الموضوع: جماهير الزمالك ترفع أعلام الجزائر فى استاد المكس

المشاركة الأصلية كتبت بواسطة olaosman

مش حكاية ياخوانا.. بالتأكيد اللي عملوه "بعض" جماهير الزمالك ده ما يصحش، إنما مش لازم نقعد نتكلم فيه كتير و الدنيا تشعلل و في الآخر نوغر صدورنا ضد بعض و الموضوع يتقفل زي إخواته.

يا استاذنا المهم متتكررش تاني لانها فعلا مستفزة لاقصي درجة

المشاركة الأصلية كتبت بواسطة factorialx

انا زملكاوي و معرفش الكلام حقيقي و لا لأ
بس أنا حاسس إنكوا فاكرين الجزائر إسرائيل إيه المشكله لما يرفعوا علم إخواننا الجزائريين ( بغض النظر عن ماتش كورة )
إنسوا بقى يا جماعه دا ماتش كورة

لا يا فاكتور
الجزائر مش اسرائيل ولا عمرها هاتبقي اسرائيل بالنسبة لنا
بس في نفس لاوقت مبقتش الدولة اللى كنا بنحبها الاول
وبعدين انا عايز اعرف مبرر لرفع علم الجزائر في ماتش كورة محلي
ومكانش ماتش كورة يا سيدي
اتشتمنا واتبهدلنا والعلم بتاعنا تفوا عليه وداسوا عليه بالعربيات
العلم حتة قماشة اه بس هو رمز للبلد وكل ما فيها
يعني لما الغوغاء الجزائريين داسوا علم بلدي وتفوا عليه يبقي داسوا علينا كلنا وتفوا علينا كلنا
وبعدين يا سيدي لما هما يبقوا ينسوا نبقي احنا ننسي ادخل مواقعهم شوف بيقولوا علينا ايه للنهاردة وبعد كدة قول ننسي

المشاركة الأصلية كتبت بواسطة hussein20777

انا زملكاوى جدا ولكن لا الجزائر اسرائيل ولا حاجه بس هم فعلا يطلقون علينا اسم مصرائيل
ويحرق علمنا لديهم واؤكد بكل صدق وامانه ان الشعب الجزائرى الغبى ( غبى القلب ) اصبح الان يكره كل ما يتعلق بمصر
ولذلك لا يصح ان يرفع علمهم بايدينا وهم يدنسون اعلامنا
العيب عيب ولكن اعيد ما ذكرته سابقا
من فعل ذلك قله متخلفه محتمل وجودها لدى اى فريق

الله ينور عليك

المشاركة الأصلية كتبت بواسطة human12

بلاش تكبير للامور - كام واحد حاسس بحرقه و نكايه فى اتحاد الكوره رفع العلم ده لو بجد حصل - ايه المشكله؟؟؟ ده عيب؟ حرام؟؟ مايصحش؟؟
ماشفتش حد بيعلق على اللى لابسين علم امريكا و ماشيين فى الشارع ولا اللى حطين اعلام دول عجيبه على عربيتهم ولا اللى فارحانين بالنمر الاجنبيه و حطين المصريه متداريه
حجه ايه؟
ماتش كوره و كان حلو و احسن فى الفرجه من السخام اللى كان بيتلعب بعديه
ماتش جميل و خسرناه كوره فى الملعب
عندك مشكله؟

اه يا سيدي عيب
لما ترفع علم الدولة اللى اهلها داسوا على علمك بالجزم وحرقوه وتفوا عليه يبقي عيب واي مبرر للتصرف ده مش مقبول بالمرة

المشاركة الأصلية كتبت بواسطة human12

الاهلى بيكسب بالكوسه و باللعب و بالتحكيم و المؤامره و كل حاجه و برضه بالكوره
ده بيزنس كبير يا درش
و بعدين فيها ايه لما خسرنا ماتش و كان كويس
احسن ما نكسب ماتش من بتوع المكسحين زى بتاع الاتحاد انهارده

طيب بذمتك لو كان الماتشات العكس يعني الزمالك هو اللى بيلاعب الاتحاد وكسبه والاهلى بيلاعب الحرس وخسر كان هايبقي ده كلامك
كنتم هتتكلموا عن الخطة والعبقرية بتاعة حسام حسن ومهارة اللاعبين وتتريأوا على الاهلى خليك واقعي
اقولك دليل بسيط
في ماتش الاهلى والمقاولين حسام البدري خرج عماد متعب في الدقيقة 87 ونزل فضل كل البهوات النقاد هاجموه وتغيير مالهوش اي لازمة وووووو
في ماتش الحرس حسام حسن في الدقيقة 89 خرج احمد جعفر ونزل اللاعب الافريقي مفيش واحد فتح بقه وقال نفس البقين
وتقولي الاعلام اهلاوي
يا راجل لو يطولوا يسحبوا الدوري من الاهلى ويدوه للزمالك كرامة لحسام حسن وجماهير الزمالك كانوا عملوا كدة

المشاركة الأصلية كتبت بواسطة ashturbo

عاوز أقول حاجة لكل واحد دخل وقال أنه مش عيب أننا نرفع علم الجزائر وشوفوا أسرائيل بتعمل أيه والكلام دة .... الزمالك والأسماعيلي ياسيدي الفاضل قبل كدة رفعوا أعلام النجم الساحلي لما كسب الأهلي ورفعوا أعلام نادي تاني أسمه باتشوكا كان كسب الأهلي في كأس العالم للأندية يعني نادي الزمالك بيرفع الأعلام دي نكاية في أبن بلده النادي الأهلي مش عشان بيحب الجزائر ولا حاجة ونفس المشكلة عند جمهور النادي المصري والأسماعيلي وعبارتهم الشهيرة ( لو الأهلي بيلاعب أسرائيل هنشجع أسرائيل ) الكلام دة غير مقبول على الأطلاق وياريت محدش يشجعه كلنا مصريين وكلنا ولاد بلد واحد مش من يومين كنا رافعين علم بلدنا ومشغلين أغاني وطنية وزعلانين من اللي عمله الشعب الجزائري بعد ما داس على علمنا وأهان تاريخنا وحاضرنا ونيجي نقول مش عيب نرفع علمهم يا أخي عيب عليك أنت دول تبولوا على علمك وداسوا عليه بأحذيتهم تقولي مش عيب ؟

والله العينة اللى انت بتقول عليها دي عينة متخلفة
انا عن نفسي اهلاوي جدا
بس
يوم ما الزمالك ولا الاسماعيلي ولا اي فريق مصري بيلاعب اي فريق غير مصري لازم اشجع الفريق المصري

المشاركة الأصلية كتبت بواسطة hossam_hassan

خلاص يا شباب، مادام الاهلاوية زعلانين ان قلة من الزملكاوية رفعت علم الجزائر فى ماتش، يبقى نخلى قلة من الاهلاوية يرفعوا علم مصر فى الماتش الجاى و يبقوا خالصين و محدش يزعل و ينام مقهور، سؤال صغير من واحد مقاطع اللحمة، ياترى الكيلو وصل كام علشان امشى فى الشارع رافع علم عليه سمكة.

طب بذمتك دي طريقة تفكير وصلت انك بتشبه العلم المصري بالعلم الجزائري بالنسبة لنا

المشاركة الأصلية كتبت بواسطة ghazy12

أولا: أنا سالت في بداية مشاركتي لأني ماشوفتش بعيني و قلت... ( الكلام ده حصل بجد..؟؟؟)
و بعدها كتبت بالنص... (هو بعض "و تحتيها خط" جماهير الزمالك وصلوا للمرحله دي؟؟)

ثانيا: مع كامل احترامي لشخص سعادتك, لكن انت لو عرفت تنسى, فسعاتك حر تماما
لكن بلاش تتخيل ان اللي مش قادر ينسى ده واحد فاضي مثلا...!!!

و مافيش حد قال اننا مش عايزين نـولع في اسرائيل بجاز, و بلاش نزايد على وطنية بعض
و بلاش نخلط الأوراق و الأمور, لأن ( المفروض ) ان القصه كلها واضحه تماما

الجزائر حاجه, و اسرائيل حاجه تانيه خااالص... و في حالتين انا مش هنسى...
------------------------------------------------------

بلاش لو سمحتوا نغمة (ده ماتش كوره), لأنها ماكانتش كوره اصلا بكل المقاييس
يوم الجزائر, لأني انا واحد من الناس مش فارق معايا (ماتش الكوره), لو كان كده..!!

قصة الجزائر خلصت, و اللي عرف ينسى ربنا يباركله, و اللي ماعرفش ما اجرمش
و ربنا يباركله بردو.... لأن اللي نسي مش احسن منه في أي شئ...!!!!!!

و بالنسبه للزمالك, فأنا أهلاوي و بالنسبه ليا والله ما عندي مشكله ان الزمالك يكسب
عااادي جدا, بالعكس, دي فايده علشان الأهلي بيخرف شويه الفتره اللي فاتت, لازم
يحس ان فيه منافسه من ند قوي زي الزمالك او الاسماعيلي او بتروجت.......
علشان يتظبط شويه و الأداء يتحسن... يعني ببساطه العبد لله اهلاوي مش منفسن,
لكن غيور على فرقتي و عايزها تكسب,و تاخد الدوري او الكأس, او غيره.....
زي الزملكاوي ما عايز فرقته تبقى احسن و تكسب دوري و كأس و غيره... صح؟

الزمالك ليه مصايب, و الأهلي بردو ليه مصايب, و كل فرقه ليها مصايب...
يبقى بلاش نتصيد لبعض, علشان مش هنخلص أبداااااااا و خلينا حبايب احسن

تحياتي للجميع.....

والله كلامك كله عين العقل ومحدش يقدر يغلطك في اي كلمة بس
مصايب الاهلى والحمد لله اقل بكتير

الشروخ نشرت الخبر بعد ما مراسل مودرن سبورت قاله ومدحت شلبي قاله واليوم السابع نشرته
يعني عملتها اقلية زملكاوية وبكرر اقلية غبية واستفادوا منها بتوع الشروخ علشان بيوظوا سمعتنا ويسخنوا علينا الجمهور الجزائري اكتر ما هو سخن