ايه أطرف مواقف حياتك ؟

17-01-2008 09:50 PM

فى زمايل كتير هنا فى المنتدى طلبه فى كليات الطب و طب الاسنان
خلونى افتكر مواقف طريفه حصلت فى ايام الدراسه و على مدى سنوات الشغل

فجت لى فكره كتابه مواقفنا الطريفه اللى مرت بينا أثناء الدراسه او الشغل او الحياه الزوجيه
و يكون الموضوع طريف و مضحك و نابع من تجاربنا الشخصيه

أتمنى الفكره تعجبكم
و انا حبدأ بمواقفى الطريفه :d

و أحنا فى أعدادى اسنان ربنا كتب علينا نشرح حاجات كتير
ضفدعه و صرصار و الاسكارس
انا شخصيه بخاف اصلا من النمله فما بالكم بالضفدعه او الصرصار

المهم
قبل امتحان العملى بيكون فى هجوم على الفراش اللى بينزل البلاليع و يجمع لنا الضفادع و الصراصير
و كأكننا واقفين فى طابور الجمعيه بنشترى اجدعها فرخه
و ده غير غلو الاسعار عن الايام العاديه
و الا يقولك خلصوا معندناش

المهم ضبطت الفراش و نقالى ضفدعه محترمه و الله كبيررررررررررره
و متخدره طبعا علشان بنشرحهها و هى متخدره مش ميته
و اخدت الهانم البيت و لبست الجلفز و دبستها فى طبق التشريح و كانت عملاقه معديه الطبق
ايديها و رجليها بره الطبق
و كنت لوحدى فى البيت
الضفدعه اتدبست و منتظره المارد اللى حيشرحها
و مليت الطبق بالمايه
و مسكت المقص و قصيت جلد البطن و الايدين و لسه بكمل
الآقى الهانم بتشد ايديها و رجليها
انا الرعب نزل فى قلبى و بقيت ارجع لورا
اقول لا اكيد حتموت ده انا فتحاها و مدبساها
و فجاه الاقيها نطت منى فى السقف و انا صراخ و عووووووويل
الجيران افتكروا فى ميت و لا حرامى دخل عندنا
و دى بطنها مفتوحه و احشائها بره و بتنط
المهم دقايق و سكتت عن الحركه و الحمد لله
قبل ما كنت حرمى نفسى من الدور السابع
لانى جبانه موووووووت

17-01-2008 09:59 PM

فى موقف تانى حصل لى و أنا فى التكليف و نظرا اننا بنتعامل مع ناس كتير من مختلف الطبقات و تعليم مختلف و بيئات مختلفه فدايما و خصوصا للسيدات بتحصل مواقف غريبه

المهم - انا كان اول شغلى فى محافظه مطروح
لكن فى مكان قريب الى حد ما من اسكندريه
المهم دخل علينا شاب كده لابس بدله بيضاء و فيها اكسسوارات غريبه
بالظبط زى بدل شعبان عبد الرحيم
انا استغربت منظره لان الساعه 10 الصبح
الراجل كان داخل متألم و بيقولى ضرسى معكنن عليا من امبارح
انا مطرررررررررب
و طول الليل بغنى بالعافيه
قلت له الله يكون فى عونك
طب مخدتش مسكن ليه

قالى سكنته
قلت له اخدت ايه
انا بكلمه عقبال ما بحضر حقنه البنج

قالى حطيت جواه حته حشيش

انا اول وهله تنحت
ثانى وهله مصنتش مجالى و نزل عليا هيستيريا ضحك

و اقول للدكتوره الكبيره ألحقى عمل دماغ للضرس
كنت ساعتها حضرب
بس ربنا ستر
خلعت الضرس الدايخ المتسلطن و روح الراجل و عزمنى على حفله عندهم

**Karim_Monir** · 18-01-2008 01:49 AM

ها ها
موضوع مسخرة بجد
بالنسبة للتشريح ليا تجربة ماشبهه حيث اني في سنة اولى كلية كنت بدرس المجسمات وكيفية صنع مجسمات حية بالتحنيط ووقع اختياري على حاجة مفتكسة عشان اخد درجات عالية
نزلت سوق القلعة بتاع الطيور والزواحف عشان اجيب تمساح صغير مالقتش فجبت (ورل) وده حيوان صحراوي عامل زي البرص بس على كبير وسريع جدا جدا وبيعيش على افتراس الثعابين الصحراوية وكان طولة حوالة 50 سم
المهم كتفتة وظبطتة والراجل قفلي فمه بخيط لانه اسنانه من الحدة انها تقطع اصبع بني ادام
وقاللي هو ممكن يقعد من غير اكل وشرب 3 ايام
خدتة وعلى ميعاد المحاضرة اللي هاحنط فيها وهاحنط عملي قدام 200 طالب ودكتور و2 معيدين
والطلبة كانت بتشوف اللي بعملة من خلال تصوير فيديو بيتعرض من بيمر على شاشة قاعة المحاضرات
وهوب المحروس الصغير فط من ايد لطالب اللي كان ماسكة قبل ماديلة حقنة الهوا بالفورمالين اللي هاتموته
وانطلق في قاعة المحاضرات وسط رعب من الطلبة والدكتور والمعيدين وسرعتة ما شاء الله رهيبة والكل خايف منه
لان اظافرة حادة جدا وهوووووب ربنا نجدنا باتنين زمايلنا صعايدة جدعان طلعوا جريوا وراه ومسكوة وجابوة
بس كان موقف لا ينسى ابدا وحاجة اخر مسخرة وشكرا للصعايدة الجدعان قوي

18-01-2008 02:24 AM

ههههههههههههههههه
ده كان ضب و لا ايه

بمناسبه البرص فكرتنى بموقف فظيع
بعد ما خلصت سنه التكليف فى مطروح - اتنقلت البحيره
مشكله الوحدات الصحيه هناك انها مليانه حشرات و حيوانات اشكال غريبه منزلتش فى اى اطلس جغرافى
المهم طول الوقت كنت بقعد جنبى الممرضه
طول ما هى قاعده كل الحشرات و الحيوانات مستخبيه و محترمه نفسها
مره خرجت و سابتنى
الأقى برص طالع من ورا دولاب جنبى و بيجرى نحيتى
انا هوب لقيت نفسى واقفه فوق الكرسى و بصرخ
دخلت عليا الممرضه
بتقولى مالك و بتبص لى نظرات غريبه
قلت لها برص
التانيه تضحك و بتبص لى نظره معناها مالها دى مش عايشه فى الدنيا
ده أليف و بينام فى بيوتنا و منقدرش نستغنى عنه
نزلت من عالكرسى و بصراحه بقيت محرجه و اخدت بعضى و جرى روحت

**ahmed** · 18-01-2008 03:10 AM

المشاركة الأصلية كتبت بواسطة alsindrella

و كنت لوحدى فى البيت
الضفدعه اتدبست و منتظره المارد اللى حيشرحها
و مليت الطبق بالمايه
و مسكت المقص و قصيت جلد البطن و الايدين و لسه بكمل
الآقى الهانم بتشد ايديها و رجليها
انا الرعب نزل فى قلبى و بقيت ارجع لورا
اقول لا اكيد حتموت ده انا فتحاها و مدبساها
و فجاه الاقيها نطت منى فى السقف و انا صراخ و عووووووويل
الجيران افتكروا فى ميت و لا حرامى دخل عندنا
و دى بطنها مفتوحه و احشائها بره و بتنط
المهم دقايق و سكتت عن الحركه و الحمد لله
قبل ما كنت حرمى نفسى من الدور السابع
لانى جبانه موووووووت

جامده موت يا لهوىىى انا مش قادر امسك نفسى من الضحك وبتخيل موقف الفزع وانت فيه هههههههههههههههههههه يا خرااااااااااابى
مش ممكن دى المفروض تبقى مشهد فى مسلسل او فيلم كوميدى

**ahmed** · 18-01-2008 03:17 AM

انا بقى هاقولكم على موقف غريب حبتين
جيب فى مرة بلبس الحذاء الكوتشى بتاعى كنت فى الجامعه اياميها يعنى من خمس سنين كده

وبعدين لبست فرده والفرده التانيه لبستها وحاسس ان صباعى الكبير فى حاجه من جوة
عمال ادخل فى رجلى واعدل فيه واظبط بصوابعى (( عادى يعنى كلنا بنعمل كده ها محضش يضحك))
وبعدين مافيش فايده رحت مطلع رجلى من الحذاء الاقى ايه طالع بيطير ههههههههههه تخيلوااا

صرصار قد عقلتين صباع يالهوووووووووووووى
اةةةةةةةةةةةة ايه اللى خارج ده انا ساعتها ما اقولكمش على اللى حصل بس عدا على خير ومامتش ازاى مش عارف

**ahmed** · 18-01-2008 03:21 AM

موقف تانى بس ده خاص بصديق ليا دكتور بيطرى وحاليا فى الكويت ربنا يمسيه بالخير

الولد ده بيحب الحيوانات جداا بس بيقرف من حشرات معينه

المهم فى يوم من الايام من شهر اغسطس والجو حارر جدااا والناس لابسه صيفى على الاخر
وهو لابس قميص نص كم وواسع اوى عشان هو رفيع

وكان راكب ميكروباص ولابس القميص لوحده من غير اى حاجه قطن تحتيه حررر بقى
المهم والميكروباص ماشى والشباك مفتوح لمح ايه لمح حاجه بتطير دخلت الميكروباص
وقال ده صرصار فجاه والصرصار دخل فى قميصه من ورا يالهوىىى

وهور لقى حاجه بتقرصه راح فى الميكروباص قالهم يا حضرات انا اسف ها اقلع القميص عشان فى صرصار دخل جواه ههههههههههههههههههههههههه ههههههههههههههههههه
وراح قالعه والصرصار طار بس الناس كلها ايه ساعتها اللى اخدت جنب واللى اتهمه بالجنون واللى قاله الميكروباص فى حريم
بس كام هايعمل ايه ما هو قرفان اوىىىىىىىىىىىىى

وفيه موقف تانى مع الولد ده مع الصرصار برده
بس كفايه كده بس واضح انى انا وصحابى تخصص النوع ده :)

18-01-2008 03:24 AM

ههههه كله الا الصراصير _ بكره إن شاء الله ححكي لكم سكشن الصرصار

**dr_3eshoo** · 18-01-2008 04:07 AM

اطرف موقف حصلي في حياتي
كنت في سنه اولى طب و عندنا ماده اسمها هستولوجي
و بعدبن حضرت اول محاضره في اول السنه <طالب جديد و لسه سخن > و الدكتور طردني علشان دخلت بعديه < سخن برضه > و بعدين قلت لنفسي مش حاضرله تاني
جيت في اخر السنه و في امتحان الشفوي و دكاتره جايين من بره علشان يشوفوا طلبه سته اكتوبر
دخلت عند دكتور محترم جدا و شيك و كنا 4 طلبه
يسال السوال و نرد و الاجبات صحيحه بس النطق غلط جدا
الحروف السيلنت تتنطق و الكلام غير الكلام بس صح متالش ازاي
الدكتور اليبيمتحنا قالنا انتوا بتجاوبوا صح بس شكلكم ما بتحضروش
قلنالوا الصراحه ايوة
فدخل واحد شكله مش غريب عليا و قال للدكتور ايه اخبار العيال
قاله ممتازين و شكلهم بيحضروا
قالوا طبعا ياباشا كل العيال بيحضروا و شاطريين و انا عارفهم كويس و خرج
طبعا قمت سال الدكتور الي بيمتحنا مين الباش مهندس
قالي ازاي مش عارفه ده الدكتور احمد ابو زيد دكتور الماده و رئيس قسم الهستولوجي بالجامعه
قمت قايله تصدق يا دكتور انا اول مره اشوفه النهرده
ضحك الدكتور و قالنا قوموا غوروا من وشي
قلتله و الدرجات قالي متخفش و ادانا يو ميها 13 من 15

مره تانيه في ماده البايو في سنه تانيه دخلت لدكتوره سالتني انت اسمك ايه
قلتلها احمد عشماوي
قلتلي من فين يا احمد
قلتلها من دمياط
قالتلي تعرف دكتور اسمه صلاح العشماوي
قلتها لا
قلاتلي ده من دمياط و شكله كده قريبك لانه شبهك
قلتلها الوحيد الي اعرفه من قرايب بابا دكاتره هو ابويا غير كده معرفش
فضحكت و قالتلي طيب سالتني كام سوال و مشتني
دخل واحد زميلي بعدها سالته نفس الاساله رد عليها و قلها ده عمي قالتها طب اسم مراته ايه
مردش
طاخ طيخ طوخ و سقط في الماده