السلام عليكم
وأنا قاعد كده في المكتب بليل ومفيش شكاوي والحمد لله فجأة جت في بالي فكرة !

فكرت أبيع الفيكترا ال2003 و أجيب واحدة 2007
أصل الفترة إللي فاتت إتكعبلت في عربيتن 2007 مانيوال ب 85000 و ب 90000 عاملين من40 ل 60 ألف كيلو و فابريكة وحالتهم جديدة

قلت الله طب ليه معملش الحركة المتهورة دي وقعدت أفكر

عربيتي مريحاني الحمد لله مش بتحتاج حاجة أه بس أنا محسوك وبحب كل حاجة علي الشعرة ودي هتكون لسة جديدة
العربية أغلي أه بس لسة زيرو وتقفيل ألماني يعني علي الأقل هرتاح في السفر من الكراسي النشفة بتاعت التقفيل المصري (أنا 30% من وقتي علي الطريق!!!)
قطع غيار أغلي أكيد بس تقفيل ألماني ولسه زيرو يعني مش هتحتاج حاجة وإسأل مجرب في الألماني

طب الموضوع مستاهل ؟ والله شكله مستاهل العربية رخيصة وركوبة دي بتمن اللانسر يا عم

فاضل إيه طيب ؟؟ شوية تهور وحاجة كمان العربية بقالها كذا سنة إيه الإنطباعات الدقيقة عنها من مالكيها ؟
كل رجالة أوبل المحترمين معزومين في الحوار الفكري دة علي فكرة :)
أسمع أفكار أو إقتراحات ؟؟ :)