ممكن تعمل التعديل دة وببساطة ومش هيكلف المبالغ الخيالية اللي قريتهاوبالراحة تبداء بالفلتر من نوعية السيموتا او الفلتر كنج علشان تزود كمية الهواء اللازم للاحتراق وبعدة نوع البوجيهات والاحسن طبعا السبليت فايروممكن الngk الايريديوم..اسلاك البوجيهات ما باحبذسش انك تغيرها طالما البوبينة بتاعة العربية هي الاصلية يبقي هدر فلوس علي الفاضي بعد كدة الكاوتش والجنوط بعلاقة طردية كل ما كبر قطر الجنط وكان وزنة اقل كل ما قل وزن العجلات مع ملاحظة ان قطر التراك للعجلة ما يزدش عن 195 لانة مالوش لازمة لعربيتك لو لسة عايز تاني hpخش علي الشكمان وركب شكمان القطر بتاعة 2 بوصة وطبعا هتغير الفرن وتعدل المواسير 4-2-1 والمناسب ليك القياسات بالترتيب 60 سم للموسير من اول السلندر هد و40 سم للمشترك ال2ماسورة وباقي الشكمان عادى مع ملاحظة انك تلغي اي زوايا حادة او اختناقات في الماسوره الرئيسية وماتنساش تشيل محفز العادم لو لسة عايز اكتر ..نخش علي الشغل بجد ونبتدي بوش السلندر ..نوسع مداخل الخليط ونشيل الزوايا والنتؤاتمن مجاري الهوا ودي بالانجليزي علشان الاخوة المتامركيين بورتينجونكبر حجم صببات الشحن.. فية شوية شغل بيتعمل في الصباب نفسة والدليل لكن بيختلف طبقا لنوع المحرك وشكل غرفة الاحتراق ودة لازم يعملة مهندس نيجي لكتلة الاسطوانات او البلوك ودة بيتشاف القطع البديلة زي البساتم بنجيب الاكبر او بنكتفي بتغيير الكرنك شافت بواحد تاني الاشواط بتاعتة اطول علشان نكبر حجم الشنة شوية والمهم طبعا تنحيف ووزن الاجزاء الداخلية للمحرك علشان نقلل فقد القدرة لو لسة عايز كمان يبقي خش علي الفولام وخفف وزنة ودة هيخلي العربية خشنة شوية لكن التسارع ..مش هاقولك بعد كدة ممكن تشتغل علي نظام حقت الوقود واعمدة الكامة الفاير او الرياضية طبعا لان مصر ام الدنيا مافيهاش ديناموميتر الحاجات دة الشغل فيها بيبقي اجتهادات لكن النتائج مش دقيقة .. غير كدة مالكش غير التيربو او الضاغط الحجمي وانت اشرت انك مش عايزهم شوف بقي لنت عايز تعمل اية و ابقي ادعيلي ..التعديلات دى للمحركات الاقل من 1500 وطبقا لتصميم المحرك وشكل غرف الاحتراق تزود من 20-70% من القدرة الحقيقية للمحرك ..وخد بالك ان الفيصل في الموضوع مش hpلكن عزم الدوران..ياريت اكون اضفت معلومة
المفضلات