انت بس مضايق قوي دلوقتي
و علشان كده عمال تقاوح بكل الاشكال
و لما تهدي شويه و تفكر كده
هتلاقي ان الحزام ضروري و امان
و بخصوص مشاركتك الاخيره بتاعت العربيه المتفيمه سوبر دارك
قوانين الفيزياء متعرفش عربيه مسئول او عربيه كارو
دي بتمشي علي الجميع
و لو في يوم حصل انك شفت حادثه عربيات و شفت شباب زي الورد الناس شايلينهم من عربياتهم بملابس و عربيات محترمه في السوق المصري و اللي في وعيه و لسه فيه الروح بيصرخ من الالم و الاصابات ازاي هنعرف معني حزام الامان
تفتكر الشباب دول اهله او هو جايب عربيه تمنها معدي كتير (ربنا يرزق الناس كلها و يزيدهم) علشان الامان و عوامل الامان
و اول حاجه الشباب دول تهانز فيها هي ارتداء حزام الامان
مش معني انه بقي قانون بالغصب انه وحش
استهدي بالله و فكر تاني
و لو لسه شايف انه مش مهم جوه البلد علشان الزحمه اقولك علي تجربه تثبتلك
شوف شارع فاضي او انزل باليل اوي اي شارع فاضي
اربط حزام الامان و خلي صاحبك اللي جنبك يربطه برضو
و امشي علي 20 او 30 كيلو في الساعه
و مره واحده علي غفله اضرب فرامل بكل قوتك
لو انت عامل حسابك و شادد ضهرك حتي هتلاقي انك ببرمي علي قدام بكتله جسمك و بالذات صدرك
هتلاقيه بيندفع بقوه ناحيه الدركسيون
(سبب الوفاه للسائق في الحوادث من غير حزام ان الدركسيون بيكسر صدره )
اما صاحبك اللي جنبك
فلو فعلا ميعرفش و مش عامل حسابه هتلاقيه بيتدفع ناحيه القزاز بقوه
(سبب وفاه الراكب الامامي بيكون خروجه كالطلقه من زجاج العربيه)
و الموضوع موضوع فيزياء
القصور الذاتي
جسمك بيكون بنفس سرعه العربيه
يعني العربيه لما تقف مره واحد سواء بخبطه او فرمله اجسام الركاب بتكون لسه مكتسبه سرعه العربيه قبل الايقاف
لو هديت اقرا كلامي و حاول تقتنع
لو لسه عايز تجادل فجادل زي ما انت عايز
المرور و الكوسه انا عارفهم
و باقي حقوق المشاه و السيارات عندي فكره عنها
و خد بالك اني مش بتكلم علشان اكون انا صح و انت غلط
انا بحاول احافظ عليك و علي اصحابك و واقف معاك و بنتكلم
لو كلامي تقيل عليك فأنا اسف ليك و مش هتكلم تاني
المفضلات