كلام مش صح
في نظام توجيه ثالث اسمه Electro-hydraulic systems
هجين بين الهيدروليكي والكهربائي
راجع مشاركتي
http://www.nilemotors.net/Nile/3872578558-post22.html
عرض للطباعة
كلام مش صح
في نظام توجيه ثالث اسمه Electro-hydraulic systems
هجين بين الهيدروليكي والكهربائي
راجع مشاركتي
http://www.nilemotors.net/Nile/3872578558-post22.html
شوف يا أخى الفاضل
أنظمة التوجيه نوعان
1- نظام تقليدى قديم بدون مؤازر أو مساعد لعمليات التوجيه power steerng
ودى الأسكترا العاديه ( جريده مسننه وجايلها بنيون من نهاية عمود الدركسيون )
لتحويل الحركه الدورانيه للبنيون الى حركه خطيه مطلوبه لزق العجل الأمامى وبتنقل من خلال مجموعة الأتياش وبارات الأطراف وبيض الدركسيون لشمعدانات العجل الأمامى
للحصول على التوجيه المرغوب من قبل سائق السياره بناء على رغيته المبنيه طبقا لظروف الطريق ومنحنياته
2- نظام حديث يحتوى على مؤازر لعمليات التوجيه
لنخفيف الجهد المبذول من قبل قائد السياره فى تحريك طارة الدركسيون
فكرته من أجل التشبيه فقط زى دور السيرفو فى دورة الفرامل
بدل السواق ما أيديه تتعبه فى أعمال العتاله بتاعة زمان فى تحويد السياره
قاموا أخترعوا أنظمة التوجيه المحتويه على مؤازر توجيه
زى ماتكون جايب واحد معاك على كرسى السواق يساعدك شويه فى أعمال العتاله بتاعة الأنظمه القديمه rack & pinion assymbly
ودول نوعين فقط فعلا
1- نوع كهربى ...............وليه نظام واحد فقط
2- نوع هيدروليكى ...........وليه نظامين
أما تشغل طلمبة الباور بواسطة محرك السياره ( النظام الشائع )
أو تشغل الطلمبه بواسطة موتور كهربى 12 فولت ( وملناش دعوه بالمكنه )
وبالطبع فا النظام الأخير أفضل للحفاظ على كل خرج المكنه والأستفاده منه
علشان منخدش حاجه من المكنه لتشغيل طلمبة باور
من هنا جاء اللبس فى قولك أنه هناك نوع ثالث electro - hydraulic power steering
أتنمى أن تكون الأمور أتضحت الأن .........................
أما موضوع هاف باور
فهى أفتكاسه فعلا من الأفتكاسات المعروفه لدى الصنايعيه
طيب ما هو ده اللي انا قلته
بصرف النظر عن تقسيم المصطلحات سواء ثلاثة انظمة او اثنين في ثلاثة
يعني في الاخر في نظام كهربائي ونظام هيدروليكي ونظام كهربائي هيدروليكي
وانا مقلتش ان فيه حاجة اسمها هاف بور
انا قلت ممكن البعض يطلقه على النظام الهيدروليكي الكهربائي
لان اللي قال هاف بور اكيد استند لحاجة ومفيش دخان من غير نار
فاضل نلقط واحد ميكانيكي يقول هاف باور ونسأله انت بتقصد اي نظام توجيه؟
وياريت تشرفني برأيك هنا يا باشا مع ملاحظة ان الموضوع يتكلم عن الانظمة اللي فيها باور
http://www.nilemotors.net/Nile/3872584260-post30.html
ليه لااقتباس:
انا قلت ممكن البعض يطلقه على النظام الهيدروليكي الكهربائي
لان اللي قال هاف بور اكيد استند لحاجة ومفيش دخان من غير نار
يمكن يكون ده مقصودهم فعلا
على أساس أعتقادهم أن الباور الهيدروليكى هو ده الباور
الطلمبه بتاخد من المكنه
ولما خلينا الطلمبه بتدار بموتور كهربى سموا النظام ده هاف باور
ومش بعيد فعلا على الصنايعيه
يألفوا أى حاجه يقدروا يتعاملوا بيها على حسب رؤيتهم وتشبيهاتهم
ماهم عاملين قاموس مصطلحات خاص بيهم فعلا متداول بينهم
وأتعلمناه منهم ...........علشان نقدر نجاريهم
تمام يا باشا
طب ما هو اسم الكبالن من اختراع الميكانيكية ليه ناخد بيه ولما يخترعوا الهاف باور نقول دي افتكاسة الصنايعية ؟!! طيب ما الكبالن افتكاسة الصنايعية برضو
اكيد هما يقصدوا حاجة بالهاف باور
ومننساش ان هما اللي اخترعو مسميات تانية زي التيش والاسكاترا وغيرها
واصبح متعارف عليه
ومش معنى ان مفيش حاجه علميا اسمها كبالن نيجي نقول مفيش كبالن
قاموس الميكانيكية المصريين اللي فيه كتير منهم مهندسين لازم يحترم برضو طالما يؤدي الغرض :E_braces[1]:
والهاف باور بالذات واضح من اسمه ان اللي اخترعو واحد متعلم
كل ده كلام غلط
يعني مفيش معلومة صح فلتت
حتى الصورة الاولي مش صورة اسكاترا ؟؟:O_stupid[1]:
والصورة التانية مش صورة Worm recirculating ball ؟؟؟:I_angr1[1]:
شئ غريب
لا احد يظن انه يحتكر العلم
انا هقتبس كلام من افضل خبراء المنتدي اللي يؤكد ان كلامي صح نبدأ بالاستاذ سبعاوي
الموضوع كاملا
http://www.nilemotors.net/Nile/69-4.html
ومع الباشمهندس سمير عياد
في رده على اخ ذكر الفرق بين الاسكاترا وعلبة الدريكسيون قال
في هذا الموضوعاقتباس:
الإسكاترا-علبة الدركسيون
http://www.nilemotors.net/Nile/143111-a.html
يا ترى هتقول على كلامهم انه كل ده غلط ؟:lurk5:
كلامك تمام ياباشا ....مادام الميكانيكيه بأو مهندسين وفيهم مهندسيناقتباس:
قاموس الميكانيكية المصريين اللي فيه كتير منهم مهندسين لازم يحترم برضو طالما يؤدي الغرض :e_braces[1]:
دا كفايه علينا
الباشمهندس : بليه
عمهم كلهم .....
فى دى عندك حق الصراحهاقتباس:
والهاف باور بالذات واضح من اسمه ان اللي اخترعو واحد متعلم
هو كان بليه حيعرف كلمة هاف منين الا أذاكان متعلم وعرف أن كلمة هاف .....يعنى نص
وكده يبقى قصده هاف باور ..........أو نص باور
ماهو فيه قمصان برضه
بكم .......وبنص كم
ياعم أنا لاخبير ولا حاجهاقتباس:
انا هقتبس كلام من افضل خبراء المنتدي اللي يؤكد ان كلامي صح
دا أنا ماشى بالعافيه
ونظام اللى يحب النبى يزق
والله يخليك
أقرأ ورد على اللى يحاورك
وبلاش تلخبط غطيان الحلل
كل واحد يعبر عن نفسه بطريقته
لحسن كده أنت بتحرجنا مع بعض ( أنا ومحمد وخالد )
هو أنت متخيل أننا ملائكه ومبنغلطش
عادى ....أحنا زينا زى الزملاء بالمنتدى
مممكن الواحد فينا يقول كلمه أو تشبيه ويحصل تجاوز بعض الشىء
بغض النظر عن الموضوع الحالى
وعلشان تعرف وضعنا وشغلنا بصوره صح
العبد لله والأخ / خالد سبعاوى ............مهندسين ميكانيكا باور
والأخ / محمد ممدوح ...................راجل محاسب
بس بيفكر أحسن من مهندسين كتير
دخلوا وخرجوا من كليات الهندسه ولا عندهم فكره عن البطيخ
فألف سلام وتحيه .....لحبيبى الغالى ( أبا يوسف )
وأعجابى الشديد بشخصه الكريم ونهمه الهندسى
_________________________
وبأى حال من الحال
الهندسه ....مش شهاده فقط
الهندسه .....فن وتعامل مع الواقع العملى من خلال منظور هندسى
وحل المشاكل الفنيه على هذا الشكل
المهم علشان مطولش عليك
لا تستشهد بزميل أمام زميل
درأ لحيل الشيطان
وأيقاعه البغضاء بين هؤلاء الزملاء
لأننا مش ملائكه كما بينت لك آنفا
وهات حجتك .....من منطقك ...ومن منطق المراجع والكتالوجات
العلميه
عن نفسى .....لست كتالوجا لكى أتخذ .....ك referance
أو بمعنى آخر
هات وخد مع السمكه اللى يشبك فيها سنارة حدافك
وسيب السمك التانى الغلبان فى حاله