شكرا يا جماعة علي اقتراحاتكم المفيدة, هشوف صاحبي عايز يعمل ايه و ابلغكم
جزاكم الله خيرا
عرض للطباعة
شكرا يا جماعة علي اقتراحاتكم المفيدة, هشوف صاحبي عايز يعمل ايه و ابلغكم
جزاكم الله خيرا
هاهاهاهاها
والله كبرت يا ولد ياخلبوص وبقالك رأيك وقرارك
انتو جيل الانترنت ونايل موتورز .. اكيد مش ح اعرف آخد منك حق ولا باطل
آهي الارض عندك ..... واعمل اللي انت شايفه صح
وانا بأدعيلك وربنا يوفقك
..
وش حسن رياض الله يرحمه
.....
ده كان اقتباس من الوالد ح يقوله لأبنه لو الأب راجل رزين وعاقل.... طبعا ده بشكل عام مش شخصي
انما لو عصبي ومش بيتفاهم
...
بتقول ايه يا ولد ؟؟؟؟؟؟
انا على آخر الزمن ابني يبقى بياع فول .... وكمان بالزيت الحار
انت عارف لوعملت كدة ح اعمل فيك ايه ؟؟؟
ح أحرمك م الميراث واضربك بالرصاص يا ولد يا خباص
الكرباج يا عبد الصمد
..
وش زكي رستم الله يرحمه
...
فيه ناس بتفرش الارض نجيلة صناعى و تاجر الارض بالساعة كملعب كورة... بس لو حواليك عمارات و كدة ممكن تبقى مشكلة عشان الدوشة
MMamdouh
طيب تعالو نحسبها
نفرض مثلا ان ايجار الساعة ب 50 جنيه
طيب
متوسط عدد ساعات الايجار في الايام العادية ممكن يبقي 2 ساعة يعني 100 جنيه
متوسط عدد ساعات الايجار في ايام الاجازات زي الجمعة و السبت مثلا ممكن يبقي 6-8 ساعات
يعني لو حسبتها يطلعلو في الشهر متوسط 3200 جنيه
الرقم ده ممكن ايام المدارس
طيب ايام اجازات المدارس ممكن الرقم يتضاعف بسهولة
و الله مشروع حلو, ايه رأيكم ؟
بس المشكلة فعلا انها منطقة سكنية
انتا غلبان اوي ياباشا
يابيه ده احنا بنأجر الساعه في الارض الترتان ب150 جنيه
تقولي الساعه ب50
احسب الحسبه تاني
ودوس
وكل الاراضي اللي بنلعب فيها مناطق سكنيه
متقلقش
مفيش خوف
اعمل سور عالي حوالين الارض بالشبك عشان الكوره متضايقش الناس
واعمل مواعيد للقفل والفتح
الساعه 12 اخر معاد عشان الناس تنام مش تسيبها مفتوحه
وايام رمضان بقي ممكن تبتدي دورات رمضانيه
الناس بتشجع اي حاجه تخلي الشباب رياضي
دوس وتوكل
الساعة ب 150 فى الارض الترتان... اضرب حساباتك فى 3
و بما انى صاحب الفكرة انا عايز 10% من الارباح للعام الاول من المشروع
MMamdouh
يبقى car care
عنايه فائقه للسياره الموضوع مربح جدا وتكلفته قليله