الموضوع: أول صيانه ليا مع الصني (صيانه ال 1000)

يوم الاحد كلمت مركز السبع اللي في زهراء المعادي واخدت منهم ميعاد يوم الثلاثاء الساعه 11 بليل ورحت فعلا الساعه 11 بالظبط ودخلت جوه قاللي مهندس الاستقبال انهم هيربطوا العفشه ويغيروا الزيت وخيرني بين زيت ال 5000 وال 10000 وانا اخترت ال 5000 وقلت لما اروح الصيانه الجايه ابقي اغيره هما علي فكره بيحطوا زيت شيل وعرض عليا غسل العربيه من الخارج والموتور بالفوم ومن الداخل كمان ب 30 جنيه قلتله شغال المهم العربيه دخلت وانا طلعت فوق الاستراحه شربت النسكافيه المتين واتفرجت علي ماتش الاهلي والمصري المهم علي الساعه 12ونص الفني اخد المهندس معاه في العربيه وخرجوا يجربوها المهم سمعوا طقطقه جامده قوي من قدام لما يجي يلف بالعربيه انا كنت قايل لمهندس الاستقبال عليها من الاول المهم دخلوا العربيه تاني ورفعوها وفكوا لاعجل الامامي بجميع محتوياته فغلبني الفضول رحت سالت المهندس (الكلام ده كان الساعه واحده ونص ) ايه الاخبار قاللي بنشفلك حل للطقطقه اهوه وقالي اتفضل استريح ومتقلقش المهم نزلتله تاني علي الساعه 2 وقلتله هي كانت ايه النمشكله قاللي رمان البلي كان في مشكله واحنا بنغيره والعمليه دي صعبه شويه وبتاخد وقت معلش بس مقدرش اسيبك تخرج من هنا الا وانت مبسوط ومتسمعش الصوت ده تاني المهم علي الساعه 2 ونص كان كله كله خلص والطقطقه اختفت وطبعا للاسف مغسلتش لاني اخرتهم فعلا والوقت كان متأخر ودفعت كله تقريبه 152 جندي شامل الضريبه وسألت طقم الرمان بلي بكام قالولي لا ده كان عيب صناعه واحنا غيرناه برمان بلي اصلي برضه بتاع نيسان واحنا هنوضي بتاعك للمصنع علشان يدرسوا ايه المشكله وحاسبت ومشيت .
بصراحه انا شايف ان الناس هناك اخر احترام وذوق جدا وصيانه علي اعلي مستوي.
العيب الوحيد ان الطريق من بعد نادي وادي دجله لغايه مركز الصيانه مدغدغ خالص وفي شويه كلاب كانوا عايزين ينطوا يقعدوا جوه العربيه من حلاوتها هههههههه.
انشاء الله اشوفكوا في صيانه ال 5000 ولو حد عايز اي استفسار انا نفسي افيدكم زي ما المنتدي ده بجد فادني في كل حاجه من اول شرا العربيه لغايه المكان اللي اسقريت عليه في صيانتها
وشكرا وكل سنه وانتم طيبين

شكرا ليكم علي ردودكم الجميله انا فعلا من متابعي المنتدي باستمرار وكنت علطول بخش اعمل المقارنات منه قبل ما اشتري وفعلا بعد ما اشتريت دخلت علشان اعرف اكتر عن مواضيع الصيانه وايه هي احسن المراكز الموجوده واعمل ايه لما اروح بصراحه انت كلكم واعضاء المنتدي محترمين جدا وبجد ساعدتوني كتير جدا قبل وبعد شراء السياره وانشاء الله نستمر علطول واشكر الاستاذ احمد علي رده الجميل و رجل السلام علي رده الجميل