الموضوع: مهزلة في البنوك المصرية .... وبتعليمات من البنك المركزي ... المحترم

طيب نتكلم بجد عن السبب
السبب الواضح مش التخلص من العملات المعدنيه

السبب الواضح انهم عايزين يضخوا عملات معدنيه فى السوق و ده بيحصل لما يلاقوا الفكه مش متوفره فهما بيشتغلوا بطريقه الاتحاد الاشتراكى و ادفع و اشتكى بعدين و المضطر يركب التاكسى

يعنى هما عايزين يزودوا المتداول من الفكه فيعملوا ايه؟ يجبروا كل الناس اللى هتتعامل مع البنوك انهم ينوبهم حبه فكه
طب و دول هيروحوا فين اكيد iيعيدوا ضخهم فى المعاملات اليوميه و ديه اللى بيأدى فى الاخر ان كريم منير عندوا ميداليا شايل فيها 18 جنيه فضه!!

بس الحج احمد ناوى يكنزهم و يحطهم فى خزنه شهبندر التجار

تذكروا البنك المركزى لو ماعملش كده كريم مش هيعرف يملا الحصاله :)

فيه لوحه محطوطه جنب كل صراف في بنك بتقول(الرجاء عد النقديه قبل مغادرة الشباك)
ممكن نقعد نعد وساعتها ممكن اقعد ساعتين والصراف والناس اللي ورايا هيتخنقوا منى وبالطريقه دي الصراف مش هيخدم اربع او خمس عملاء في اليوم
اللذيذ بقي انى اقول له بعد ما عديت المبلغ انه ناقص اتنين جنيه وربع ولو مش مصدقني يعدهم هوه كمان ودى فيها ساعه تانيه

العملات المعدنية منتشرة فى كل العالم بس علشان تستخدم، يعنى هتلاقى مكن فى كل حتة بيقبلها، سواء لشراء مشروبات او تذاكر مترو او حتى تذاكر مباريات، بس للأسف الأستخدامات دى بسيطة جدا فى مصر. انا بقى هقترح عليكم استخدام جامد قوى ليها. ايه رأيكم نستخدمها فى التحويش و التوفير، يعنى كل واحد مننا كل يوم يرجع يقوم يحط العملات المعدن اللى معاه فى حصالة و يخلص من الشخللة و فى نفس الوقت مش هيكونوا مبلغ كبير يأثر على الميزانية و ايدك مش هتتمد عليهم علشان هتنساهم، جربوا كده زى ما اننا باعمل بقالى شهور، مش هقدر اقولكم حوشت كام علشان مش باعدهم، بس حتى لو كانوا 200 - 300 جنيه، اهو برضوا احسن من الشخللة و الواحد يبقى بيحوش اى حاجة فى سعار الاستهلاك اللى احنا عايشين فيه ده.

100 الف و انت طالع

طيب الحمد لله ان الواحد مش بيصرف المبالغ ديه من البنوك

ده كده الواحد كان هيتبهدل