حكة جامدة معكسر الدركسيون لليسار

**bakkarahmed** · 12-04-2010 10:00 AM

لاحظت امبارح وانا باخد ملف جامد علي سرعة صوت حكة عالي اوي جاي من بطن العربية ومسمع تحت رجلي ...الصوت بيظهر لما باكسر جامد ناحية الشمال وبتكون العربية واخدة غيار وبيقل لما بامور ؟؟؟عايز اعرف رأيكم قبل ما اروح للميكانيكي؟؟؟؟

**محمد الشامي** · 12-04-2010 10:07 AM

المشاركة الأصلية كتبت بواسطة bakkarahmed

لاحظت امبارح وانا باخد ملف جامد علي سرعة صوت حكة عالي اوي جاي من بطن العربية ومسمع تحت رجلي ...الصوت بيظهر لما باكسر جامد ناحية الشمال وبتكون العربية واخدة غيار وبيقل لما بامور ؟؟؟عايز اعرف رأيكم قبل ما اروح للميكانيكي؟؟؟؟

احتمال يكون الفبره البلاستيك اللي فوق العجل مريحه شويه او مفكوكه من مكانها وبتبان معاك في الملفات الشمال , ويمكن لو انت عندك جنط اسبور مع كاوتش مقاسه مش صح يعمل نفس الموضوع

بس صوت الحكه دي ايه ؟ يعني كاوتش في حديد ! ولا حديد في حديد ! ولا كاوتش في بلاستيك ؟؟؟؟؟ اكيد هتقدر تمييز الصوت شكله ايه

**bakkarahmed** · 12-04-2010 10:15 AM

الف شكر علي الاهتمام يا محمد باشا
انا الفيبره دي متثبتة كويس& الجنوط r13/175/70&والطوت زي ما يكون حاجة قافشة وبتحك مع الطنابير بس مش جاية من الطنابير وجاية من بطن العربية وصوتها جامد مع احساسي انها حديد بيحك ؟؟؟

**محمد الشامي** · 12-04-2010 10:22 AM

المشاركة الأصلية كتبت بواسطة bakkarahmed

الف شكر علي الاهتمام يا محمد باشا
انا الفيبره دي متثبتة كويس& الجنوط r13/175/70&والطوت زي ما يكون حاجة قافشة وبتحك مع الطنابير بس مش جاية من الطنابير وجاية من بطن العربية وصوتها جامد مع احساسي انها حديد بيحك ؟؟؟

انا بصراحه مش عايز افتى و اقولك احتمالات عالفاضي

بس الأفضل انك تحدد الصوت جاي من اي اتجاه بالظبط , وتروح لميكانيكي يفكلك العجل وتخليه يبص على التيل والطنابير والمنطقه دي كلها , ربما يكون في حاجه مفكوكه وهي اللي بتعمل القلق ده , وبالمره تخليه يربطلك العفشه ويروقلك العربيه شويه

وبعدين يا اخي لا شكر على واجب خاصه بين الاخوات

وكمان استنى طبعا رأي باقي الاعضاء الكرام

**bakkarahmed** · 12-04-2010 06:17 PM

انا رحت للميكانيكي النهاردة ونزل جرب معايا العربية...سمع الصوت فقالي دي بلية وحشة ودي في الجنب اليمين وفعلا الصوت جاي من الجانب الايمن.. بعدين رفع العربية علي الكوريك وخلاني مدي الاول وكاسر الدركسيون وقالي البلية حرشة (بس الصوت اللي قصدي علية معايا مظهرش ساعتها)..وبعد تركيب البلية جربت العربية والصوت لسة زي ما هوا.....فرحتلة تاني قاي كل حاجة سليمة وانا بارجح انك تكشف علي العفشة& لما سألتة دة ممكن يكون الكوبلن من ناحية الموتور قالي لا ..اكشف عفشة العربية ك ميكانيكا سليمة
رحت عند بتاع العفشة وجرب العربية معايا وقالي لما بكسر شمال علي سرعة تحس ان الموتور بيترمي سنة يمين وبيخلي اي حاجة تحك وانا اعتقد انها ممكن تكون قاعدة موتور ..لما نرجع الورشة نشوفها...رجعنا تاني وبص عليها قالي القواعد سليمة والموتور ماسك نفسة والمسافة بين الكاوتش و الكارتيرة لا يسمح باي احتكاك....
انا دلوقتي مش عارف اعمل اية الفرامل والبلي والكبالن والعفشة والكاوتش كلة سليم والصوت زي ما بيكون محور الحركة اللي بيوصل الحركة من الموتور للكاوتش بيحك جامد لما باكسر شمال كسرة عنيفة...دة ممكن اية انا غلبت

**محمد الشامي** · 12-04-2010 06:27 PM

المشاركة الأصلية كتبت بواسطة bakkarahmed

انا رحت للميكانيكي النهاردة ونزل جرب معايا العربية...سمع الصوت فقالي دي بلية وحشة ودي في الجنب اليمين وفعلا الصوت جاي من الجانب الايمن.. بعدين رفع العربية علي الكوريك وخلاني مدي الاول وكاسر الدركسيون وقالي البلية حرشة (بس الصوت اللي قصدي علية معايا مظهرش ساعتها)..وبعد تركيب البلية جربت العربية والصوت لسة زي ما هوا.....فرحتلة تاني قاي كل حاجة سليمة وانا بارجح انك تكشف علي العفشة& لما سألتة دة ممكن يكون الكوبلن من ناحية الموتور قالي لا ..اكشف عفشة العربية ك ميكانيكا سليمة

انا حاسس ان الميكانيكي ده مش اد كده , لان صوت البلي مختلف تماماً عن وصفك للصوت في بدايه الموضوع !!!! وبعدين هو ركبلك بليه واحده ؟؟ وركبها نوعها ايه ؟؟؟

استهدا بالله بس وان شاء الله من مناقشات الاعضاء معاك سبب المشكله هيبان

**bakkarahmed** · 12-04-2010 06:31 PM

هو غير البلية اللي في الجنب لبيمين اللي بيطلع الصوت ..البلية ماركتها تقريبا nsk دة اللي فاكرة وكانت ب 70 جنية بس المشكلة مش في البلي...

**محمد الشامي** · 12-04-2010 06:35 PM

المشاركة الأصلية كتبت بواسطة bakkarahmed

هو غير البلية اللي في الجنب لبيمين اللي بيطلع الصوت ..البلية ماركتها تقريبا nsk دة اللي فاكرة وكانت ب 70 جنية بس المشكلة مش في البلي...

كويس الـ nsk ده لانه ياباني ,بس كان المفروض يغير الاتنين مع بعض عالاقل عشان يبقه عمرهم الافتراضي ماشي في خط متوازي

عالعموم بالنسبه للمشكله الرئيسيه بإذن الله هتتحل , بس انتظر رأي الأعضاء الاكثر مني خبره وعلماً خاصه الباشمهندس سمير عياد والأستاذ محمد ممدوح , وهما هيجيبولك الخلاصه