حاسة بحمل تقيل منمتش منه

**نور القمر** · 07-04-2010 05:56 PM

في ثانوي والجامعة الوضع مختلف
لانهم بقوا كبار وفاهمين وناضجين ويقدروا يفرقوا بين الصح والغلط
لكن الاطفال في ابتدائي واعدادي عندهم الفضول للمعرفة وده انا مش ضده
لكن المعرفة في حدود بما يناسب كل فئة عمرية مع معرفة المباح والغير مباح
انا بتكلم دلوقت على دور المدرسة في حاجة زي دي
انا او اي حد استحالة هقدر اراقب اولادي طول الوقت
لكن مدام هم في المدرسة اذن المدرسة هي المسئولة عن تربيتهم وتعليمهم في الوقت اللي بيقضوه في المدرسة
ده حتى اسمها وزارة التربية والتعليم
انا دلوقت اللي هامنني ان المدرسة متكونش وسيلة لقلة التربية
يعني لما اعرف ان الموضوع منتشر في المدارس
ليه ميمنعوش الموبايلات من الاطفال وحط الف خط تحت كلمة الاطفال
او اضعف الايمان يعملوا حملات تفتيشية مفاجأة كل فترة على الموبايلات ويشوفوا محتواها ايه
احنا كنا في مدارس حكومة وكان في تفتيش اسبوعي على النظافة الشخصية من ملابس واظاافر وشعر وغيره
دلوقت متلاقيش الحاجات دي ولا في المدارس الخاصة
اي حد معاه فلوس بيدخل ولاده مدارس خاصة
انا والله مرة شوفت بنت سماك كنت بتعامل معاه في مدرسة ولادي شعرها في منتهى القذارة من كتر الحشرات اللي فيه
انا مش عارفه احميهم واحافظ عليهم من ايه ولا ايه

**deee** · 07-04-2010 06:03 PM

بيتهيألى المناقشة المنطقية هيكون حل فعال ..
حاولى حضرتك تناقشيهم وتقربى منهم كصديقة وتكتسبى ثقتهم كاملة ..
وهما بالتالى هيثقوا فى آرائك وحكمتك وهتكونى حضرتك المرجعية بالنسبالهم كمان والدهم بالتأكيد ..
بس اهم حاجة تحترمى عقولهم .. لأن اجيال دلوقتى سهل اوى تعرف المعلومة الصح وهو قاعد فى مكانه .. موبايل باه انترنت جوجل تليفزيون ..
الكلام ده مكنش موجود على ايامنا خالص ..
يعنى لو حصل اى موقف متنفعش سكة ممنوع .. طب ليه ؟؟
هو كده !!!
لأ لازم يكون فيه اسباب منطقية ..
بس تكون فى حدود سنهم وتفكيرهم ..
طبعاً مع الحفاظ على الجانب الدينى والاخلاقى ..
وربنا يستر علينا .

**zaza_lanos** · 07-04-2010 06:20 PM

يا نور
المشكلة مش فى الاطفال
المشكلة فى اولياء الامور اللى معدوش على تربية وفكرينها حاجة
كويسة ان اولادهم يشيلوا موبيلات ويسهروا مع اصحابهم
ومافيش مشكلة يروح السينما
وبعد كده يعيطوا (دموع التماسيح) علشان الوجهة الاجتماعية

**maged** · 07-04-2010 06:23 PM

صدقينى كلنا بنعانى من المشاكل دى انا عندى 3 بنات سادسه وتالته ابتدائى و اصغرهم kj2
وفى نفس مشاكلك بس بحاول اعرفهم دايما الصح والغلط والعيب
ونصيحة مهمه اذا كان الطفل بيصلى ويصوم وله علاقه بربنا متخافيش عليه لانه هيتكسف من نفسه اذا حاول يعمل حاجة غلط وغالبا مش هيعملها ولو حتى عمل اى حاجه غلط حتى مجرد انه يشوف لقطه مش حلوة فى فيلم عربى عادى هتلاقى الطفل جاى يقولك على طول عشان حاسس بالذنب
وبلاش الخوف الزائد عن اللزوم واسلوب المنع المطلق لأنه بيجيب نتيجة عكسية يعنى بدل ما احرم الطفل من الموبايل ويحس بالنقص وسط زمايله
افهمه مميزات الموبايل وعيوبه وايه الصح والغلط واتابعه من غير ما ياخد باله وان شاء الله ربنا يحرسهم

**نور القمر** · 07-04-2010 06:27 PM

اولادي تقريبا نفس اعمار بناتك بس ولاد ربنا يخليهم ويحافظ عليهم كلهم
المشكلة مش في الموبايل ولا انا ضد وجوده مع الاطفال من حيث المبدأ
المشكلة في عدم وجود رقابة حقيقية من الاهل والمدرسة
اولادي معاهم موبايلات وهم في ابتدائي
بس مش للمدرسة
الموبايل بالنسبة لهم للضروريات
يعني لو في رحلة عشان اطمن عليهم
وفي اللبيت عشان لو خرجت يتصلوا بيا في الضرورة
يعني شوية العيال اللي على موبايلاتهم افلام ... فين دور الاهل عشان يوصلوا للدرجة دي !!!!!!!!!!

**نور القمر** · 07-04-2010 06:32 PM

اذا كان على الصلاة فدي اولى اهتماماتنا معاهم
باباهم اول ما يدخل من الباب بيسألهم عن الصلاة
وعاملهم جدول عليه درجات
متقسم درجات للصلاة وللمذاكرة والنظام والنظافة والطاعة
وفي بينهم تنافس عشان ياخدوا درجات اعلى من بعض وبالتالي المكافأة اعلى

**elassar2010** · 07-04-2010 06:36 PM

المشاركة الأصلية كتبت بواسطة نور القمر

فين دور الاهل عشان يوصلوا للدرجة دي !!!!!!!!!!

الغالبية العظمى من الاهل بتفكر انها تجيب فلوس لاولادها علشان تدخلهم احسن مدارس وتديهم دروس وتعيشهم فى مستوى راقى
يعنى تفكيرهم فى الفلوس فقط انما متابعة الاولاد مش فى دماغهم او مش على راس اهتمامتهم

**Samah AbdAllah** · 07-04-2010 06:38 PM

انتى بتتكلمى فى موبايلات يا نور
ده انا بنت عمتى اخصائية اجتماعية فى مدرسة ابتدائى بس حكومة
مدرسة حكومية يعنى مش اهالى معاها فلوس ولا حاجة وكل العيال معاها موبايلات غير انها
صدمتنى من المهازل اللى بتحصل اللى الموبايلات دى اقل حاجة فيها
ده فى كوارث مكنش ممكن فى حياتى اتخيلها بتحصل
ومش عارفة فعلا ممكن نحمى اولادنا ازاى نحبسهم فى البي يعنى عشان يفضلوا قدام عنينا ونضمن محدش يخدش حياءهم على الاقل مش هنقول يعمل فيهم حاجة
الموضوع ده خنقنى بجد وتعب اعصابى
ربنا يستر

**نور القمر** · 07-04-2010 06:48 PM

ربنا يحفظ ولادنا جميعا يا بسكوتة
الواحد يعمل اللي عليه ويسلم امره لله

انا لسه حالا قلت اكسر حاجز الخجل بيني وبينهم
وعرفت من ابني ان العيال مش من فصله او جايز بيداري عليهم الله اعلم
وعرفت خبر اسعدني الى حدا ما
ان ادارة المدرسة مضت الطلبة كلهم على اقرار ان اللي هايتظبط معاه موبايل المدرسة هتاخده ومش هايرجع له تاني بس بالرغم من كدة لسه في عيال معاهم الموبايل

-

الموضوع: حاسة بحمل تقيل منمتش منه

LinkBack

أدوات الموضوع

عرض

-

-

-

-

المواضيع المتشابهه

بحمل كاتلوجات eper حد عاوز

حاسة العربية تقييييييييلة موش فاهمة ليه ؟

عملت حاسة ومحتاج مساعدة

ادعولي ياجماعه وانا بحمل عربيتي

ياريت حد يقولي لحسن بجد حاسة اني لايصة

الكلمات الدلالية لهذا الموضوع

المفضلات

المفضلات

ضوابط المشاركة