لمبه الدينامو 128

**Khaled_Nowaihy** · 18-04-2010 04:29 PM

المشاركة الأصلية كتبت بواسطة wael6

جزاكم الله خيرا:
وممكن سؤال اخر الدركسيون تقيل شوية وكمان ساعات الاقي العربيه بتسحب لوحدها وساعات الاقيها مخنوقه شوية مثلا وانا على الثانى ساعات امع صوت عالى وسحب بطئ وساعات مسمعشي صوت وبتسحب حلو هل ده له سبب
ومعلش سؤال آخر
كل كام يوم الاقي النور الصغير فاصل ومرة الاقى النور اللى ورا فاصل ومره اللى ستوب هل ذلك عيب سلوك ام لمبات ام ماذا لانى كل شوية اروح للكهربائي واصرف فلوس كتيره
ارجو الافاده
واسف للاطاله

العفو على ايه ، اسأل براحتك واللى اعرف اجابته افيدك بيه على طول
تقل الدركسيون فى ال 128 طبيعى ومعروف ... المهم ان العربية ما تحدفش يمين أو شمال وهى ماشية أو تحس ان الدركسيون بيشد ايدك وتضطر تقفش عليه عشان يفضل عدل
وفى الحالة دى حا احتاج ضبط زوايا
بالنسبة للسحب ال 128 بحالات ومزاجات .. ساعات تلاقيها فايقة جداً واستجابتها عالية وساعات تحس انها لازقة فى الأرض ... أهم حاجة انك أول ما تدورها الصبح لازم تسخنها كويس (10 دقائق على الأقل)

وحكاية اللمبات اللى دايما تنطفى دى ممكن تكون الفيوزات مش ثابتة ودايماً تلاقيها أطرافها بتسيح من شدة الحرارة وماتوصلش
أو ممكن دويان اللمبات مبهوقة واللمبات ما بتثبتش فيها
أو ممكن يكون فيه مشكلة فى كهربة العربية بتسبب ان اللمبات تتحرق بسرعة.
وياريت لما تكون عند الكهربائى تغلس عليه فى الأسئلة ... ساعات بيكون مش قادر يوصل للسبب ويفتى فتاوى مالهاش لازمة ويتكسف يقول انه ما يعرفش

**H_Daim** · 06-07-2010 12:43 PM

المشاركة الأصلية كتبت بواسطة wael6

السلام عليكم
معايا سيارة 128 مو 77 1100 سي سي مره او اتنين اللى عملت 180 كم فى الصفيحه وبعد كده 125 كم وده داخل المدينه وكمان كنت الاقي العربيه مره بتسحب حلو ومرة مخنوقه وروحت للميكانيكي قالى عيب كاربرتير وهنضفه وان شاء الله هيظبط ولكن برده لسه الحال زى ما هو والعربيه مشت يومين حلو وبعدين مخنوقه فى سحبها وساعات تفصل على السرعه الهادية ما الحل وارجو الافاده علما انى غيرت نوع الزيت من بترومين اكسترا سوبر الى كاسترول

حضرتك الموضوع مش موضوع نظافة الموضوع ان عندك مشكلة في الاكس و الباب بتوع الكربراتير و ممكن تتاكد من كلامي انك تخلي اي حد يزودلك جامد مرة واحدة هتلاقي الشكمان طلع دخنة رمادي او سوداء خفيفة و ده معناة ان في كمية بنزين زيادة دخلت الكربراتير واتحرقت علشان كده طلعت الدخنة الرمادي او السوداء. علشان كده حضرتك هاتروح لفني كربراتير يفكة و ينظفة و يشوف البكات و يودي الوش للخراط علشان الاكس و الباب و كمان خليه يبص على ابرة العوامة.

**wael6** · 11-07-2010 11:16 PM

السلام عليكم
معلش سؤال
انا سافرت ع الطريق السريع وعملت مشوار 140 كم وسحبت بنزين 10 لتر اعتقد كده كويس
ولكن التنك كله داخل المدينة عامل 225 كم واعتقد ان هذا قليل ( مع العلم انى بشم رائحة بنزين داخل العربيه ) ( 128 مو 77 1100 سي سي ) ارجو الافاده

**misoalex** · 12-07-2010 06:43 AM

المشاركة الأصلية كتبت بواسطة wael6

السلام عليكم
معلش سؤال
انا سافرت ع الطريق السريع وعملت مشوار 140 كم وسحبت بنزين 10 لتر اعتقد كده كويس
ولكن التنك كله داخل المدينة عامل 225 كم واعتقد ان هذا قليل ( مع العلم انى بشم رائحة بنزين داخل العربيه ) ( 128 مو 77 1100 سي سي ) ارجو الافاده

معلش حضرتك الموضوع مش مفتوح للمشاكل الى بتظهر عندك ياريت تعمل موضوع منفصل بالمشكله الى عندك لو سمحت
دى تالت مره ترفع الموضوع عشان تحط مشكله ظهرت فى عربيتك طب متعمل موضوع منفصل

مع العلم ان دى مش اول مره تعمل كده ونبهت حضرتك قبل كده انا والمشرف فى موضوع الmp3 لو فاكر

لاحول ولا قوه الا بالله