كامتين للأفيو؟؟

**running_man** · 08-04-2010 02:34 AM

يا جماعة هل ينفع وش السلندر بتاع ال نوبيرا ال 1500 يركب على ال أفيو علما بأن:
Aveo 1498 cc sohc 84 hp@5600rpm, 128 Nm@3000rpm (Engine Code f15s3 e-tec II)
Nubira 1498 cc dohc about 110 hp @6200 rpm (engine Code a15dms e-tec)

وبيشتركوا الاثنين فى نفس القطر و الشوط وال engine block

اللى أعرفه ان الأفيو فيها حساس كامة و حساس أكسجين و حساس كاتاليتيك زيادة عن اللانوس لكن ايه الفرق بين الأفيو و النوبيرا ال 1500
و هل فيه فرق في ال ECU?
و الفيشة بتاعت ال ECU هي هي وللا لا؟
الأفيو بتستخدم OBD II
و حساس الكامة ده حيتلغى وللا هايبقى فيه تعديل نظرا لأن موتور النوبيرا كامتين؟

و لو الكلام ده صعب .... هل ينفع وش السلندر بتاع الأوبترا باعتباره يستخدم نفس جيل الECU؟
علما بأن موتور الأوبترا(F16D3)
ما هو الا موتور الأفيوأو اللانوس و لكن البساتم أكبر في القطر والشوط

و أخيرا ..... ازاى النوبيرا ال 1500 ال dohc
بتطلع عد أحصنة أكتر من الأوبترا والنوبيرا ال 1600 ال DOHC

منتظر رأى الخبراء؟

**running_man** · 08-04-2010 12:53 PM

حد يفيدنى يا جماعة
يا ريت رأي بشمهندس ممدوح
و بشمهندس noni67

شكرا............

**dr_7oot** · 08-04-2010 02:06 PM

يالهووووووووووي
ايه الكلام الكبير ده
عموما ربنا بوفقك في اللي عاوز تعمله

**dr_7oot** · 08-04-2010 02:09 PM

بس ازاي صحيح امكانيات موتور الافيو كده
د الفيرنا 106 حصان و العزم 143 علي ار بي ام 3200

**MMamdouh** · 08-04-2010 02:44 PM

من ناحية تركيب الوش فا هو ينفع يركب مفيش مشاكل... سواء وش من مكنة 1500 DOHC او 1600 DOHC

لازم فى الحالة دى تركب حساس كامة بتاع اوبترا و تجيب منظومة الVGIS من عربية نوبيرا اواوبترا... و مش مطلوب اى تعديلات فى الكونترول

المكنة ال1500 بتطلع 110 حصان فعلا بس على لفات اعلى من المكنة ال1600 يعنى لازم تحرق جامد على ال1500 حشان تلاقى ال110 حصان دول و حتلاقى عزم المكنة ال1600 اكبر من ال1500

على فكرة ممكن اوى تكلفة الحوار دة قريبة جدا من تكلفة تسقيط مكنة 1600 على بعضها فا اساال الاول على الاسعار قبل ما تغير حاجة

MMamdouh

**MMamdouh** · 08-04-2010 04:05 PM

المشاركة الأصلية كتبت بواسطة running_man

لو فرضنا انى حاجيب وش اوبترا ... هل بيبقى شامل حساس الكامة بتاعه؟

yes

و هل هيبقى مطلوب اي لعب في الرشاشات او الthrottle body او حساس الmap?

انت اساسا لازم تجيب الوش كامل بمنافولد السحب بالبوابة بفرن الشكمان و مسطرة الرشاشات برشاشاتها بتروس الكامة و غطا التاكيهات و الغطا الفبر اللى فوق

حساس الماب برة اللعبة

و ال vgis system بيتكون من ايه؟

بيتكون من خراطيم فاكيوم و خزان صغير و سيلونويد اضافة الى المنافولد نفسة

و ايه الفرق بينه في ال1.5 sohc , 1.6 dohc

وش السلندر بالكامل شامل منافولد السحب و الفرن
طلمبة المية
علبة سير الكاتينة الفبر
طقم كابلات البوجيهات
الخوصة اللى شايلة الدينامو
الماسورة المعدن اللى بين وش اليلندر و الكارتيرة

و هل بتاع الاوبترا هيشتغل عادي علي ال 1.5 dohc
وللا ال 100 سي سي دول هايفرقوا

الفرق فى السعة جاى من فرق قطر البستم... الوش هو هو

و بالنسبة للسيور تقريبا الافيو سير تكييف لوحده بينما الاوبترا التكييف على سير واحد كبير شامل كل حاجة...فاايه هيبقى وضع السيور؟

الافيو على سير واحد برضة... اللانوس عى اللى فيها سير تكييف منفصل

و اخيرا مانيفولد العادم يفضل زي ما هو وللا حايعوز تعديل؟

المنافولد مش حيتعدل... يمكن تحتاج تعديل فى فلانشة الماسورة اللى من بعد الفرن الى علبة الشكمان (اللى فيها السوستة) بفرض ان فيه فرق بين الاتنين... فى اللانوس الماسورة هى هى للمكنة ال 1500 و ال1600

MMamdouh