أكتافيا A4 و بعض عيوب الفتيس الأوتوماتيك ان وجدت

**hosiny** · 14-02-2008 08:47 PM

ألف شكر يا ebotross أعتقد أن العربية المعروضة عليه كده تبقى classic...يا ريت تقللى رأيك فى السعر

**ebotross** · 14-02-2008 10:08 PM

فعلا يا حجيج أعتقد ان السعر ده مناسب جايز يكون غالي الف أو اتنين بس لو الحاله زي ما انت بتقول يبقى توكل على الله

**hosiny** · 15-02-2008 12:36 AM

thanks alot you were very helpful

**ebotross** · 19-02-2008 01:42 PM

يا ريت بقه حد يترجمه

http://www.atikskoda.com/skoda/octav...ozellikler.asp

**omarx3d** · 20-02-2008 08:50 AM

لو سمحت انا معروض علي عربية ocvtavia combi عامله حوالي 165الف كيلو سعة 1600cc موديل 2000 وهي علي فكرة استيراد والناقل اوتوماتيك تكييف وبارور وسنتر وصيانة في التوكيل وفيها مثبت سرعة والكاست الاصلي ولسه مغيرة كوتش امامي من حوالي اسبوعين بس انا صراحة مش عارف اتمنها لاني مشفتهاش قبل كده

**omarx3d** · 20-02-2008 08:51 AM

ياريت حد يعرف يتمنها لاني عايز اشتريها ورجاء سرعة الرد

**ebotross** · 20-02-2008 03:31 PM

اذا كنت ناوي تشتريها يبقى تروح بيها توكيل سكودا الأول و خصوصا ان الفتيس اوتوماتيك التوكيل حيطلعلك تقرير مفصل عن حالة السياره حته حته ، حتى الزراير. و بالمره تسأل على السعر لأن العربيه ديه مش منتشره أوي على الرغم من كفائتها. لو العربيه حالتها كويسه متسبهاش

**hosiny** · 07-03-2008 03:15 PM

ازيك يا ebotross باركلى أنا الحمد لله جبت ال A4 اللى كنت كلمتك عليها و عندى ليك سؤالين بما انك انت الخبير ..
كنت عايز اركبلها انذار ايه رأيك اجيب ايه؟ و هل توصيلاته جاهزة فى العربية(حيث لاحظت وجود لمبة بجوار مسوجر باب السائق)وهل ينفع يركب على ريموت العربية و لا ريموت منفصل؟

السؤال التانى
لما بركن العربية فى الشمس لا استطيع لف مفتاح الكونتاكت لتشغيل السيارة!!!لازم أفتح العربية و اسيبها تتهوه شوية (غريبة دى)

عندى حزام الأمان مبيرجعش بسهولة لمل بفكه..مين اللى يصلحه سروجى؟

و ألف شكر

**ebotross** · 08-03-2008 09:23 PM

أولا أنا اسمي عماد بما انك اشتريت السكودا A4 تبقى حبيبي على طول
و على فكره أنا بحب العربيه ديه جدا خصوصا combi ربنا يباركلك فيها و يديك خيرها و يكفيك شرها. قول أمين!!!!!
طيب .......
النصيحه الأولى:
أحنا مش أذكا من الخواجا اللي عملها و لو هوا شايف ان العربيه محتاجه انظار كان ركبه بس على العموم لو لازم أوي يبقى تشوف بني أدم محترم يركبه و خصوصا ان الباب اللي جانبك فيه مصايب كتير.
أنا كنت نفسي أركب أنزار و روافع بس كل ده تحميل زائد على كهربة السنتر و مكن الزجاج و نصحوني اني معملش الحكايه دي أفضل.

النصيحه الثانيه:
الكونتاكت ده مش مظبوط تماما و الكلام ده مبيحصلش في الوضع الطبيعي عشان كده لازم تكشف عليه يمكن يحتاج يتغير علشان اللي مبني على باطل فهو باطل و الله اعلم لو سيبته يبوظ ايه اللي حيجي بعده.

النصيحه الثالثه :
لو عندك سروجي نضيف يبقى تروحله عشان الحزام و ده موضوع سهل و على فكره أنا ابتديت اشتكي من نفس الحزام نتيجة الأستعمال المتكرر لأني مش بمشي من غيره.

فاصل و نواصل :):):):):):):):):):):):)

**hosiny** · 08-03-2008 10:08 PM

شكرا يا عماد على نصيحك..أنا النهاردة روحت التوكيل علشان الكونتاكت أعدت ست ساعات لأنه كان زحمة جدا ...بس الحمد لله جت بفايدة همة أستخدمه Wd40 لتنظيفه و ظبطه الميكانيزم بتاعه..

شكلى كده هصرف نظر عن الأنذار زى منته بتقول و ربنا يستر
صحيح أنا ال Rpm عندى ساعات الائيه بيزود لوحده من 1 ل 1.5 و يرجع تانى ل 1 كذا مرة ورا بعض و العربية على الn أكنك بتكارك على البنزين..ده يبقى ظبط موتور ولا أيه

ك-(
شكرا لسعة صدرك يا صاحبى