يعنى ايه هاف باور

**MMamdouh** · 13-04-2010 01:37 PM

مفيش حاجة اسمها هاف باور... هو ينفع تبقى لابس نص قميص او بتشتغل نص مهندس او ساكن فى نص عمارة؟

الباور نظام متكامل مكون من طلمبة و خزان و خراطيم و مكبس هيدروليكى... لما يبقى النظام دة نصة فقط اللى راكب حتلاقى عندك خزان و طلمبة بس؟؟؟ ولا المكبس الهيدروليكى بالخراطيم مع نفسهم؟؟؟

حتى لو الكلام دة مكتوب فى كتالوج العربية فهو غلط... دة نظام متكامل مينفعش يبقى "نصة" فقط اللى موجود

MMamdouh

**ابوهاشم** · 17-04-2010 12:04 AM

الفرق ان طارة العربيات الشاهين اللى ركبتها كانت تقيله
بعكس الدوجان خفيفه وثلثه
انا مش خبير فى العفشه لكن دى تجربتى فى القياده

**bmya** · 19-04-2010 05:47 AM

ياباشا عادي جدا
حضرتك اكيد العربيتين مستعملين (الشاهين والدوجان) صح كده ؟

لو صح
يبقى دي حاله عربيه
يعني انا كان معايا لانسر 1999 الابور بتاعها كان قبل ما بعها كان تقل فجأه وهي باور طبعا
وجوز اختي كان معاه لانسر 1998 برده باور وكان الباور بتاعه اخف من بتاعي
يعني الخلاصه ان ممكن جدا العربيه الشاهين اللي حضرتك جربتها كانت مش مظبوطه او دركسيون والعفشه بتوعها مش مظبوطين
وحضرتك عربيتك الدوجان مظبوطه مثلا او حالتها نضيفه عنها فحسيت انها اخف وانعم من الشاهين
والله أعلم برده ده تخميني انا
لكن انا برده معرفش حاجه اسمها هاف باور

**د.محمود صلاح** · 20-04-2010 05:59 PM

هاف بور سمعتها من الناس على العربيات اللي الحوض بتاعها بيكون خفيف على الدركسيون

ولكنهي كلمة خاطئة 100 % ولا تدل على معنى الا فهلوة المصريين

طيب خد عندك في الطب مثلاً ,,, تقول لواحد مالك ؟ يقول لك عندي شوية كسل في الكبد !! ولا توجد أصلا في الطب حاجة اسمها كسل في الكبد ؟؟!!