الموضوع: الراجل كان داخل يسرق شوف صاحب المحل اتصرف معاه ازاي.

المشاركة الأصلية كتبت بواسطة ahmed_su

زى الحاجات اللى بتحكى عن اكتشاف الجرائم وماشابه

بيعاد تمثيله سواء بالاطراف الحقيقية او بواسطة ممثلين

بس كل ده مش مهم انا شايف المضمون الحقيقى هو اللى اشار ليه الدكتور امير

كلام موزون ومنطقى يا احمد بيك.....لكن مين اللى قال ان الحرامى ده اسلم؟

المشاركة الأصلية كتبت بواسطة أشرف فتحى

من غير ما يتهيئلك ولا حاجه..انا فعلا مبتفرجش علىworld's most amazing video او most shocking


وفعلا مش عارف انت قصدك ايه لكن مش هفترض فى كلامك معانى مش متأكد منها...

المشهد متصور من 6 زوايا مختلفه ومعمول مونتاج لها بخلاف لقطتين مقابله مع محمد سهيل صاحب المحل ومنظر عام ليه ورا الكونتر..

يمكن المحل ده فيه 6 كاميرات ورا الكونتر بس..!!

ويمكن فعلا اتعمل مونتاج لل6 كاميرات على فرض انهم كلهم بيسجلوا فى وقت واحد !!!!

ويمكن فعلا الحرامى غبى جدا انه يدخل يسرق محل فيه كميه الكاميرات دى كلها بعصايه بيسبول على اعتبار انهم مركبين كاميرات امنيه ومش محتفظين بسلاح تحت الكاونتر مثلا...!!

وممكن الحرامى كان غلبان قوى لدرجه انه استنى صاحب المحل لما يطلع البندقيه وهوه متسمر مكانه من المفاجأه!!!

كل اللى فات ده ممكن...!!!!

لكن فى الدقيقتين دول......اتعرف على صاحب المحل.....وعرف انه مسلم.....وانه عمل كده عشان مسلم.......وان الاسلام هو اللى امره بكده......وان الاسلام فيه نظام تكافل اجتماعى....


صحيح...يمكن!!... سبحان الله!!!!!!!!!

اولا حضرتك مفيش كلام مخفى ولا حاجة لا سمح الله، واحنا مش جايين هنا نتخانق ونشد فى شعر بعض :)

بالنسبة للتصوير، فهما كميرتين بس، وفى اعداد الحلقة كانو بيعملوا زووم على الحتة اللى هما عوزنها، يعنى مش ست كميرات

وبالنسبة لانه الحرامى يخش يسرق وفيه كميرات بتصور (وساعات بيبقى فى جرس انذار واصل عند قسم الشرطة) فحضرتك تلاحظ انه كان مغطى وشه علشان محدش يعرف هو مين من التصوير، يعنى هو عارف ان في كميرات

واللى بيسرق فى الغالب بتبقى اعصابه مش ملكه، وبيبقى خايف من الهوا، دة ان مكنش قلبه ميت

وحكاية انه عارف انه مسلم من عدمه، فاليه حضرتك حاطط احتمال انه ميكنش عارف صاحب المحل وبيتردد عليه، وعارف ان صحبه مسلم؟؟؟؟؟

وعموما كل واحد وليه رأيه، بس ياريت منفهمش بعض غلط ونفترض معانى مش متاكدين منها

:)

تحياتى

وعموما دى قناة كندية، مش شرق اوسط :)

وادى حضرتك مقطع من حلقة فى برنامج world most amazing wideos
ومتصور من بكمرتين برضة :)
ولو تلاحظ، الاتنين مش مخبين وشهم
YouTube - Worlds Most Amazing Videos-Store Robbery

ودة واحد كمان، بس المرة دى بيسرق بموس تقريبا، ومتصور بتلات كميرات عند الكاشير بس :)
ومش مخبى وشه

YouTube - Violent Armed Robbery Caught on Tape

المشاركة الأصلية كتبت بواسطة 3ateef

هو ليه المضوع اتقلب زى خناقة وفى شد وجذب ؟؟؟؟؟؟؟؟؟؟

انا بالنسبة لى مفيش خناقة ولا شد ولا جذب

انا بس بحاول اوضح وجهة نظرى، وابين ان الفيديو مش متفبرك

بس الاستاذ اشرف فتحى يظهر خد الكلام من منظور مختلف وفهمه بطريقة شخصية على مايبدو

المشاركة الأصلية كتبت بواسطة Most_H

انا بالنسبة لى مفيش خناقة ولا شد ولا جذب

انا بس بحاول اوضح وجهة نظرى، وابين ان الفيديو مش متفبرك

بس الاستاذ اشرف فتحى يظهر خد الكلام من منظور مختلف وفهمه بطريقة شخصية على مايبدو

يافندم انا لا أخدت الكلام من منظور مختلف ولا فهمته بطريقه شخصيه.....

بالعكس انا بتقبل دايما الرأى والرأى الاخر....انا قولت رأيى ..وأحترمت رأيك....وحصل خير..

ألا قولتلى عربتك بتركنها فين عشان ابعت حد يفضيلك الكاوتش؟

والاستاذ محمد ابو الوليد..تقبل مرورى بموضوعك وارجو لو مداخلاتى ضايقتك تعمل تقرير بمشاركه سيئه للإداره وتطلب حذفها....

تحياتى للجميع وتمنياتى للجميع بالصحه والعافيه...