الموضوع: حدث في ميت غمر

المشاركة الأصلية كتبت بواسطة ahmed12345678

انتا فكرتنى بنفسى اول ما اتعينت
كانت العزة وخدانى اوى مع انى اتعينت بتقديرى ومن غير واسطة ولحد دلوقتى معرفش ازاى ومفيش اى حد فى عيلتى ولا حتى والدى شغال فى السلك القضائى
المهم
كنت مرة من كام سنة بعد متعينت بفترة بسيطة سايق ورايح قريتنا ومعايا والدى ووالدتى وبردة واحد سايق موتسيكيل كسرعليا وفديتة بس وقع من على الموتسيكل على الارض وقعة بسيطة ومحصلوش حاجة فوقفت اشوف الى حصل لقيتة جاى عليا يزعق ويعلى صوتة محستش بنفسى وعملت الى عملتة ومحدش بعد اذنكوا يسالنى عملت اية لانى بضايق من نفسى كل ما افتكر
لدرجة ان والدتى نزلت من العربية ومسكتنى وقعدت تشدنى علشان تبعدنى عن الراجل.
ومحدش طبعا قدر يعملى حاجة
وبعد ما الموقف ما خلص وهديت ولحد دلوقتى وبعد السنين دى كلها مقدرتش اصدق انا الانسان المتربى المحترم الى عمرى ممديت ايدى على حد اعمل كدة واشتم الشتايم الى شتمت الراجل بيها حتى اذا كان هو الى غلطان وقدام ابويا وامى
ومن ساعتها بقيت ماشى بمبدا العفو عند المقدرة وبقيت اخد المواقف بهدوء
لان اللة يمهل ولا يهمل
واحنا فى النهاية بشر
وربنا اقوى من كل البشر
ورغم مميزات عملى واننى احمد اللة عليها
لكن من جوايا بقيت اكرة عملى
لان شغلى عرفنى الوجة القبيح للحياة فى مصر
وهو
انا البقاء للاقوى

نفس الموقف بالظبط حصل معايا
رايح فرح واحد صاحبي ولابس بدلة
داخل تقاطع وواقف أبص قبل ما أدخل التقاطع ..واحد بتاع موتوسيكل معدي من التقاطع من غير مايبص راح داخل في عربيتي من قدام كسري الاكصدام ووقع

ووالله نزلت أطمن عليه

لقيته جاي يزعقلي
والناس إتلمت (زي عادة الفلاحين) وجايين يزعقوا للي راكب العربية باعتبار انه مفتري ..وان محدش غيره ركب عربية ..وانه مستهتر ومش بيقدر أرواح الناس
وإني كنت هموت الراجل الغلبان إلي راكب الموتوسيكل
وقعدوا يخبطولي على كبوت العربية ويزعقولي

بدون وعي مني
روحت شايط فيهم كلهم
شتيمة وتهزئ ..ويابقر ياحيوانات

"أنا وكيل نيابة ياكلاب"
وطلعت التليفون بتاعي وكأني هجيبلهم البوكس يلمهم ..لقيت كل واحد أخد ديله في سنانه ومشي.

مع إني ماخبطوش
وكسري أكصدام العربية ..ونزلت أطمن عليه

هما يستاهلوا أكتر من كده

مييييييييييييييين بيجيب في سيره ميت غمررررر بقه :@:@:@

على فكره احنا كتيير هنا خودوا بالكم :)
انا عن نفسي مبرتحش غير فيهاا
يمكن عشان اتربيت فيهاا
بس فعلا للاسف بقيت لا تطاااااااااااااااق بسبب شوارعها اللي بقت كلها مكسره
مع انها والله كانت زمان مرصوفه كلهااااااااااااااااا
بس منهم لله عشان يجددوا شبكه الصرف الصحي ويدخلوا الغاااااااااااز بقالهم بتاع 10 سنين مثلا بيكسروا فيها والله اعلم هتخلص امته
احمد باشا ربنا يسترها معانا
وفعلا بتوع الميكروباصات ما ينفعش معاهم غيير كده

المشاركة الأصلية كتبت بواسطة magyver

ميت غمر ددة حلمي الوحيد انها تتسفلت
وبعدين ميت غمر كاانت منورة النهاردة بوجودك يادكتور

ربنا يخليك ياحبيبي


........
شوفتوا الصدف

داخل ميت غمر ..أشوف شريف
أعدي المزلقان
أشوف ماجيفر






.