dr_3eshoo
فكرتنى بأمتحانات ال oral
أنا زيك بالظبط كنت بشوف وجوه الدكاتره يوم الامتحان و أسأل زمايلى مين ده و مين دى و درسولنا أنهى جزء فى الماده
بس انا مكنتش بحضر بمزاجى
طرائف الامتحانات دى متتعددش مره مثلا فى امتحان سنه تانيه بندرس ماده الاستعاضه اللى هى تركيبات الاسنان المتحركه زى الطقم يعنى
المهم دخلنا لدكتور عتيق عنده فوق ال 80 سنه
و معاه دكتوره 50 سنه
احنا 4 او 3 بنات
اصلا الاسئله بتنزل علينا زى البرق - مش عارفين ننطق بكلمه
اسئله عجيبه و الله
فكنا ننحاول نلقط أى كلمه تعجبنا و ندخل منها لموضوع تانى على كيفنا
و الدكاتره عاملين زى ضباط الشرطه يقبضوا علينا و يرجعونا تانى للسؤال المبهم اللى سألوه
اخر ما يأسنا سكتنا ساعه الا ربع او ساعه مش عارفين نزوغ منهم
المهم افرجوا عننا
بعد ما طلعنا بره
لقينا الدكتوره بتنادينا و تسألنا أهم سؤال
أنتوا سنه كاااااااااااااااااام
كانوا فاكرين اننا سنه 3
يا عينى كانوا نايمين و صحوا بعد ما خرجنا من اللجنه
و عدينا فى الماده بطلوع الروح
المفضلات