الموضوع: مش عارف أنام من صوت الكلب

المشاركة الأصلية كتبت بواسطة otefa

واضح ياباشا ان اخوك بيحب الكلاب قوي......علشان الكلب يتسعر مش بالسهولة دي ....ماالكلاب والقطط مالية الشوارع وبتاكل لحمة بدمها للصبح مش دايما بتتسعر.

هو اللى بيربى الكلاب مش انا و قعد كتير يربى و يبيع الكلاب لغاية ماعرف انها حرام بس اوضح موضوع انه يتسعر ديه من فهمى لكلامه مش معناه انه يتسعر انه يجيله مرض الكلب Rabies لا هو قصده انه بيبقى agressive و حتى يوصل انه يعض صاحبة لاكن صحيا مش هايحصله حاجة لان طول عمر الكلاب بتاكل لحمة نية ماحصلهاش حاجة
بس عموما مشكور انك نبهتنى اوضح النقطة دى ليكون حد فهم غلط
ومشكور على التريقة على اخويا


استاذ عاطف
طيب ممكن حضرتك تقوللى لو مكانه هاتعمل ايه و لو حقك مجاش بالطرق القانونية هاتعمل ايه
و صاحب الكلب ركب دماغه و مرضيش يشيله و قالك اكبر حيطة موجودة فى مصر ........

هل هاتستحمل انك ماتنامش كويس و تصحى مصدع كل يوم عشان الكلب مايموتش؟؟؟

المشاركة الأصلية كتبت بواسطة 3ateef

انا فعلا كنت مكانه وجارى اللى فى الشقة اللى فوقى كان جايب كلب ولما انا والناس اشتكينا ليه انه عامل ازعاج مشاه.....

انا مش بصحى مصدع عشان كلب او اى حاجة...انا بصحى مصدع لسبب مجهول !!!!

بالنبسة للطرق القانونية فهى بتجيب نتيجة ...بس بعد مدة...واللى مش بيسكت حيعرف ياخد حقه بالقانون...

وحتى لو كان جارى ممشاش الكلب كنت حستحمل ((والله))....وكنت فعلا مستحمل لحد ممشاه..ومفكرتش انى اموت الكلب..

اسألك سؤال....
تفتكر الناس اللى ساكنين جنب السكة الحديد وكل ساعة فى قطر معدى بيعملوا ايه ؟؟؟؟؟
وهل بيفكروا يفجروا القطارات ؟؟؟!!!

1:امثال حضرتك من الناس المحترمة انقرضوا و لازم تاخد حقك و الا الناس هاتكلك انا كنت زى حضرتك كدة مدى الامان للقانون و بقول ان الذوق هو اللى بيجيب نتيجة مش العنف بس حصلى عدة مواقف خلونى بدون مبالغة اكره الناس
و اكره الحكومة و بقيت ادور على حقى بدراعى بس مايمنعش ان كلام حضرتك صح و ان قتل الكلب اللى ملوش ذنب غلط و استسهال بس انا لو مكان صاحب الموضوع هاعمل محضر الازعاج فى البداية و ممكن اجيبله الجيران اللى متضايقة
لكن لو مستجبش ساعتها مش هاستنى القضايا لا انا هاروح اموتله الكلب عشان يعرف ان الله حق و ان البلد مش ليه لوحده
2:بالنسبة للصداع هل هو لما حضرتك بتصحى بس و لا طول اليوم وهل بيجى فى مكان محدد ولا تحس مثلا ان فى زى حد رابط على دماغك وهل ساعة الصداع ده النور بيوجعك
3:اكيد الناس اللى ساكنة جنب القطر بيتمنوا تفجيره بس ما بيقدروش

المشاركة الأصلية كتبت بواسطة medo2o1o

هو اللى بيربى الكلاب مش انا و قعد كتير يربى و يبيع الكلاب لغاية ماعرف انها حرام بس اوضح موضوع انه يتسعر ديه من فهمى لكلامه مش معناه انه يتسعر انه يجيله مرض الكلب Rabies لا هو قصده انه بيبقى agressive و حتى يوصل انه يعض صاحبة لاكن صحيا مش هايحصله حاجة لان طول عمر الكلاب بتاكل لحمة نية ماحصلهاش حاجة
بس عموما مشكور انك نبهتنى اوضح النقطة دى ليكون حد فهم غلط
ومشكور على التريقة على اخويا

لا والله ماقصدش التريقة انا قصدي الاستغراب والتعجب.....لاني باموت في حاجة اسمها كلاب وقطط وياما ربيت زمان ايام الجامعة(وولف-بوكسر...).....فانا استغربت ان ده رايه اذية روح اولا والكلاب الي هي هوايته ثانيا

المشاركة الأصلية كتبت بواسطة 3ateef

انا مش فاهم ازاى يمنع الاذى عن نفسه بقتل الكلب ؟؟؟؟
اه حينام مرتاح بس ارجع تانى واقول الكلب ايه ذنبه ؟؟؟
وهو ممكن ميخدش حقه وممكن ياخده....يعمل الصح ويصر عليه وحيجيب النتيجة بأذن الله...
قتل الكلب دا استسهال...وفى اساتذة تفضلوا مشكورين بتقديم اقتراحات بخصوص سدادات الأذن وحاجات شبيهه...
وانا بقولها تانى لصاحب الموضوع...لو موت الكلب يبقى حرام عليك.

ذنبه انه كلب

المشاركة الأصلية كتبت بواسطة otefa

لا والله ماقصدش التريقة انا قصدي الاستغراب والتعجب.....لاني باموت في حاجة اسمها كلاب وقطط وياما ربيت زمان ايام الجامعة(وولف-بوكسر...).....فانا استغربت ان ده رايه اذية روح اولا والكلاب الي هي هوايته ثانيا

اذا كان كده معلش حصل خير
هو بيموت فى الكلاب جدا و هايبيض و يخلى امى توافق تدخله البيت طبعا قلناله حرام اولا و ثانيا الجيران اللى هاتشتكى
بص انا سالته اسهل حاجة تموت كلب ايه فقاللى ماسالتوش لو مكان صاحب الموضوع هاتعمل ايه هو لو قرا انا كتبت ايه هايقتلنى ده ممكن بيحب الكلاب اكتر منى

اااه ده انت الي طلعت شرير بقه.....والله تلاقيك لو انت الي مكان صاحب الموضوع ولا هتاذي الكلب ولا حاجة وده بس كلام انفعالي مش اكتر.

المشاركة الأصلية كتبت بواسطة medo2o1o

1:
2:بالنسبة للصداع .......زى حد رابط على دماغك

افي اوقات كتيرة باحس بالتعبير الي انت كاتبه بالظبط.....ياتري عندك تفسير وحل للموضوع ده

المشاركة الأصلية كتبت بواسطة otefa

اااه ده انت الي طلعت شرير بقه.....والله تلاقيك لو انت الي مكان صاحب الموضوع ولا هتاذي الكلب ولا حاجة وده بس كلام انفعالي مش اكتر.

تصدق ممكن مايجيليش قلب اعملها بس هافكر بشدة لكن التنفيذ على حسب شطارة الشيطان بس اعتقد مش هاموته لانه مهما كان روح
ده انا كنت متازم لما موت قطة كانت نايمة تحت العجل
معتقدش هاقدر اموته بايدى ممكن اخلى حد يموتهولى

المشاركة الأصلية كتبت بواسطة otefa

افي اوقات كتيرة باحس بالتعبير الي انت كاتبه بالظبط.....ياتري عندك تفسير وحل للموضوع ده

لو الموضوع ده بيجى على الناحيتين من الدماغ و لما بيجى بتحس ممكن بوجع فى الرقبة او زى دوخه خفيفة
ده سببه Tension Headache ممكن يجى من تعب جامد
ضغوط نفسية
قيادة السيارات لمدة طويلة او الموتسيكلات لاى مدة
ممكن يجى بسبب عدم انتظام نومك

علاجه لما يجى الصداع تاخد مسكن اقواهم Panadol عن تجربة
عشان مايجيش تانى
غير حياتك ابعد عن الضغوط و مارس الرياضة و
البس نضارة شمس (ساعات بتنفع دى عن تجربة مش على اسس علمية)
ممكن ادوية بس مبحبش حد ياخدها
و حاجة كمان بس من غير تريقة دكتور نفسانى كل فترة هايعمل مفعول السحر
بجد من غير هزار لازم نغير فكرة ان الدكتور النفسى ده عشان المجانين لأ ده ممكن يخلصك من الضغوط النفسية و التوتر العصبى اللى ممكن يكون سبب الصداع