الموضوع: Colt 2007, to Eng. Tarek Zwayl

أستاذ hh اهلا بيك

بخصوص اسئلتك عن الكولت الجديدة:

1- شكاوي العملاء - حتى الآن الحمد لله مفيش شكاوي للعملاء منها

2- انا في رأيي عيب العربية انها نازلة من غير سي دي وده اصبح مهم جدا للعربيات الجديدة لكن زي ما حضرتك وضحت (في الموضوع المفتوح في منتدى الياباني العام) انها فيها تجهيزاته يعني السماعات والاريال والضفيرة باقي بس السي دي - انما لو تقصد عيوب ميكانيكية او غيره فالعربية انتاج اوروبي يعني مصنعة عالفرازة

3- الفتيس بتاعها مش ستيبترونيك عادي هو يعتبر عكس الـ CVT يعني هو مانوال بدون دبرياج وبالتالي عند النقل بيتسارع وبتحس بالـRPM بيزيد حتى ينقل لوحده (عكس CVT لا تشعر بالنقل خالص) لذلك ففي رأيي العربية رياضية اكتر من الـCVT فيها ست نقلات أمامية ونقله خلفية (تتحرك بينها بكليك امامي او كليك خلفي للفتيس) ولم تأتي من الفتيس اي شكاوي (ربما بعض العملاء في الأول كان مش فاهمه وعايز يعرف بيشتغل ازاي)

4- السبب الأساسي لتخفيض السعر من 119 ألف الي 90 ألف ان العربية موديل 2007 واحنا اصبحنا في 2008 وموديلات 2008 قربت تيجي يعني ده سعر عرض خاص على موديلات 2007

وطبعا معروف ان الايد العاملة في اوروبا غالية وبالتالي العربية تكلفتها عالية اساسا واكيد موديلات 2008 هتنزل بسعر اعلى من كده بكتير خاصة ان موتورها هو نفس موتور اللانسر EX الشكل الجديد