أفضل نوعية كاوتش للبومه ؟؟؟؟

**Dawns_Mist** · 02-07-2011 11:15 PM

ما هي أفضل نوعية كاوتش موجود في السوق للبوما ؟؟

مضطر أغير طقم بسرعة جدااااااااااا و محتاج استشاره سريعة من خبرائنا .. بس مايكونش سعره حراق .. يعني الفردة لحد 450 ماشي معاك لو 500 أوكاي برضه ... أكتر من كده يبقى مش هغير الطقم دلوقتي ...:b4_611:

منتظر ردودكم ، و ماتنسوش إن عفشة البومة أصلا ناشفة فأنا عاوز كاوتش طري شوية برضه.

**minded** · 03-07-2011 10:35 AM

+++++++++++++1

**fouad19852002** · 03-07-2011 01:36 PM

انت الاول مقاس 14 ولا مقاس 15 انا لسه شارى لعربيتى من حوالى 3 اسابيع كاوتش برجستون سرعات تيلندى مقاس 15-55-195 ب 475ج للفرده يعنى كله 1900ج بس مشاء الله كاوتش تحفه وكان نفس النوع 14-65-185 ب420ج للفرده وكان فى نوع تانى اسمه سبكترا اندونيسى 350ج للفرده مقاس 15 بس نصيحه خليك فى البرجستون ولو عايز حاجه اعلى يبقى المشلان غير كدا بلاش

**Dawns_Mist** · 03-07-2011 03:10 PM

تمام أوي .. هو أنا مقاس الكاوتش عندي 14 .. يعني كده متوسط سعر 420 ده ممتاز جدا .. بس أنا عندي سؤال .. هل السرعات ده من البريدجيستون اللي هو اسمه تورانزا ؟؟

**fouad19852002** · 03-07-2011 05:35 PM

لا التورانز دا SUPER SILENT مش بيعمل صوت ألي انا مركبه Sports Tourer MY-01 دى نقشه سرعات للسرعات العاليه ودا لينك الموضوع بتاعى
http://www.nilemotors.net/Nile/227570-a.html

**Ahmed.Ali** · 03-07-2011 05:50 PM

انا برضوا لسه مركب Sports Tourer MY-01 انا معجب ببردجح ستون جدا بصراحه استقبال محترم تركيب سريع و عنايه فائقه يستاهل كل مليم اتدفع فيه

**Dawns_Mist** · 04-07-2011 12:01 AM

ألف مليون شكر يا رجالتنا ... تمام أوي السبور ده من البريدجيستون ... بس هو فيه حد يعرف الميشلان يعمل سعر كام تقريبا ؟؟ و هل هو أفضل ولا البريدجيستون ؟

**wisheey** · 04-07-2011 03:08 PM

المشاركة الأصلية كتبت بواسطة ahmed.ali

انا برضوا لسه مركب sports tourer my-01 انا معجب ببردجح ستون جدا بصراحه استقبال محترم تركيب سريع و عنايه فائقه يستاهل كل مليم اتدفع فيه

يا باشا لو سمحت ممكن تقولي منين ؟؟؟؟

**Dawns_Mist** · 05-07-2011 05:35 AM

من الآخر يا جماعة .. قدامي دلوقتي ميشلان إنجليزي بـ 535 ، و قدامي يوكوهاما ياباني بـ 550 و قدامي بريدجيستون تورنزا ياباني بـ 500 و قدامي بريدجيستون سبورتس تورار تايلاندي بـ 400 ؟؟؟؟

أنا محتار جداااااااااا
و عندي مشكلة .. خايف أجيب يوكوهاما أو ميشلان ماعرفش ألاقي زيهم تاني لإن هجيب طقم أمامي بس دلوقتي و هجيب خلفي لسه كمان 20 ألف كده ولا حاجة ؟؟

إيه رأيكم ... أمشي مع السوق و أجيب التايلاندي ، ولا أخليني مع الجانب الأقوى و أجيب ميشلان ؟؟

**MOUSTAFA_SAAD** · 05-07-2011 07:53 AM

الميشلان لايعلى عليه
بيعيش لمده طويله جدا
كان خالى بيركبه فى ال405 من زمان ومكنشى نقشته بتروح ابدا مهما مشى بيه بس كان الفرنساوى ساعتها موجود وكان اغلى كاوتش فى مصر