و الله يا مدام نور حاسس بكلام حضرتك
انا حاسس ان مفيش اي احساس بالمسئولية من الاباء نهائي
يعني انا حصلي موقفين و الله كنت مصدق نفسي نهائي
الاول في مدرسة ابن بنت خالتي
بنت و ولد في ابتدائي ظبطوهم في الحمام بعملو افعال مشينة
انا سمعت الموقف دة زهلت
ازاي اطفال اعمارهم لم تتعدي الثمان سنوات يوصل بيهم مستوي التفكير و الانحلال لكدة
فين دور الاهل فين دور المدرسة
و الموقف التاني
انا متعود اقعد في كافيه اغير جو كل فترة
كنت قاعد فيه من يومين و يخش شوية اطفال و الله العظيم اكبرهم ما يعدي طوله رجلي و نازلين شرب في سجاير بغباء و شوية و طلبو شيشة و نزلهم الشيشة فعلا
ازاي الي شغالين في الكافيه ينزلو شيشة لاطفال و كمان الي شغالين هناك مش صغيرين يعني رجالة كبار و اكيد عندهم اطفال في نفس العمر يعني حتي يراعي ربنا لانه عندو اطفال في نفس العمر
و يا ريت الموقف عدي علي كدة
و شوية و دخل بنات في نفس العمر و اكبر شوية
دخلو و قعدو معاهم و برضة هاتك يا شرب في سجاير !!!
يعني بنات و في سن صغير و بيشربو سجاير !!
فين مراقبة الاهل ازاي بتوع الكافية ينزلهم شيش و هو اكيد عندة اطفال في نفس السن
للدرجة دي مفيش ضمير مقابل شوية فلوس
بس ارجع و اقول العيب الاكبر علي الاهل
يعني ازاي يسيبو اطفالهم في السن دي ينزلو يقعدو في كافيه
و كمان ازاي طفل في السن دة يبقي بيشتري علبة سجاير مارلبورو ب 8.5 جنية + حجر شيشة ب 15 جنية في ساعة و احدة غير بقية مشاريبة = 25 جنية في ساعة واحدة
يبقي بقية مصاريفة كام
برضة الفلوس بالكم دة في ايد اطفال في السن دة خطر
دة حتي الرجال المدخنين معرفوش السجاير اكيد الا و هما في الجامعة او علي اقصي تقدير و هما في ثانوي
بجد ربنا يرحمنا برحمتة
و ربنا يستر علي الجيل الجديد
انا كل ما افكر ان هبقي في يوم من الايام اب و اطفالي هيبقو متعرضين للمواضيع دي بترعب
ربنا يستر