الضغط والسكر ضربوا: طفل 11 سنة حافظ للقران كامل و11 الف حديث شوفوا مكافأته ايه ؟

**dr-mohamed** · 06-04-2010 04:37 PM

المشاركة الأصلية كتبت بواسطة aif

بسم الله ماشاء الله ..... ولد يشرح القلب .... ربنا يحمية ويحفظه ويجزي والديه كل خير
...
اعتقد ان ده تكريم واحد من ضمن عشرات التكريمات الل بينالها نابغة زي ده
وكل جهه بتديه مكافأة حسب امكانياتها .... ودي منطقة تعليمة تابعة للأزهر ...يعني امكانياتها منعدمة
لكن في مسابقات القرآن وتكريم الدولة في ليلة القدر وحاجات تانية كتير الجوائز بتبقى بعشرات الآلاف .... وبرضه ده قليل على حملة كتاب الله
لكن انا شايف ان اللي ناشر الخبر ناشر الجزئية اللي تحرق دم القارئ فقط .... كنوع من الفرقعة .....
الاعلام المصري لا يمكن الوثوق به .... وانا عن نفسي لا أصدق ما أقرأه في الاعلام المصري وبأفترض عدم صحته الى أن يثبت العكس
.....
والتكريم الاكبر انه يرتقى عند الله حتى يكاد يكون في منزلة الملائكة ... ( الذي يقرأ القرآن وهو ماهر به مع السفرة الكرام البررة .... او كما قال عليه الصلاة والسلام )
...
مثلا : الشيخ اللي علمني التلاوة ربنا يكرمه ويعزه .... حافظ القرآن وحاصل اجازة وأبناؤه ولدين وبنتين حافظين القرآن ماعدا البنت الصغيرة حافظة اكتر من 20 جزء ولسة بتكمل حفظ .... واتعلم على يدية مئات ... بل آلاف الناس
لدرجة ان مرة جابلهم مصاحف جديدة كمكافأة .... العيال اكتشفو اخطاء في طباعة المصاحف .....
المهم ان مع كل ده ايه التكريم اللي بيحصل عليه من الدولة او من الازهر ........ ولا حاجة
الدعم اللي بيحصل علية معظمه من اشخاص ونادرا ما يحصل على مكافآت الا لما بيدخل مسابقات او ماشابه ذلك ..... حتى تحفيظ الاطفال في المقرأة بيبقى مجاني ..... وبيدي الاطفال فلوس من معاه للتشجيع .... غير الرحلات والحلويات والملابس اللي بيجيبها من ماله الخاص
اللي بيدخل المجال ده ....... مش بياخد من الدولة ... وبيبقى عارف كدة كويس ..... لكن اجره على الله
ومش بس علماء الدين ...... اي نابغ في اي فرع من فروع العلم ح تلاقي التكريم لا يليق بعلمه
احنا في مصر يا باشا مش في امريكا

نتمنى ان ييجي اليوم ونلاقي الدولة بتهتم بالشكل المناسب برجال الدين والعلماء ......

الاول مبروك التوقيع يا حاج احمد
ثانيا الله يكرم الشيخ اللى علمكم
والدي الله يدي له الصحة بني كتاب في البلد عندنا وناس كتير نصحته يدخله تبع الاوقاف علشان تبقي مسئولة عنه والمية والنور والكلام ده ابويا رفض تماما ومدي الكتاب لواحد شيخ وهو متحمل اي تكاليف للكتاب مقابل ان الشيخ يخفض اجرة تعليم الاولاد وما شاء الله في الارياف فعلا حفظ القران في الكتاتيب كويس جدا غير المدينة انا عايز ولادي يحفظوا صعب الاقي مكان ينفع يحفظوا فيه

اما العلماء فمعلش في اللفظ بيكحوا تراب في مصر
تخيل اوائل الكليات دلوقت معظمهم لو فيه ادامه فرصة عمل في اي مكان بيرفض يتعين في الجامعة واعرف نمازج في حقوق وهندسة رفضوا التعيين في الجامعة وفضلوا الشركات الاجنبية او القضاء علشان دخله اد دخل الجامعة 5 او 6 مرات على الاقل غير باقي المميزات
واللى بيتعين في الجامعة اول ما تيجي له فرصة كويسة للدراسة في الخارج بيسافر ومش بيرجع واللى بيرجع بيهرب على الخليج
والموجودين خلاص قربوا يطقوا من جنابهم

**aif** · 06-04-2010 05:13 PM

المشاركة الأصلية كتبت بواسطة أبو صلاح

اتمنى يكون ده اللي حصل
ومبروك التوقيع

المشاركة الأصلية كتبت بواسطة cairo2005

الاول مبروك التوقيع يا حاج احمد
ثانيا الله يكرم الشيخ اللى علمكم
والدي الله يدي له الصحة بني كتاب في البلد عندنا وناس كتير نصحته يدخله تبع الاوقاف علشان تبقي مسئولة عنه والمية والنور والكلام ده ابويا رفض تماما ومدي الكتاب لواحد شيخ وهو متحمل اي تكاليف للكتاب مقابل ان الشيخ يخفض اجرة تعليم الاولاد وما شاء الله في الارياف فعلا حفظ القران في الكتاتيب كويس جدا غير المدينة انا عايز ولادي يحفظوا صعب الاقي مكان ينفع يحفظوا فيه

اما العلماء فمعلش في اللفظ بيكحوا تراب في مصر
تخيل اوائل الكليات دلوقت معظمهم لو فيه ادامه فرصة عمل في اي مكان بيرفض يتعين في الجامعة واعرف نمازج في حقوق وهندسة رفضوا التعيين في الجامعة وفضلوا الشركات الاجنبية او القضاء علشان دخله اد دخل الجامعة 5 او 6 مرات على الاقل غير باقي المميزات
واللى بيتعين في الجامعة اول ما تيجي له فرصة كويسة للدراسة في الخارج بيسافر ومش بيرجع واللى بيرجع بيهرب على الخليج
والموجودين خلاص قربوا يطقوا من جنابهم

الله يبارك فيكم عقبال ما يبقى التوقيع 20 سطر

حفظ القرآن في الارياف اكيد اكتر كتيييير من القاهرة .... وكلما كان الريف بعيد عن المدنية والقرية صغيرة بيبقى عدد الاطفال اكتر ويحفظو بسرعة واتقان وذلك لبعدهم عن المدينة وضجيجها ووسائل الترفيه والمغريات الموجودة في المدن الكبيرة
والدك عند حق طبعا ... الاوقاف لو مسكت الكتاب مش ح يكون في صالح المكان
...
وكلنا متفقين ان العلماء ورجال الدين يجب ان يكونوا في قمة الهرم الاجتماعي
لكن ده الواقع المر
انا اعتراضي على الاعلام ....... وطريقة عرض الاحداث
بيشوفو ايه اللي يلفت نظر المتلقي ..... بغض النظر عن الرسالة والمهنة
يعني تلاقي حادثة او جريمة مثلا ...... الاعلام بيتفنن في سرد كيفية ان القاتل ضرب القتيل بالمطوة وفتح كرشه وخد الامعاء الغليظة عملها مواسير صرف صحي والدقيقة عملها ممبار والرقبة عمل عليها فته ...... كلام المقصود بة زيادة نسبة القراءة او المشاهدة ...... الحقيقة فين ؟؟؟؟ المصداقية فين ؟؟؟؟؟ الحرص على مشاعر المتلقي ؟؟؟؟ مراعاة شعور ذوي المجني علية ؟؟؟؟؟
...
انا انتقادي للأعلام عموما ...... لكن طبعا انا مش موافق على المضمون ..... المفروض ولد زي ده يكافئ ماليا بالشكل اللائق و يتم تهيئة الظروف المناسبة له ليواصل علمه .... مثلا يتم اعفاؤة من جميع المصروفات التعليمية في جميع المراحل .....لما يتخرج يكمل دراسته العليا في مجاله مجانا ... يتم تخصيص شقة مناسبة له ........ تخصيص راتب شهري ........ وهكذا
كلمة اخيرة
اللي بيحفظ القرآن مش بيكون عايش حياته زينا ......
ده بيتطلب التركيز على هذا الهدف السامي ....
يعني لو عاوز ابنك يحفظ القرآن .......لا يمكن ح يلاقي وقت ولا ذاكرة لمشاهدة الاغاني والافلام والمسلسلات والماتشات ..... ساعات لعبه ح تبقى اقل من اقرانه ...... مش ح يلاقي وقت للكورة وما شابه ذلك ...الوقت عندة ح يكون محسوب .... المذاكرة وحفظ القرآن ح يشغلو وقته بالكامل تقريبا
ومش كل الناس تقدر على كدة
انا اقصد ان الموضوع محتاج تضحيات في امور الحياة الاخري علشان يقدر يتفوق في حفظ كتاب الله ..... لكن المقابل اكيد يستحق هذه التضحيات من الولد ... ومن الاهل قبل ذلك
تخيل ان يكون عندك ابن من حفظة القرآن ........ تاج على راسك يوم القيامة ..... شرف ما بعده شرف