جماهير الزمالك ترفع أعلام الجزائر فى استاد المكس

**OlaOsman** · 12-04-2010 06:59 AM

المشاركة الأصلية كتبت بواسطة factorialx

أيوه ننسى ما إحنا شاطرييين و بننسا مجزرة بحر البقر المدرسه اللي ضربها اليهود و ذكراها مافيش من 3 ايام لو كنا مكان اليهود كانوا عملهوها مناحه ليومنا ده

بننسى لما 1033 مصري كاتوا في عرض البحر لا حد سأل فيهم و ماتوا كلهم و لا كإن دي كارثه قومية بجميع المقاييس و بعديها بكام يوم نفرح و نزقطت عشان إيه كسبنا كاس أمم افريقيا ... يا فرحتي

و بعديها عشان ماتش كورة 90 دقيقة طلعوا شوية بلطجية منهم علينا مع ملاحظة إننا موديين حبايبنا بتوع الفن و الفنانين و هما مودين بلطجية متوقع إيه اللي يحصل يعني !!

من الآخر عشان الناس بتوع أنا مش عربي أنا مصري و الكلام الكبير اللي إتقال بعد الماتش
إحنا إستثماراتنا عندهم بالملايين فعلى الأقل نحافظ عليها

و ياريت ما نقولش الشعب الجزائري عشان الكلمه دي كبيره و مش شوية البلطجيه دولا اللي هيمثلوا شعب عربي مسلم

الله ينور عليك

**Karim_Mohy** · 12-04-2010 07:16 AM

بعد اذن الاعضاء اللي بتقول ان جمهور الاهلي متغاظ ليه.........ما لو جمهور الاهلي عمل كده كان الزملكاوية عملوا اكتر من كده......

من غير الدخول في قصة مصري ومش عربي........احنا بنحترم الجزائر حتي لو فيها قلة محترمين مش عصبيين لانهم في الاخر مسلمين...............لكن تيجي في ماتش كورة ترفع علم بلدهم حتي لو نكاية في اي حد ..........هي دي النقطة

في الاخر مسلمين وهي الدولة العربية اللي في كاس العالم بس بصراحة محدش هايجيلو نفس يشجعها........كفاية اللاعيبة بتاعتها........والاستفزاز..... و و و و

يا ريت بس محدش يتعصب او يتنرفز سواء اهلاوي ولا زملكاوي............ده اللي يتفرج علي ماتش في الدوري الاوربي وييجي يشوف الكورة هنا ..........اكنة كان بيلعب بلاي ستيشن

**aliabutaleb** · 12-04-2010 02:16 PM

بصراحة صاحب الأفكار دي فعلاً دماغه متكلفة أوي

**Hossam_Hassan** · 12-04-2010 02:33 PM

خلاص يا شباب، مادام الاهلاوية زعلانين ان قلة من الزملكاوية رفعت علم الجزائر فى ماتش، يبقى نخلى قلة من الاهلاوية يرفعوا علم مصر فى الماتش الجاى و يبقوا خالصين و محدش يزعل و ينام مقهور، سؤال صغير من واحد مقاطع اللحمة، ياترى الكيلو وصل كام علشان امشى فى الشارع رافع علم عليه سمكة.

**human** · 12-04-2010 02:34 PM

المشاركة الأصلية كتبت بواسطة Hossam_Hassan

خلاص يا شباب، مادام الاهلاوية زعلانين ان قلة من الزملكاوية رفعت علم الجزائر فى ماتش، يبقى نخلى قلة من الاهلاوية يرفعوا علم مصر فى الماتش الجاى و يبقوا خالصين و محدش يزعل و ينام مقهور، سؤال صغير من واحد مقاطع اللحمة، ياترى الكيلو وصل كام علشان امشى فى الشارع رافع علم عليه سمكة.

يعنى ايه لحمه؟