الموضوع: المشوره بخصوص 318i

المشاركة الأصلية كتبت بواسطة moon47777

اخواني الاعزاء
بعد جهد وبحث لقيت 318 موديل 99 طبعا الفتيس القديم
مطلوب فيها 90 الف ( في حدود امكاناتي) رشه بره وفابريقه دواخل
انا لسه ما شوفتهاش بس ناوي اعاينها بكره ان شاء الله
يا ترى في عيوب معينه ظاهره لازم ابص عليها الاول قبل ما اخدها اكشف عليها في التوكيل والا زيها زي اي عربيه يعني ابص عليها عموما ولو عجبتني اخدها على البافريه

ويا تري ايه قصة الفتيس القديم اللي اغلب الناس بيتكلمو عليه وهل لي عيوب ظاهريه تبان بالتجربه والا عيوب الفتيس ده خفيه وما بتظهرش الا مع الاستعمال

وهل السعر ده مناسب والا عالي عليها

انا اول مره اشوف واحده 99

وعلى فكره العربيه على حسب كلام الراجل في التليفون m3 فول اوبشن تكييف تاتش كراسي كهرباء جنوط 17

اسف على الاطاله وبانتظار الردود

باشا ال bmw بالذات لازم ميكانيكى محترف يكون شغال فى ال bmw و يكون شغال فى الفئة اللى حضرتك هتشتريها ده. خد هذا الكلام ثقة 100% منى. اما التوكيل. لكن مش زى اية عربية عادية. بالنسبة إذا كانت m3 فول اوبشن فالعربية تعدى المبلغ ده بمراحل فى حدود من 30000 الى 40000 جنية زيادة لو جوه وبره.

اخواني الكرام
روحت النهارده شوفت العربيه شكلها من بره حكايه
المهم
خدت المفتاح ودورت العربيه وهاتك بقى على لمبات التابلوه
لمبة الزيت منوره اصفر مش احمر يعني شكلو كده ناقص
لمبة الايرباج منوره مش عارف ليه
لمبة التيل منوره عايزه تيل جديد
لمبة البطارية منوره شكلها اما عايزه بطارية او دينامو جديد

قلت معقول نكمل الباقي
شغلت التكييف لقيتو ما بيبردش يعني اضعف الايمان شحن فريون قلنا ماشي

فتحت الكبوت وبصيت لقيت الركبتين اليمين والشمال فوق المساعد فيها شروخ كتيره يظهر المساعد كان بايظ وصاحبنا مشي بيها وهي كده
دا غير الزيت اللي راشح من حوالين الماتور وبالتحديد من عند جوان وش السلندر والمصفحه اللي تحت مش موجوده يعني شكلها معمول فيها شغل من تحت الماتور وصاحبنا اللي عملو ما قفلهاش كويس

وللامانه دواخلها فابريقه واحلى ما فيها الجنوط طبعا مش هاشتري دواخل وجنوط

المهم في النهايه قلت بلاها ناديه خد سوسو مالها الجوليت مفهاش لا ايرباج ولا لمبات تولع في التابلوه وزي الفل

تحياتي

المشاركة الأصلية كتبت بواسطة moon47777

اخواني الكرام
روحت النهارده شوفت العربيه شكلها من بره حكايه
المهم
خدت المفتاح ودورت العربيه وهاتك بقى على لمبات التابلوه
لمبة الزيت منوره اصفر مش احمر يعني شكلو كده ناقص
لمبة الايرباج منوره مش عارف ليه
لمبة التيل منوره عايزه تيل جديد
لمبة البطارية منوره شكلها اما عايزه بطارية او دينامو جديد

قلت معقول نكمل الباقي
شغلت التكييف لقيتو ما بيبردش يعني اضعف الايمان شحن فريون قلنا ماشي

فتحت الكبوت وبصيت لقيت الركبتين اليمين والشمال فوق المساعد فيها شروخ كتيره يظهر المساعد كان بايظ وصاحبنا مشي بيها وهي كده
دا غير الزيت اللي راشح من حوالين الماتور وبالتحديد من عند جوان وش السلندر والمصفحه اللي تحت مش موجوده يعني شكلها معمول فيها شغل من تحت الماتور وصاحبنا اللي عملو ما قفلهاش كويس

وللامانه دواخلها فابريقه واحلى ما فيها الجنوط طبعا مش هاشتري دواخل وجنوط

المهم في النهايه قلت بلاها ناديه خد سوسو مالها الجوليت مفهاش لا ايرباج ولا لمبات تولع في التابلوه وزي الفل

تحياتي

قدر الله و ما شاء فعل. انا كنت مش متأكد من حالة السيارة بالسعر المطلوب فيها بصراحه لكن مش متوقع الكم ده من المشاكل عالعموم خيرها فى غيرها إن شاء الله. و إن شاء الله تجد أفضل منها عن قريب. دور على مواقع بيع السيارات و هتجد إن شاء الله سيارات كويسه ونظيفة. سلام

المشاركة الأصلية كتبت بواسطة hisham80

طيب حد يفيدنا عن موضوع الفتيس

حضرتك تقصد ايه بالفتيس؟

المشاركة الأصلية كتبت بواسطة hisham80

طيب حد يفيدنا عن موضوع الفتيس

على حسب ما سمعت والله اعلم
الفتيس القديم اللي هو الاوتوماتيك فيه مشاكل انما هي ايه بالضبط سمعت كلام كتير
ناس قالت فيه مشاكل في تقفيله
وناس قالت بيعطل وما بينفعش فيه تصليح لازم تغيرو كلو
والراي التالت والاخير ( وده الغالب من وجهة نظري كمهندس سيارات)انو بياخر النقله يعني بياخد وقت كبير بين النقله والتانيه او بمعنى ادق ما بينقلش نقلاته في معادها المظبوط

ياريت نسمع من الناس اللي جربت ايه هي المشاكل اللي قابلتهم فيه وانا ان شاء الله هاعمل موضوع جديد بخصوص الموضوع ده

تحياتي

بص يا باشا انا عندي نفس الغربية ديه

بالنسبة للمبة البطارية اي كهربائي بي ام يحلها في 5 دقائق اما لمبة التيل فعادي اي تيل بيتغير و لازم تعمل حسابك ان الراجل ده من ساعة ما نوي يبيع معملش فيها حاجة اما بالنسبة للزيت فده وش الجوان بيتغير في ربع ساعة اما لمبة الاير باج فدية منورة عندي برده و عايزة التوكيل لان العربة دية فيها 8 اير باج و ممكن واحد يكون فيشته مهزوزة اما الشروخ فهي دية المشكلة لان اصلاحها بياخد وقت طويل و اما التكييف احتمال يتكلف كومبريسور ب 2000 استعمال و سربنتينة جديدة ب 1800...خلاصة الكلام لو العربية دية ارخص من ثمنها في السوق بحوالي 35 الف فانت حتتكلف 10 الاف لاصلاحها و حوالي اسبوع وقت و حتكون انت الكسبان و الله اعلم