الكوبلن حيحصله ايه

**aliyehia** · 08-04-2010 12:13 AM

دايما الناس تنصح الواحد و هو سايق عربيه جر امامى انه يدوس على الدبرياج فى الملفات و بعدين بعد ما ياخد الاتجاه الجديد يرفع رجله من على الدبرياج و يكمل سواقه ,و ده علشان الكبالن ما تبوظش
الى انا عايز افهمه هو الكوبلن ده مش متوصل بالعجل ؟ اذا حيكون فى حركه مستمره مع حركه العجلات
اذا لو ده صح يبقى ايه فايده انى امور او حتى ادوس الدبرياج فى الملفات
وشكرا

**w-m-a** · 08-04-2010 12:19 AM

جديدة
صراحة اول مرة اسمعها انا بسوق امامى بقالى اكتر من 25 سنه
عادى احط رجلى او ما احطهاش عمرى ما ركزت معاها
بس لو دوست العربية هتفصل والسرعة هتنزل جدا

**yoko** · 08-04-2010 12:21 AM

دي كانت إفتكاسه من الناس بس الي غلط بجد تكبس بنزين (تعمل تسارع) وإنت في الملف لإن ده الي ممكن يضر الكبالن (ممكن مش لازم)

**Ahmed Galal** · 08-04-2010 07:52 AM

اول مرة اسمع الكلام ده عموما فى الجر الامامى ما تخدش الملفات بسرعة عشان تحافظ على الكبالن و لا تطلع من يوترن و انت كابس جامد

**د.محمود صلاح** · 08-04-2010 09:39 AM

ده كان افتكاسات زمااااااااااااااااااااااا ن
الكوبلن يبوظ في حالة قطع الجلدة وتسرب الشحم ودخول الأتربة فقط !!

**abdo_general** · 10-04-2010 06:43 PM

المشاركة الأصلية كتبت بواسطة shekosheko45

يا جماعة الكل اتكلم و قال انها افتكاسات لكن محدش قال السبب الميكانيكي لهذه المعلومة علي فكرة المعلومة صحيحة بنسبة 100% و السبب ان في الملفات بيكون العجل مكسور زي ما كلنا عارفيين و حضرتك لو بتحمل علي الكوبلن و لو حمل بسيط ففي الحالة ديه الكوبلن شغال و بيدفع العجلة في اصعب زاوية بالنسبة له كانك بتعصر فوطة و ديه بتسبب حمل عالي جدا علي الكبالن و تضر بمجاري رولمان البلي للكبالن و ممكن يفرط منط و يتحول لصوت طقطقة في الملفات و لذلك ينصح بشدة بالضغط علي الدبرياج في الملفات الي في الحالات الحرجة و هي ان العربية تتوقف تماما في الملف فتضطر الي انك تجيب الاولاني و تبداء تتحرك بيها من جديد و صدقوني تجنب الضغط علي البنزين و ضغط الدبرياج في الملفات احد الاسباب الجوهرية لاطالة عمر الكبالن و الله اعلم

+111111111
لان والله اعلم
لما تدوس دبرياج اسمها بتفصل القدرة المتوصلة وفي الجر الامامي بتبقيمتوصلة علي الكبالن الي هي مسؤلة عن حاجتين وهما الجر او نقل القدرة للعجل وبرضه في نفس الوقت امكانية ادارة العجل يمين او شمال
فا كده اسمك في الملف بتخفف الحمل علي الكبالن ومش تضغط عليها

**yoko** · 10-04-2010 07:09 PM

المشاركة الأصلية كتبت بواسطة shekosheko45

يا جماعة الكل اتكلم و قال انها افتكاسات لكن محدش قال السبب الميكانيكي لهذه المعلومة علي فكرة المعلومة صحيحة بنسبة 100% و السبب ان في الملفات بيكون العجل مكسور زي ما كلنا عارفيين و حضرتك لو بتحمل علي الكوبلن و لو حمل بسيط ففي الحالة ديه الكوبلن شغال و بيدفع العجلة في اصعب زاوية بالنسبة له كانك بتعصر فوطة و ديه بتسبب حمل عالي جدا علي الكبالن و تضر بمجاري رولمان البلي للكبالن و ممكن يفرط منط و يتحول لصوت طقطقة في الملفات و لذلك ينصح بشدة بالضغط علي الدبرياج في الملفات الي في الحالات الحرجة و هي ان العربية تتوقف تماما في الملف فتضطر الي انك تجيب الاولاني و تبداء تتحرك بيها من جديد و صدقوني تجنب الضغط علي البنزين و ضغط الدبرياج في الملفات احد الاسباب الجوهرية لاطالة عمر الكبالن و الله اعلم

المشاركة الأصلية كتبت بواسطة abdo_general

+111111111
لان والله اعلم
لما تدوس دبرياج اسمها بتفصل القدرة المتوصلة وفي الجر الامامي بتبقيمتوصلة علي الكبالن الي هي مسؤلة عن حاجتين وهما الجر او نقل القدرة للعجل وبرضه في نفس الوقت امكانية ادارة العجل يمين او شمال
فا كده اسمك في الملف بتخفف الحمل علي الكبالن ومش تضغط عليها

معاكم بس ده كان أيام زمان أو لو الكوبلن أي كلام لكن المعادن الجديدة المستخدمة دلوقتي مصممه إنها تستحمل كده وأكتر كمان