تقييمى للأوبترا بعد ال20 ألف

**zanativich** · 11-04-2010 11:08 AM

والله العربية مش وحشة
بس مش احسن حاجة بالسعر دة
انا عندى البيرسونا برقبتها
حتى لو قطع غيرها غالة شويتين

**hobaz** · 11-04-2010 11:22 AM

ربنا يحفظهالك ويكفيك شر الطريق لأني بحترم العربية ده فعلا وعقبال صيانة 36376458976 ان شاء الله...

**mtradwan** · 11-04-2010 02:41 PM

جزاك الله كل خير ... لكن انت خوفتنى جدا من العربية انا كنت نازل اشتريها اخر الشهر ، لكن كده العربية مش كويسة...
طب هل فى عربية بنفس سعرها احسن منها مثلا اقدر اشتريها؟
ممكن تفيدونى ... لانى عايز انزل اخر شهر 4 اشترى عربية ممكن تردوا عليا بسرعة؟
وشكرا .. انا مستنى ردكم جميعا

**M7amD_7amDy** · 11-04-2010 09:53 PM

شكرا على التقييم

**MedaSam** · 13-04-2010 05:27 PM

المشاركة الأصلية كتبت بواسطة omoch

سوال ليه من وجهه نظرك ان مسافه الريموت قصيره جداااااا ميزه؟؟؟؟؟؟؟؟؟؟؟ انا متعذب بسبب الموضوع دا

أنا أسف انني اتأخرت في الرد .......

أنا برضه كنت باتخنئ من موضوع المدى القصير بتاع الريموت ....... بس لقيت انه مهم علشان بكده مش هيشتغل لو دوست على الريموت من غير قصد و انا من مسافه بعيده

اللي نبهني للنقطه دى واحد صحبي مركب ريموت صيني في عربيته...... راح مشغله و احنا في الدور الأول و اشتغل عادي جدا ..... و مره تانيه شغله من الدور التاني و برضه اشتغل ..... من وجهة نظري ده خطر جدا لو شغلت الريموت من غير قصد أو مثلا طفل بيلعب بيه

**MedaSam** · 13-04-2010 05:30 PM

المشاركة الأصلية كتبت بواسطة bebo_abdeldayem

شكرا علي التقرير و عقبال ال 200 ألف

المشاركة الأصلية كتبت بواسطة PoweRPassioN

تسلم على التقرير المحايد والمفيد..
ربنا يبارك لك فيها

المشاركة الأصلية كتبت بواسطة Hosam_Optrawy

شكرا جزيلا على التقييم

شكرا جزيلا ليكم .....

**MedaSam** · 13-04-2010 05:41 PM

المشاركة الأصلية كتبت بواسطة nab!l

الف مبروك
بس اعتقد النترا اشيك واسرع واوسع

دي مسألة أذواق طبعا .... أنا شايف ان النترا جميلة جدا

أوسع دي جديده ....... أول مره أقابل حد يقول النترا أسرع من الاوبترا ..... أنا جربت بنفسي النترا و هي أضيق من ألاوبترا بفرق واضح ...... مش قصدي انها ضيقه ...... أنا شايف ان الاوبترا هيه اللي واسعه جدا

أسرع دي مجربتهاش ..... يعني مجربتش أشد مع النترا ..... و طبعا مش هقوللك مره طلعت من النترا بسهوله أو طلعت منني مره على الدائري... أنا مش بقتنع دايما بالكلام ده لانه مش مقياس خالص

**handasa** · 15-04-2010 04:13 PM

alanta is best in shape

**MedaSam** · 15-04-2010 10:04 PM

المشاركة الأصلية كتبت بواسطة zanativich

والله العربية مش وحشة
بس مش احسن حاجة بالسعر دة
انا عندى البيرسونا برقبتها
حتى لو قطع غيرها غالة شويتين

أنا ماقولتش ان العربيه وحشه ....... احنا بس لازم نقتنع ان كل عربيه فيها الكويس و الوحش ......

بيرسونا مشكلتها معايا زي مشاكل ال Gen 2 ........ قطع غيار غاليه و تقفيل مش كويس باجماع مالكيها في المنتدي و ايضا باجماع أصدقائي اللي معاهم العربيه.....

الدفاع عن عربيه و السلام مش هيفيدنا ....... يعني ممكن تقارن بين بيرسونا و الاوبترا من حيث نقاط معينه ...... الموتور مثلا .... أو الكماليات اللي فيهم ....... وهكذا .... يبقى كده كلام سليم كلنا نستفيد منه