الموضوع: الرجرجة دي عادية ولا لأ

سؤال يا استاذ سمير. هو الموضوع ده لو ناتج عن سخونة البوبينا هل احس برجرجة ولا تنتيش انا الى كان بيحصل معايا رجرجة زي مكون كدة موش عارف اطلع على الأول ولسه بتعلم سواقة
وانا افتكرت دلوقتي ان الموضوع ده حصل مرة قبل كدة كنت في مشوار من شبرا لوسط البلد لمصر الجديدة والطريق كان زحمة جدا من اول نفق شبرا لحد العباسية والخليفة المأمون بس ده كان في عز الشتاء وكان الساعة 5 مساء يعني مفيش شمس والرجرجة ابتدت تقريبا في العباسية وتاني يوم اختفت تماما ومن ساعتها محصلتش ولا مرة لغاية امبارح بس انا موش باطلع بالعربية كنير وغالبا لما باطلع بيها بيكون علشان مسافر او علشان اسخنها

شكرا على الرد . ممكن توضح لي مكان البوبينا ولو بالصور اكون شاكر جدا

طبعا حضرتك عارف سلوك البوجيهات

السلوك بتركب عند بوجيهات المكنه نفسها من جنب
ومن الجنب التانى ( عند المكنه من فوق على الجانب الأيمن وأنت فاتح الكبوت )

على كتله مستطيله سوداء

( هى دى البوبينا بدون صور حتى )

وفيه حد قال لي ان ممكن لما اسطوانة الدبرياج تسخن تحصل الأعراض دي (رجة في الطلعة على الأول) ولما الاسطوانة تبرد الاعراض تروح .. هل الكلام ده صح ولا غلط

ممكن فعلا تعرض الأسطوانه لتحميل شديد وقت السرعات البطيئه والزحف بالدبرياج
ويحصل تفويت خفيف وسخونه فائقة الشده على جانبى الأسطوانه
وتحس برجه بعدها ....بس كان مفروض تشم رائحة شياط خفيفه
فجايز تكون كنت قافل الأزاز ومشغل التكييف
ولم تتعرف على أى روائح

عموما أختبار البوبينا بالشكل اللى قولتلك عليه
حيحط نقط على الحروف برضه

ولو طلعت البوبينا تمام
يبقى ده كان تفويت خفيف داخل الدبرياج وعدى على خير

ومفيش مايمنع من التعرف على كفاءة الدينامو والبطاريه

فكلها عيوب وارده جدا

والرجرجة ابتدت تقريبا في العباسية

خليك بعيد عن منطقة العباسيه اليومين دول
وخلينا مع الوضع الحالى