اللة للة اللة
مية مية
اللة للة اللة
مية مية
كمان مهم جدا نشوف طريقة للعزل من البارومة ....
أنا جربت علب بلك ( زفت ) و دهنت بيها أرضية العربية من جوة و قعدت فترة معقولة حوالي 6 أو 7 سنين تقريبا
و للأبواب جبت حاجة زي البلك بس بتتلزق على قشرة الباب من جوة الفرش بس ما أظنش انها عملية الأهم عزل أرضية الباب عشان غسيل العربية ممكن يدخل مياة جوة الباب
كمان محتاجين عزل لأرضية العربية من تحت العربية
معلش أنا مركز شوية في حكاية البارومة أصلها مبهدلاني
بس الصراحة كلها أفكار مممتازة و هحاول أعمل تجميعة ليها و أشوف ممكن أنفذ منها ايه عشان أنا بشد العربية دلوقتي و ممكن نعمل اللي احنا عايزينه
نبدأ بأول شئ في الCAR PROJECT اللى حنعمله :
1-الحرارة الزائدة :حلها إنك تركب سوستة شكمان بين الفرن و زور الشكمان الأمامي علشان تطرد العادم من الأمام جزئيا و تقلل كمية العادم المتبقية و التي حتمشي في الشكمان الى الأخر في خلفية العربية و بناء على خروج العادم اسفل المحرك فده حيساعد على سرعة تسخين المحرك في الصبح و فى السقعة و السوستة(خرطوم صلب فليكسبل) حتقلل صوت المحرك جزئيا و حتقلل اهتزازات ماسورة العادم مع المطبات.
وعلشان الحرارة المتولدة من العادم الأمامي تقل و نكتم صوت الموتور اكثر ،يبقى نحط بطانة فى الكبود مثل بطانة الكبود في العربيات الحديثة و المكونة من الموكيت المغطي للكرتون المضغوط (ولاتستعمل الومنيوم)
الموكيت/الكرتون حيحبس حرارة و حيكتم صوت و حيمنع رنة الصاج مع الهواء المصطدم به.
2-نيجي للسقف،حنفك فرش السقف الداخلى و حنحط كرتون بحجم السقف من الداخل و مرشوش عليه سبراى فوم لعزل الصوت و الحرارة و نركبه اسفل السقف ثم نركب كسوة السقف الداخلية مرة اخرى
3-بالنسبة للأبواب فحتركب فاميه شفاف(وليس اسود) على الزجاج يعني اللى يشوف الزجاج مايقولش عليه حاجة راكبة او ملزوءة و غرض الفامية الشفاف(ورق الزجاج) هنا هو عزل الصوت والضوضاء المارة من خلال الزجاج.اما بالنسبة للموجات الصوتية و الموجات الحرارية(المسخنة للباب) المارة من خلال الصاج للباب فحلها انك تحط مشمع مغلف للباب كليا من الداخل و ملتصق بالباب من الداخل بكوللاه ثم يليه تركيب كرتون مضغوط او رش سبراي فوم على الكرتون (السبراي بيتصلد بعد ساعة من رشه و يصبح عازل صوت و حرارة)او رشه على بطانة/كسوة الباب الداخلية(الكرتون المكسي بسفنج رفيع ثم بجلد من الداخل)وبكده يبقى عزلنا صوت و حرارة من الأبواب و السقف
3- يجب تركيب علبة شكمانResonator قبل العلبة الأخيرة للشكمانSilencer و غرض علبة الريزوناتور هو عمل عملية فلترة للرنين الناتج من حركة العادم اللي لايزال ساخن فى ماسورة الشكمان اما علبة السيلنسر فدورها الأساسي هو عمل عملية تمدد لغاز العادم فتقل سرعة العادم و تنخفض حرارة العادم و نقلل طاقة الحركة للعادم قدر الإمكان فيقل الضوضاء و الفرقعة للعادم بعد خروجه للجو من اخر علبة
4- اما بالنسبة للشنطة فيجب ان نضع فيها عوازل للصوت و الحرارة ايضا بنفس الطريقة و العوازل دي حتغطي كل جزئ فى الشنطة (مش ارضية الشنطة فقط)و حنستخدم فيها كرتون مضغوط مكسي بموكيت أو جلد صناعى أو الواح فوم مستطيلة.
5-بالنسبة للهواء اللى بيدخل للعربية من الجوانب و الأركان فحله تغيير كاوتشات حلق الباب بأخري سليمة و مراجعة خلوصات الأبواب مع حلق الباب و كدلك الشنطة و سد الفتحات الموجودة فى الشنطة و ملئ الفراغات بالسيليكون و عدم ترك اي فراغ مفتوح للجو ولو كان الفراغ اشفل المرايات الجانبية او كان فى اى مكان اخر
6-تركيب كاوتش على حلق الكابود دايرن داير لمنع الكابود من الإهتزاز و لمنع الهواء من الهروب اسفل الكبود مكونا صوت صفير (ماتنساش حشو/بطانة الكابود حتكتم صوت و حرارة كتير وحتحمي البوية للكبود )
7-محاولة تخفيض ارتفاع السيارة من الأرض قليلا لأن الهواء المار اسفل السيارة والهواء الداخل للفخد وهي ماشية بيمثل ضوضاء واضحة بشكل ملحوظ و بتسمعه و انت سايق.
8- تركب كرتيرات فيبر حول العجل فى الفخد لأنها تحمي الرفرف من الصدأ و من الإتساخ و تمنع اصطدام الهواء بفخدة العربية و الرفرف من الداخل و هى ماشية فيقلل صوت الهواء فى الصالون.
9-جزء كبير من إنخفاض صوت المحرك يرجع الى ان العربية حقن وقود وليست كربيراتير فالإنفجارية بتقل لأن الوقود داخل على هيئة رزاز حقن وليس تعريق كربيراتير شئ اخر هو فلتر هواء السيارات الحديثة مثبت في علبة بلاستيك على فخدة العربية(حقن) و ليس اعلى الموتور (كربيراتير)
ممكن تشيل عمة الهواء و تركب خرطوم مطاطي بقطر زور الكربيراتير وواصل من الزور الى علبة الفلتر(لازم بلاستيك) و تركب علبة فلتر هواء بالفلتر المستطيل للعربيات الحديثة فى العربيات الأقدم و تسحب الهواء من اسفل العربية و ليس من اعلاها(اسفل الكابود) التعديل ده حيفرق كتير فى الصوت وفى استهلاك الوقود لأنك بتدخل هواء اسقع من ما كان بيدخل للموتور.و كمان بعدت صوت زور الموتور عن ودنك و وجهت الصوت لأسفل العربية فمش حتحس بصوت القرقعة اثناء ما الموتور داير
10- ضبط رجلاش كل طبلة باب وشنطة و كبود منعا للرجة و التخبيط و دخول هواء
11- تبطن ارضية العربية بكرتون و عبك ولباد واخيرا بموكيت و مرتبطين مع بعض بالخياطة لمنع الحركة و الزحلقة لهم و بيثبتوا فى الأرضية من خلال مسامير تثبيت المجرى للكراسي و واصل للتابلوه الأمامى و بيثبت اسفل التابلوه و الكونسول الأوسط بيثبتهم ايضا
يعني انت ثبتت كسوة الأرضية بمسامير الفابريكة الموجودة في العربية و بالأشياء الموجودة فى الصالون و بدون ما تدق مسمار واحد فى العلب
12-فك إكصدام السيارة المعدن و استبداله بأخر فيبر و ركب شاسيه صلب اسفلة (بين نقطتي التثبيت)لحمايته من الكسر ولإكساب صلابة لمقدمة و مؤخرة العربية اثناء التصادم. الإكصدام المعدني بيعمل صوت اثناء احتكاك الهواء به و العربية ماشيه و بيرن مثل الشوكة ،اما الفيبر فبيكون انسيابى و لايصدأ و مش بيصدر صوت لما الهواء بيصطدم به و تثبيته اسهل و وزنه اخف و مش بيشخلل مع المطبات.
13-حاول سد او ملئ جميع الفراغات الموجودة بين الأبواب و بعضها،و مابين الرفارف و الكبود ،ومابين الرفارف الخلفية و باب الشنطة لأن الهواء بيدخل فى الفراغات على هيئة جيوب هوائية مسببة صفير و رنين
14- رش العربية من الأسفل كليا و فى حوض الموتور و الفخد بانتركوت بيكتم الصوت برده جزئيا
15- دي تعديلات اولية بسيطة بدون استبدال الموتور و الجير بأخر حديث.
ياجماعة اساسي لزم تسمع صوت المتور عربيه شغاله بقالها 30 سنه مش عايز يبقالها صوت ياعم لو عايز تريح نفسك أمسك العربيه وسقط متور يكون موديلات عاليه شويه لكن صوت العربيه بيكون طبيعي نظرآ لي عمرها الأفتراضي بس مش معني كده انك تكون ماشي بي جرار لا الصوت عالي الي هو طبيعي اما بي النسبه ان المتور عمال يهتز ممكن تكون العربيه متبرجله وعايزه تظبييط في الكهرباء
هدف الموضوع ازاى تقلل الصوت ده قدر المستطاع للمكن القديم ... لكن لو حتستسهل و مش همك فلوس كده يبقى ماتشترى عربيه جديده احسن
و على فكره مش كل العربيات القديمه برضه بتطلع صوت عالى من الموتور
انا من فتره روحت لبتاع الشكمان علشان يشوف الشكمان بتاعى فبقولى دور العربيه و العربيه كانت دايره اصلا و ده علشان الموتور عندى صوته واطى ... بس لما بجرى بيها بسمع الصوت و بالتالى الناصيح دى حتفدنى اوى
اسلوب علمى ممتاز يا باشا
تسلم ايدك
100 100
هناك طبعا اشياء كثيرة يمكن اجرائها لتحسين صوت السيارة القديمة، لكن خلينا نتفق على شئ، علاجات السيارة القديمة كلها مثل الأدوية التى يستعملها الآباء من كبار السن للحفاظ على حالة معقولة من الصحة واللياقة، لكن محدش بيرجع شباب بعد المشيب، وكذلك السيارات القديمة، من الممكن تحسين ادائها من حيث الصوت والعزل ال الى حد ما، لكن كل هذا لن يقترب بها من حاله مثيلاتها من نفس الشركة والفئة من الموديلات الحديثة، لأن هناك الكثير من العوامل التى يتركها الزمن على السيارة ولا يمكن اعادتها لوضعها القديم، مثل شيخوخة معدن السيارة ، واتساع وتأكل مفصلات الكبوت والشنطو والأبواب، وتآكل مجالى الكراسى، وتكسر بعض اجزاء التابلوه، الخ، هذا بالطبع غير التأثيرات التى تنتج من الاستخدام ويمكن اصلاحها مثل الشروخ فى الحوض ونقط اتصال القوائم بالسقف والأرضية، وتراخى مسامير رباط اجزاء السيارةة المختلفة ....الخ
عموما فان ما يمكن عمله قبل التفكير فى شراء عزل واضافة كاوتش ابواب ...الخ، هو التأكد من أن كل مسمار فى السيارة مربوط بما لا يسمح للجزء المثبت بواسطة هذا المسمار بأنه يتحرك أو "يلق" ، فى مكانه، يعنى مثلا ، ممكن لوردة سايبة فى عمة الكاربراتير قطرها لا يتجاوز 2 سم ان تحدث ضجيجا لا يوصف لو ان المحرك بيتهز فى السلانسية ، وممكن عربية متغير لها عفشة بالكامل انها تهبد فى المطبات وتطلع صوت يوحى بأنها هتتكسر من بعضها لمجرد ان اكصدامها المعدنى مش مربط كويس وبيلق فى مكانه، بل ويمكن لمسمار مرمى داخل فراغ احد البواب نتيجة ان احد العمال فكه ومركبوش اثناء اصلاح ما او تركيب سنترلوك مثلا فى حقبة زمنية فائتة ان يحدث ضجيج مزعج، ولذلك فأن العودة بسيارة قديمة لحالة هدوء تقارب التى كانت عليها وهى جديدة تقتضى ان يتم فك السيارة بالكامل وربطها بذمة، ثم بعد ذلك التفكير فى السيليكون والللباد والكاوتش
فقط احب ان انوه ان حكاية هدوء السيارات الجديدة مش كها حقيقية، هى فعلا ممكن يكون صوتها غير ملحوظ فى السلانسيه ومش بترزع فى المطبات علشان جديدة ومافيهاش حاجات مبعترة هنا وهناك ،لكن مثلا وربنا يحاسبنى على الكلام ده انا اقسم ان صوت محركات كل سيارات الفيات القديمة اللى كنت بركبها وكان والدى بيركبها انعم واهدأ فى التسارع من صوت محرك الصنى 2007 والكورولا 2010 آخر سيارات ركبتها