الموضوع: حجز لصيانة ال20 الف

تقرير صيانة ال 20000 تريوس vxr 2010
ميعاد الصيانة 20/11 الساعة 1.45
تم الاستلام الساعة 4.30 عصرا

اثناء استلام العربية من مهندس الاستقبال اشتكيت له من سماع اصوات بسيطة تحت الكنبة الخلفية
و خرج معي مهندس الورشة للتجربة مباشرة قبل اجراء الصيانة
و بكل صراحة جلس في الشنطة لكي يستطيع ان يحدد مصدر المشكلة بارك الله فيه
و خدنا كام مطب كده حتي يعرف الاصوات تخرج منين
و عدنا للشركة و قال لي ان مهندس الاستقبال سوف يخبرني ( لان القواعد الا يتحدث مع العميل ) و طبعا انا احترمت هذا
اخبرني مهندس الاستقبال ان صيانة ال 20000 تشمل كما قال الاخ محمد رحيم
تغيير لفلتر الهواء فقط و انا طلبت زيت موبيل 1 ( 10000 ) لاول مرة
لاني كنت معتاد علي زيت 5000 خلال الصيانات الماضية
و شملت الصيانة ايضا باقي الاجراءات المعتادة من تربيط عافشة
الي تشييك علي التيل و الزيوت
و لاحظت ان هناك اخ فاضل يغير تيل علي 13000 و معه تريوس 2011 و تناقشت معه هل هو بيقرص علي الفرامل و قال لي ابدا و لا يعرف لماذا يحدث هذا
فقلت له انه اكيد شئ منطقي و ليس عادة منهم و الا كانو عملوها معايا في ال 15000
او حتي صيانة ال 20000 اليوم
و علشان كده انا اخبرته انه يراجع نفسه في موضوع القرص علي الفرامل لانه ممكن يكون عيب من ادائه في تحميل سرعات عالية ثم التحميل علي الفرامل مع كل مطب و هكذا بأستمرار فيحدث استهلاك للتيل بسرعة جدا
المهم ان كمان حدث تبديل لفرد الكاوتش الامامية مع بعضها و كذك الخلفية
مع الترصيص لهم جميعا و لا حظت ان عندي الفردتين الامامييتين كان ترصيصهم سليم
و الخلفيتين احتاجو اعادة وضع الرصاص ( مش عارف ليه )
و تم التشحيم و تغيير فلتر الهواء كما سبق
تكلفت الصيانة الكلية 820 جنية

و هي عبارة عن
280 مصنعيات
229 قطع الغيار و الفلتر فقط ب 180
236 الزيوت و مياه المساحات و الزيت لوحده ب 205
مع الضريبة طبعا

المهم العربية بعد ما خرجت الساعة 4 نادو عليا و قال لي مهندس الاستقبال ان مهندس الورشة مازال بيبحث عن السبب و بعد نصف ساعة طلب مني اني احدد ميعاد يناسبني اني اترك السيارة يوم حتي يتمكنو من حل المعضلة
و الموضوع غير مفهوم و بعد تبادل ارقام التليفون
وجدت منه اتصال بي ليلا في نفس اليوم بصراحة و اخبرني ان الميعاد يجب ان يكون متوافق مع مهندس التيكنيكال سبورت بتاع الشركة حتي لا اذهب في يوم يكون غير موجود فيه
و بعد يومين لاني كنت مشغول حددنا ميعاد الاحد القادم بأذن الله

و الحكاية ببساطة اني لما اخد مطب او حد يبقي جالس في الكنبة يخبرني انه يسمع صوت كأن حد بيخبط بصباعه علي ترابيزة و طول ما اكون علي الاسفلت لا يظهر هذا الصوت
و ان شاء الله تطلع حاجة بسيطة و اطمئنكم
يا رب ان لا اكون نسيت حاجة
تحياتي لكم جميعا

م.حاتم السباعي