انا كنت مسافر من يومين باعربية ولاحظت حاجة مش عارف هي طبيعية ولا لاء
طبعا لما العربية بتكون واخدة غيار زي الاول او التاني مثلا وبكون رافع رجلي تماما من علي البنزين و الدبرياج المفروض ان العربية تظبط نفسها لوحدها علي 1 rpm انا لما كنت بلاقي نفسي بتحرك في اشارة ببطء كنت باسيب رجلي من علي البنزين خالص وهي بتمشي لوحدها
الجديد اني لقيت العربية زي ما تكون بتنتش و rpm بيكون اقل من 1 لحد ما احس برجرجه جامدة تبدأ بعدها العربية تظبط نفسها ويطلع ال rpm علي واحد تاني & وهكذا الحكاية دي بتتكرر معايا بس مش دايما مع العلم
1-بوجيهات واسلاك جداد
2-البوبينة تمام وشرارتها كويسة وهي اصلي ولما باكبس بنزين علي اي سرعة مفيش نتش وبلاقي سحب كويس
3- باحط بنزين 92 وشايل فيشة الاوكتان
4-طقم دبرياج جديد
5- منضف الايديال وعامل ليرن& كمان مغير فلتر البنزين و الهوا
6-اعتقد من قراءتي في المنتدي ان في بوادر اعراض رشاشات علشان لما بسيب العربية تبرد شوية ممكن ما تدورش من اول مرة ولو دارت من اول مرة باحس ان في برجلة خفيفة مع بداية الدوارة& كمان لما باركن العربية ليومين او اكتر واجي ادور باسمع صوت زي عطسة وبعدين العربية بتطفي بس بتدور بع كدة من اول لمسة
انا اسف اني طولت عليكم بس انا واثق في توجيهاتكم