كلام غير مطمئن خالص ،، مش عارف أنام بسببه ،، أنا و الشباب نعمل أيه ،، حراااام

**smsm_nabawy** · 09-09-2010 03:17 AM

YouTube - ‫طھظ‚ط±ظٹط± ظپظٹ ظ…ظ†طھظ‡ظ‰ ط§ظ„ط®ط·ظˆط±ط© ظ…ظ† ط¨ط±ظ†ط§ظ…ط¬ ط§ظ„ط·ط¨ط¹ط© ط§ظ„ط§ظˆظ„ظ‰‬&lrm;

السلام عليكم يا أخواني ،،

اللينك اللي فوق ده ،، لينك لفيديو ،، غير مطمئن ،، أنا بجد مش عارف أنام ،، ولا حاسيس بالأمان ،، حاسيس أننا كلنا في غيبوية ،، ياريت تتفرجوا على الفيديو ده و اللي في غيبوبة يفوق ،، و اللي فايق ،، يفوق أكتر و يحاول يفوق الناس معاه ،، أنا أن عملت كده ،، فده من يأسي ،، و من قلت حيلتي أني مش عارف أعمل أي حاجة تساعدني في تفويق الناس غير كده ،، أرجوكم ،، أفيدوني أعمل أيه أنا و الشباب اللي زيي ،، يا جماعة احنا داخللين على بداية النهاية ،،

يعني مثلاً لما أروح أشتري شقة انا و والدي ليا ،، اأمن بيها مستقبلي و تطلع ب 350 ألف جنيه ،، و يا ريتها واسعة ، ولا في حتة نظيفة أوي ،، طيب لييييه ،، هو فيه أيه ،، والله من همي بشتكي ،، و من خوفي على أخواتي الشباب اللي زيي،
طيب أنا الحمد لله ،، ربنا رزقني بأب و أم ميسورين الحال ،، و عرفوا يتصرفوا ،، طيب غيرنا يتصرف أزاي ،، طيب هما بقالهم عشرين سنة بيشتغلوا ،، و الحمد لله ربنا ساترها معانا ، و عرفنا نمشي في الموضوع ده ،، بيحوشوا من زمان ،، طيب لو واحد شاب زيي ، أو أي شاب ،، حيجيب مبلغ زي ده منين ،، أزاي ،، أو حتى جزء منه ،، وي الي أهلي أتصرفوا فيه ،، أزاي حيعرف يشتري شقة و يفرشها ، و لسة مصاريف جواز و شوار و موااال ،، طيب الحمد لله عمل كده ،، حياكل أزاي ،، لما كيلو اللحمة ب 70 جنيه ،، ده ممكن يشمها هو و مراته ،، أنا برده خايف على مستقبلي ،، أنا لسة طالب في كلية ،، طيب يا ترى لما أشتغل حلاقي شغلانة كويسة زي بابا و ماما ،، ولا حعاني من البطالة زي شباب كتير ،، طيب لو أشتغلت ،، يا ترى المرتب حيضمن ليا و لمراتي عيشة كريمة !! ،،

طيب نغير من حال البلد أزاي ،، أصل أكيد في حلل ،، اكيد ،، أنا عمري مكنت بحب اليأس من صغغرري و أنا عنيد ،، و بابا عودني على أن مفيش مشكلة ألا و ليها حل من عند ربنا ،، بس الأنسان يفكر كويس ، و يحكم غقله ، و حيلاقي الحل ،، بس حاجة زي المصيبة اللي أحنا في بدايتها دي ،، ملهاش حل ،، طيب لو ليها ،، أفيدوني ،، أزاي ؟!!

أصل أكيد الشعب يقدر يغير حاجة طالما الحكومة في غيبوبة هي كمان ،، صعب أوي كل ده الشعب و الحكومة التنين فكسانين دماغهم ،، المصيبة أن مفيش حد حيدفع التمن غيرنا أحنا الشباب و أولادنا ،، أنا خايف يا ناس من الضلمة اللي جاية في السكة علينا كلنا دي ،، و محدش يقولي مفيش ضلمة جاية لأنه على رأي المثل

"اللي ميشفش من الغربال ،، يكون أعمى"

والله ما عارف أعمل أيه ،، غير اللجوء لربي ،،

"أنه ربي أحسن مثواي"

ربنا يفك ديقت كل مصري ،، و يسترها علينا كلنا ،، و ييسر حالنا للأحسن أن شااء الله

**smsm_nabawy** · 09-09-2010 03:31 AM

طيب أزاي ،، يعنيأيه ،، يعني هو ده الحل ،،" نفسي نفسي" ؟!!

مهو لو كان كده ،، كان زمان مصر مطلعتش من أيا العثمانيين ولا الاحتلال البريطاني ولا الفرنسي ،،!!

بس أنا "و مع فائق أحترامي لرأي حضرتك" حاسيس أن دي بقت الفكرة المهيمنة على دماغ معظم الناس ،، عشان كده مفيش رد فعل ، و لا في تقدم ،،

طيب متيجو نعرض أقتراحات ،، و نحاول ننفذها كلنا ،، على الأقل نبدأ أحنا ، و نشيل من دماغنا فكرة أن مفيش فايدة ، و أكيد الموضوع حيأثر ...مش كده برده ؟!!

**hazoom2006** · 09-09-2010 03:39 AM

المشاركة الأصلية كتبت بواسطة seiffoz

فكك حاليا ...

ركز فى شغلك و فى حياتك ...

و ملكش دعوة بأى حاجة

هتقول سلبى .. هقولك أه سلبى ...

لأن لو معملتش كده لا هطول ده ولا هطول ده ....

مع احترامى لحضرتك

ومفيش فى دوله بتخلى افراد الشعب يفكرو فى نفسهم بس حتى الاسلام مقالش كدة
الاسرائيلى لما بيتكلم بيتكلم عن وطنه وبيكون فى حاله من الفخر و الاعتزاز بالتقدم اللى فى وطنة ونفسة يتقدم اكتر واكتر مش بيتكلم عن نفسة ولما بيتكلم عن نفسة بيقول هيعمل اية علشان حلم اسرائيل

المشاركة الأصلية كتبت بواسطة smsm_nabawy

طيب أزاي ،، يعنيأيه ،، يعني هو ده الحل ،،" نفسي نفسي" ؟!!

مهو لو كان كده ،، كان زمان مصر مطلعتش من أيا العثمانيين ولا الاحتلال البريطاني ولا الفرنسي ،،!!

بس أنا "و مع فائق أحترامي لرأي حضرتك" حاسيس أن دي بقت الفكرة المهيمنة على دماغ معظم الناس ،، عشان كده مفيش رد فعل ، و لا في تقدم ،،

طيب متيجو نعرض أقتراحات ،، و نحاول ننفذها كلنا ،، على الأقل نبدأ أحنا ، و نشيل من دماغنا فكرة أن مفيش فايدة ، و أكيد الموضوع حيأثر ...مش كده برده ؟!!

طيب اية اقتراح حضرتك
سرقة وعارفين وفساد وعارفين ونظام كل تحركاته غلط فى غلط
والحل نعمل اية ؟

**SeiffoZ** · 09-09-2010 03:47 AM

المشاركة الأصلية كتبت بواسطة hazoom2006

مع احترامى لحضرتك

ومفيش فى دوله بتخلى افراد الشعب يفكرو فى نفسهم بس حتى الاسلام مقالش كدة
الاسرائيلى لما بيتكلم بيتكلم عن وطنه وبيكون فى حاله من الفخر و الاعتزاز بالتقدم اللى فى وطنة ونفسة يتقدم اكتر واكتر مش بيتكلم عن نفسة ولما بيتكلم عن نفسة بيقول هيعمل اية علشان حلم اسرائيل

هل حضرتك عندك حل تانى ؟؟؟

المنتدى مليان ناس أهو ... سنهم عدى ال35 سنة ... مين فيهم عمل فعلا حاجة مؤثرة لتغيير حال البلد ؟؟

هو مش بإيديهم .. هيعملوا إيه ؟؟

طب أضيع وقتى حاليا .. و أقعد أقرف فى نفسى و أقول حال البلد .. اه لو كان حال البلد أحسن من كده كنت عملت و إشتغلت كويس .. كنت جبت ... كنت مش عارف إيه ...

و فى الأخر التفكير ده مش هيوصلنى لحاجة حاليا ... فعلا مش هيوصلنى لحاجة ....

لو فى حل للتغيير هدعمه بقوة ..

لكن لو مافيش حل .. و الناس إللى فى إيديها شرارة البدء مش عايزين يعملوا حاجة .. أجى انا حاليا بإمكانياتى الحالية أعمل حاجة ؟؟

مظنش ... لازم يبقى فى إيدى الإمكانيات .. و عشان تبقى فى إيدى .. إبنى نفسك الأول

لو عندك حل فعلا و عملى يتعمل قول .. هكون أول واحد أقف معاك

**grumby78** · 09-09-2010 03:52 AM

و الله ياسيدي انا زيك اشاركك نفس المخاوف والقلق . ومن ساعة ماشفت الفيديو ده وانا مش مرتاح ده كلام غايه في الخطوره في ظل حكومه لاترى الاتحت قدميها فقط ومابتعملش حساب ابني وابنك . وموضوع طبختين ويخلص ده كلام مش عارف انساه . يعني ممكن كمان كام يوم يقولك البترول خلص واحنا بنستورده بسعر عالمي ولتر البنزين بقى ب 5 جنيه مثلا و الغاز خلص وحنجيبه ب 5 اضعاف تمنه . وعلى فكره شركات الغاز زودت 3 جنيه غير مبرره على الغاز طبعا المبلغ مش مبلغ في حد ذاته بس ده حوالي تلت الفاتوره وده مؤشر غير مريح في بلد تزيد فيها الاسعار كل يوم فعلا . اشاركك القلق والخوف ولكن لاحل الاباتحاد الناس وخروجهم في مظاهرات في الشارع منادين ومتحدين تحت شعار " الخبز .....الخبز"

**smsm_nabawy** · 09-09-2010 04:08 AM

والله يا جماعة ،، كلام كل واحد فيكم صح ،،

اليي خايف على بلده و بالفعل عاايز يغير ،، و اللي شايف أننا مش بأيدينا حاجة نعملها ،، طيب ،، منا عشان كده بنقول نفكر ،،

أنا شايف البلد حالها خارب من كله ،، نظافة ...في العفانة ، أموال البلد ... بتتسرق،، أمن ...ز في النازل " وكلنا بنسمع اليومين دول عن تجاوزات بعض رجال الامن على المواطنين المسالمين آخرهم خادل سعيد اللي هنا في الأسكندرية في كليوبترا" ،، مرور .. في الباي باي ،، مصالح حكومية ... بالرشوة كله بيمشي ،،

مفيش غير التعليم ، و مش عايز أحكم عليه حالياً نظراً للوزير الجديد "زكي بدر" متوسم فيه مصدر للأمل ،،... خاصةً ان أختي في سنوية عامة ،، و دعمت موقفي ده ، و مأيدة لسياية و أحترام الراجل ...

طيب متيجي كلنا نشوف مثلاً ،، كل يوم كل واحد يجي و يقول موقف حصل معاه زهقة في البلد ، و نشوف ،، نتصرف فيه أزاي ،، حبه حبه يعني ،، .....
و أهه مشوار الألف ميل يبدأ بخطوة !!

و عسى أن تلك الخطوة هي ، أنتباهنا و تكاتفنا نحن على الأقل "اخوة في الله" أننا نحسن من أحوال اللي حوالينا ،، و شوية شوية الناس حتحسن معانا ،، لحد الفرج ،،
يعني
نمش بنظام "نفسي نفسي!!" بس برده نشوف معانا غيرنا ،، و حولينا ...

مش عارف هل كده فهمتوني ولا ؟!

**smsm_nabawy** · 09-09-2010 04:24 AM

المشاركة الأصلية كتبت بواسطة Soma_Sooma

المشكلة انهم مخليين قانون الطوارىء عشان اللى يفكر يتكلم عارف ايه مصيرة

و مش كفاية شايفين العك اللى بيحصل و السرقة وساكتين لا كماااااااان مش مخلينا عارفين نعيش

طيب اسرقو زى مانتو عايزين بس ليه العزاب اللى احنا فية دة

والله بقت حاجة تقرف

والله بخصوص الطوالاق ده ،، ليا واحد قريبي في أمن الدولة ،، قاللي أن ده المفروض يتسمى قانون اللواحي ،،
بمعنى ،، انه مش بيطبق بفاعلية إلا على كل ذو لحية ،،

مش عارف بقى ، بس اهه برده حاجة تقرف،، زي العفريت في الضلمة .... محدش شايفه ،، ولا واخد باله ،، و فجأة تلاقيه نطلك سرعك ، و جبلك سكتة قلبية ،،

اللي غايظني ، أن أحمد باشا .. ابن نظيف بيه ،، "حفظه الله"

قال في بيان أخير أن المرتبات زادت بمعدل يغطي على الزيادة في الأسعاار

و أديي ،، أديييييلووو

حيخلو الشعب يرقص ملطط بعد كده ،، و يقولو أحنا قاصدين عشان الحر

-

-

-

الموضوع: كلام غير مطمئن خالص ،، مش عارف أنام بسببه ،، أنا و الشباب نعمل أيه ،، حراااام

LinkBack

أدوات الموضوع

عرض

كلام غير مطمئن خالص ،، مش عارف أنام بسببه ،، أنا و الشباب نعمل أيه ،، حراااام - انشر الموضوع فى :

-

-

-

-

-

-

المواضيع المتشابهه

مش عارف أنام من صوت الكلب

مشكلة في شنطة العربية ومش عارف أنام

مش عارف أنام بسبب مشكلة جامدة جداً

عاوزين نعمل اكبر مقابله في تاريخ المنتدي فعلا مش مجرد كلام

&&أغرب كلام روش بيتقال بين الشباب ههههههههههه&&

الكلمات الدلالية لهذا الموضوع

المفضلات

المفضلات

ضوابط المشاركة