخضر ؟؟

وهل تنصحني ببدأ المشروع حاليا ام ان الاوضاع القانوينة حاليا في ظل التطورات السياسية فى البلد تدعو للصبر قليلا حتي ثبات الاوضاع ؟

ولكم كل الشكر

شوف انا عن نفسي بدور علي ارض استصلاج برده و السوق كالاتي اراضي رخيصة و دي بتبقي وضع يد او غيره و دي لن تتملكها و اذا مسحبهاش منك بعد ما تعبت فيها كبيرهم حيدوهالك حق انتفاع والي يقولك ازرع و بعد كده حيملكوك و انا حديك موافقة الجيش و الاثار داه كله كلام نصب و
في نوع تاني من الاراضي و دي الاراضي المسجلة بالشهر العقاري و دي ملكيتها ثابتة و سيبك من عقد ازرق و عقد اخضر اذا العقد مسجل روح علي الشهر العقاري التابعة ليه الارض و اسئل علي بالرقم المكتوب في العقد اذا متسجل يبقي تمام و باردو لازم تتاكد من العقد في وزارة الزراعة
اما عن سؤالك بخصوص تبتدي ولا تستني فانا لما لقيت الاراضي المسجلة غالية اوي قلت استنا و اشوف وزارة الزراعة حتوزع فدادين ولا ايه؟ لقيت الغبي وزير الزراعة الجديد عايز يدي الاراضي للشباب بحق انتفاع برده يعني ياربي واحد كان بيبيع الاراضي للمستثمرين و التاني بعد ما اتعب و اصرف يقوم ياخودها مني تاني فقولت استني و اشوف ايه الي حترسي عليه الدنيا لما الموضيع تهدا و تبان لحسن البلد دي دلوقتي مش مضمون و ياريت تتباعني باخبارك

المشاركة الأصلية كتبت بواسطة metenawy

يطردك من الشقة دا حسب العقد الي بينكم هل بينص في حالة عدم سداد بيصبح العقد ملغي ولا لا؟؟؟ لكن هو يقدر يطالبك بقيمة الايصال و يسجنك بيهم
اما موضوع توكيل الادارة داه انا مش فاهم هو عامليك تو كيل بالادارة ليه؟؟؟

لا موضوع العقد لا يوجد بة نص اطلاقا يخص الطرد اما بالنسبة للتوكيل هو توكيل بالادارة وليس بالبيع للنفس او للغير وانا ماشوفتش الجملة دى خالص فى التوكيل الا ساعة ما رحت اغير عداد الكهرباء باسمى قالولى ما ينفعش ومن وقتها عرفت
لكن عملى توكيل بالادارة لية انا صدقنى مش عارف جايز عشان الشقة لسة عليها اقساط
بس هو فى نفس الوقت ضامن الايصالات بتاعتة
طيب قولى اية الحل لو مارضيش يعملى توكيل بالبيع ولو امتنعت عن السداد هيعمل زى مانتا قلت ويقدم الايصالات
لكن برضة الايصالات دى بتاعت اقساط ازاى يقدمها كلها هو صحيح مافيش حاجة تربط الايصالات بالاقساط غير ارقام مسلسلة والعقد مافيهوش بند بالايصالات ولكن يوجد بند بالاقساط فقط
ياريت تقولى اتصرف ازاى وشكرا

المشاركة الأصلية كتبت بواسطة A7MED_PHARMA

أستاذنا

إزيك أخبارك إيه؟؟؟
بإختصار


خبطت في سواق نتيجة خطأه
وروحت قسم الشرطة .. وقدمت بلاغ برقم العربية
المفروض هتمشي قضية .. وكتبت في البلاغ تكلفة الاصلاح وهي 2.500

الموضوع ده هيجيب همه ولا لأ؟؟

مش حيجيب همه

المشاركة الأصلية كتبت بواسطة onsi

لا موضوع العقد لا يوجد بة نص اطلاقا يخص الطرد اما بالنسبة للتوكيل هو توكيل بالادارة وليس بالبيع للنفس او للغير وانا ماشوفتش الجملة دى خالص فى التوكيل الا ساعة ما رحت اغير عداد الكهرباء باسمى قالولى ما ينفعش ومن وقتها عرفت
لكن عملى توكيل بالادارة لية انا صدقنى مش عارف جايز عشان الشقة لسة عليها اقساط
بس هو فى نفس الوقت ضامن الايصالات بتاعتة
طيب قولى اية الحل لو مارضيش يعملى توكيل بالبيع ولو امتنعت عن السداد هيعمل زى مانتا قلت ويقدم الايصالات
لكن برضة الايصالات دى بتاعت اقساط ازاى يقدمها كلها هو صحيح مافيش حاجة تربط الايصالات بالاقساط غير ارقام مسلسلة والعقد مافيهوش بند بالايصالات ولكن يوجد بند بالاقساط فقط
ياريت تقولى اتصرف ازاى وشكرا

لانه لو قدم للمحكمة ايصال واحد و دفعته و طلع ان بقيت الايصالات مرتبطة ببعض لما انت متدفعشي الباقي ميقدرشي يطالبك بيهم فهمت