ملحوظة غريبة لو ممكن نفكر فيها سوا
سلام عليكم
النهارده الصبح لاحظت حاجة كده في سحب العربية , هي مش حاجة مهمة بس قلت نفكر فيها مع بعض
انا سخنت العربية شوية الصبح و طلعت , المهم و انا ماشي كنت حاسس انها تقيلة شوية في سحبها و باحتاج ادوس شوية زيادة على البنزين عشان تسحب , و بقيت مش فاهم السبب بس مشيت و خلاص
المهم و انا ماشي لقيت مؤشر البنزين على النص , فدخلت محطة بنزين , بطلت العربية و مونت 20 لتر و مشيت
الغريبة اني بعد ما خرجت من المحطة لقيت العربية خفيفة جدا و بتسحب كويس اوي
عمال افكر اني افسر ده مش عارف , هل عشان بطلت و دورت ؟ ولا ايه بالظبط مش عارف