504 و إعادة البناء --- الجزء الأول السمكرة ---

**MaZaGAngeE** · 09-04-2010 09:25 PM

بعد تفكير طويل , و أخذ الكثير من الآراء , و عرض السارة للبيع أكثر من مرة و الرجوع عن البيع في آخر لحظة ...

قررت اعادة بناء الأسد 504 gl استيشن

نسيبي من مركز فاقوس محافظة الشرقية شجعني على اعادة البناء و تحمل مسؤلية متابعة الصنايعية و شراء الطلبات بالكامل و ذلك لظروف العمل في المنيا على أن أكون مشترك في المتابعة خلال الأجازة حسب الظروف .... طبعا متابعة الصنايعية و شراء طلباتهم كانوا من أكثر ما أفكر فيه و شايل همه و الراجل الصراحة ريحني منهم كتير .....
طبعا سمعة الشرقية معروفة جدا في تجديد السيارات و بالذات المرسيدس و البيجو

اتفقنا مع سمكري ممتاز و معاه 4 شباب مساعدين ليه على القيام بكل ما تحتاجه السيارة من أعمال السمكرة و بالفعل تم فك الفرش و الكهرباء و الموتور .

**MaZaGAngeE** · 09-04-2010 09:37 PM

نبدأ بالصاج :
فيه نوعين من الصاج مصري و برتغالي , المصري تحس إنه خفيف شوية عن البرتغالي و كمان مفيش فيه السوكة اللي في نص الرفرف . و لقيت البرتغالي محمل شوية و فيه السوكة اللي في النص و دي مهمة جدا لأنها بترسم العربية و تحددها ...

نيجي للصاج بقى :

شنب
مراية
رفرف أماي يمين
رفرف امامي شمال
عتب
قشرة الأبواب
قشرة باب شنطة
رفرف خلفي يمين
رفرف خلفي شمال

اجمالي السعر 2600 جنيه فقط لا غير , طبعا بالفصال و المداولات
بس فيه هنا ملاحظة مهمة الصاج المصري و البرتغالي كمان مش معمول ليهم معالجة للصدأ ( البارومة )

المصنعية 1700 جنيه و تشمل كل أعمال السمكرة و تفصيل الأرضية و معالجة الصاج من البارومة بالكامل . و تشمل أيضا فك و تركيب الموتور و الكهرباء و الفرش ...

**the-hero** · 10-04-2010 02:19 AM

ايوا يا معلم فينك من زمان هو ده الحل المناسب
بحييك عليه وعلى الموضوع الجامد ده وبالتوفيق ان شاء الله

**boody504** · 10-04-2010 03:48 AM

ربنا يوفقك وتخلصها علي خير

**د.محمود صلاح** · 10-04-2010 08:55 AM

صورها قبل ما تتركب عشان الموضوع يبقى كامل

**amrelsaqqa** · 10-04-2010 10:34 AM

متااابع معاك الموضوع الشيق ده للاخر لحد ما تبقى عروسة ان شاء الله

**MaZaGAngeE** · 10-04-2010 06:46 PM

المشاركة الأصلية كتبت بواسطة the-hero

ايوا يا معلم فينك من زمان هو ده الحل المناسب
بحييك عليه وعلى الموضوع الجامد ده وبالتوفيق ان شاء الله

مساء الفل ياباشا أخبار السعودية معاك ايه؟
أنا مجهز ألبوم كامل للسمكرة بس أول ما أرجع المنيا هارفعه أصلي شغال على التلفون
لو فاكر الموضوع اللي كنا بنتكلم فيه عن البيع أو اعادة البناء ... أنا اخترت و الحمد لله
تصدق جتلها بيعه بعد ما السمكري فور الصاج على 25 بس أنا مرضيتش

**amrelsaqqa** · 10-04-2010 06:50 PM

طيب يا باشا هو حالة الصاج عندك ايه

انا عندى الصاج عامة كويس و الابواب فيها حزة لجوة من حكة في رصيف و في برومة في العتب والباقى حاجات بسيطة خالص هتتعدل مع السمكرة العادية

دى تتكلف قد ايه في السمكرة من واقع خبرتك كدة ولو حتى بالتقريب ؟

انا بفكر اعمل موضوع التوضيب الكامل ده قريب بس خايف الموضوع يفتح ويقرب على تمن عربية

**MaZaGAngeE** · 10-04-2010 06:52 PM

المشاركة الأصلية كتبت بواسطة amrelsaqqa

متااابع معاك الموضوع الشيق ده للاخر لحد ما تبقى عروسة ان شاء الله

الله يخليك ... من فترة كده كنا بنتكلم عن تكلفة العمرة الشاملة و هل مجدية بالمقارنة مع البيع و شراء سيارة جديدة و الواحد يشتري نفسه من الصنايعية و مشاكلهم و كانت أغلب الأراء مع البيع بس الصراحة ماهانش عليا حد غيري يركب الأسد أصله عشرة 32 سنة

-

الموضوع: 504 و إعادة البناء --- الجزء الأول السمكرة ---

LinkBack

أدوات الموضوع

عرض

504 و إعادة البناء --- الجزء الأول السمكرة --- - انشر الموضوع فى :

-

-

-

-

-

المواضيع المتشابهه

504‏ و اعادة البناء... الجزء الثاني.... عمرة الموتور

الشيخ محمد حسان يطرح ورقة إصلاح جديدة لـ"إعادة البناء"

504 و اعادة البناء ..... الجزء الثالث ..... الدوكو

تقييم كيا نيوسيراتو (الجزء الأول)

وفاة العظماء ( الجزء الأول )

الكلمات الدلالية لهذا الموضوع

المفضلات

المفضلات

ضوابط المشاركة