الموضوع: الى خبراء تظبيط العربيات

بص يا مان....أنا هقولك اللي أنا عمله عندي.
هيدر ( فرن )رياضي .

مواسير شكمان عريضة.

علبة شكمان.

فلتر هوا + ماسورة (( هتلاقي مشكلة عندك في الماسورة عشان السنسر بتاع الهوا اللي قبل الفلتر ( إذا كان عندك زي عندي أنا موديل 99 1500 ). وممكن تحلها إنك تركب الموسير قبل وبعد السنسر وتحط الفلتر في مكان يجيه هوا بارد ( مثلا زي الفوج ) ( وده منفعش عندي عشان مقدرتش أوصل ل مكان الفوج بس حاليا أنا بحاول اعمله واظبط الموضوع ده وإذا عرفت اظبط الموضوع ده هاقولك إن شاء الله بس هوا ده الحل بتاع الفلتر عشان تاخد أحسن أداء وأنا حاليا مركب الفلتر مكان الفلتر العدي منغير مواسير).

سلوك بوجهات + بوجهات ( split fire or MSD ) حسب النوع اللي إنت عيزه وال سعر طبعا بس أعرف إن الاتنين دول اداهم عالي.

الجنوط ممكن تركب 15 زي ماأنا مركب أو 14 أو 13 زي بتاعها بس لازم طبعا سدادة وكده عشان ماتحكيش معاك بيزات إذا 15.

الكاوتش أنا جيبه 195/50.

مساعدين نشفن شوية ( أنا لسة جايب المونرو ) بس لسة مراكبتهمش والسوسات ياريت تدور على حاجة رياضية اصلية ليها بدل ماتقص السوسات ( عشان توطي العربية ) عشان يكونوا ناشفين وميكنش فيهم مشاكل.( أنا دورت بس لحد دلوقتي ملقتش بس إن شاء الله ممكن اجبهم من النت). حاليا أنا أصيصهم.

ممكن بقى تجيب عتب أو تعمل اكصدمات فيبر وكده والفرش ممكن تعمله كله جلد وترش التبلوه وتظبط الصالون كله برحتك.( بس أنا مش عامل موضوع الصالون ده ولا االعتب حاليا )

الفوانيس بقى ليها فوانيس شفافة أمامي جمدة جدا عملة حوالي 250 جنيه بالإشارات وهتظبط النور معاك جامد.

والفوانيس الخلفي ممكن تعمل لدات وكده.

والسايت ده عليه كذا اكسنت متظبطين جامد جدا
Turkmod.com - Modifiye | Modifiyeli Araba

اسف إذا في حاجة مكتوبة غلط.
وطبعا ياريت الخبرا في المنتدى معانا يفيدونا أكتر في الموضوع ده.
وإذا في حاجة مش فهمها اولي.

شكرا ياباشا على ردك
انت كده تمام اوي
بس لو عندك صور لعربيات اكسنت يبقى احلى ولو لعربيتك يبقى احلى واحلى كمان

بكرة ان شاء الله حجيبللك شوية عربيات اكسنت متظبطين تحفة

هيدر ( فرن )رياضي .
يعنى ايه انا مش فاهم ده

المشاركة الأصلية كتبت بواسطة hamada05

هيدر ( فرن )رياضي .
يعنى ايه انا مش فاهم ده

+ 1