الموضوع: يعنى ايه هاف باور

المشاركة الأصلية كتبت بواسطة samirayad

شوف يا أخى الفاضل

أنظمة التوجيه نوعان

1- نظام تقليدى قديم بدون مؤازر أو مساعد لعمليات التوجيه power steerng

ودى الأسكترا العاديه ( جريده مسننه وجايلها بنيون من نهاية عمود الدركسيون )
لتحويل الحركه الدورانيه للبنيون الى حركه خطيه مطلوبه لزق العجل الأمامى وبتنقل من خلال مجموعة الأتياش وبارات الأطراف وبيض الدركسيون لشمعدانات العجل الأمامى
للحصول على التوجيه المرغوب من قبل سائق السياره بناء على رغيته المبنيه طبقا لظروف الطريق ومنحنياته

2- نظام حديث يحتوى على مؤازر لعمليات التوجيه
لنخفيف الجهد المبذول من قبل قائد السياره فى تحريك طارة الدركسيون

فكرته من أجل التشبيه فقط زى دور السيرفو فى دورة الفرامل

بدل السواق ما أيديه تتعبه فى أعمال العتاله بتاعة زمان فى تحويد السياره
قاموا أخترعوا أنظمة التوجيه المحتويه على مؤازر توجيه

زى ماتكون جايب واحد معاك على كرسى السواق يساعدك شويه فى أعمال العتاله بتاعة الأنظمه القديمه rack & pinion assymbly

ودول نوعين فقط فعلا

1- نوع كهربى ...............وليه نظام واحد فقط

2- نوع هيدروليكى ...........وليه نظامين

أما تشغل طلمبة الباور بواسطة محرك السياره ( النظام الشائع )

أو تشغل الطلمبه بواسطة موتور كهربى 12 فولت ( وملناش دعوه بالمكنه )
وبالطبع فا النظام الأخير أفضل للحفاظ على كل خرج المكنه والأستفاده منه

علشان منخدش حاجه من المكنه لتشغيل طلمبة باور

من هنا جاء اللبس فى قولك أنه هناك نوع ثالث electro - hydraulic power steering


أتنمى أن تكون الأمور أتضحت الأن .........................

أما موضوع هاف باور

فهى أفتكاسه فعلا من الأفتكاسات المعروفه لدى الصنايعيه

طيب ما هو ده اللي انا قلته
بصرف النظر عن تقسيم المصطلحات سواء ثلاثة انظمة او اثنين في ثلاثة
يعني في الاخر في نظام كهربائي ونظام هيدروليكي ونظام كهربائي هيدروليكي
وانا مقلتش ان فيه حاجة اسمها هاف بور
انا قلت ممكن البعض يطلقه على النظام الهيدروليكي الكهربائي
لان اللي قال هاف بور اكيد استند لحاجة ومفيش دخان من غير نار
فاضل نلقط واحد ميكانيكي يقول هاف باور ونسأله انت بتقصد اي نظام توجيه؟

وياريت تشرفني برأيك هنا يا باشا مع ملاحظة ان الموضوع يتكلم عن الانظمة اللي فيها باور
http://www.nilemotors.net/Nile/3872584260-post30.html

تمام يا باشا
طب ما هو اسم الكبالن من اختراع الميكانيكية ليه ناخد بيه ولما يخترعوا الهاف باور نقول دي افتكاسة الصنايعية ؟!! طيب ما الكبالن افتكاسة الصنايعية برضو
اكيد هما يقصدوا حاجة بالهاف باور
ومننساش ان هما اللي اخترعو مسميات تانية زي التيش والاسكاترا وغيرها
واصبح متعارف عليه
ومش معنى ان مفيش حاجه علميا اسمها كبالن نيجي نقول مفيش كبالن
قاموس الميكانيكية المصريين اللي فيه كتير منهم مهندسين لازم يحترم برضو طالما يؤدي الغرض

والهاف باور بالذات واضح من اسمه ان اللي اخترعو واحد متعلم

المشاركة الأصلية كتبت بواسطة mohamed_mohsen

الهاف باور...هجص ابتدعه المصريون في سوق السيارات

+1

المشاركة الأصلية كتبت بواسطة MMamdouh

كل دة كلام غلط

MMamdouh

كل ده كلام غلط
يعني مفيش معلومة صح فلتت
حتى الصورة الاولي مش صورة اسكاترا ؟؟
والصورة التانية مش صورة Worm recirculating ball ؟؟؟
شئ غريب
لا احد يظن انه يحتكر العلم

انا هقتبس كلام من افضل خبراء المنتدي اللي يؤكد ان كلامي صح نبدأ بالاستاذ سبعاوي

المشاركة الأصلية كتبت بواسطة sab3aawy

يوجد نوعين شهيرين من علبة الديركسيون، النوع المسمى الجريدة والبنيون rack and penion وهى التى نعرفها باسم "سكاترا" ونوع اخر يسمى الدودة warm او recyclable balls ، والنوع الأول شائع جدا فى كل سياراتنا اما النوع الثانى فهو اقدم ، وإن كان يستخدم فى المركبات الثقيلة مثل بعض سيارات ال4×4 والنقل (موجود ايضا فى بعض الموديلات القديمة من سيارات الملاكى مثل اللادا وال123 والبولينيز وال125 )
.....
.....
سبعاوى

الموضوع كاملا
http://www.nilemotors.net/Nile/69-4.html

ومع الباشمهندس سمير عياد
في رده على اخ ذكر الفرق بين الاسكاترا وعلبة الدريكسيون قال

الإسكاترا-علبة الدركسيون

المشاركة الأصلية كتبت بواسطة samirayad

نفس المسمى والمعنى

في هذا الموضوع
http://www.nilemotors.net/Nile/143111-a.html

يا ترى هتقول على كلامهم انه كل ده غلط ؟