للأسف العربيه ده فعلا كانت هتبقي اسطوره
والله لوكانت مع غبور كان عمل بيها مبيعات خياليه
مش ممكن الثبات بتاعها خارق
كنت واقف قدامها وهخلص بس الحمد لله
اللي اتلسع من السيراتو ينفخ في الكروز
ربنا معاك
عرض للطباعة
للأسف العربيه ده فعلا كانت هتبقي اسطوره
والله لوكانت مع غبور كان عمل بيها مبيعات خياليه
مش ممكن الثبات بتاعها خارق
كنت واقف قدامها وهخلص بس الحمد لله
اللي اتلسع من السيراتو ينفخ في الكروز
ربنا معاك
بصراحة مش عارف اقولك اية غير ربنا معاك و يعينك على ما ابتلاك انا كنت ناوى اجيب العربية دى لكن الحمد الله ان دة محصلش
المهم انا اعتقد ان منصور يغيرك العربية دة شيء صعب و لكن انا مع الاخوة اللى قالوا ان العيب فى الدبرياش و مش حيتصلح لان واضح ان العيب دة فى العربيات المانيوال بس لانة لو دة حصل فى عربية اتوماتيك صندوق التروس حيكسر علشان كدة انا شايف ان انت لازم تتحرك فى اتجاهين القضية و جهاز حماية المستهلك و فى نفس الوقت تحاول انك تهدد التوكيل بالاجرائات اللى انت واخدها دى و تطلب منهم انهم يبدلولك العربية بواحدة تانية اتوماتيك و تدفع الفرق
مشكور أخى الكريم لردك و مشاركتك
بس أنا مش صابر زى ما حضرتك قلت
أنا كل اللى بحكية دة من أول لما أشتريت لغاية دلوقتى يعنى يا دوب شهرين
دة غير أن أكيد حضرتك عااارف أد أية التوكيل العربية بتدخل بتنام عندة
و لو تقدر تساعدنى أنى أوصل لحد فى كوريا أو جينرال موتر فى أمريكا تبقى بجد ساعدتنى
مشكور أخى الكريم لمشاركتك
و بالفعل أنا كلمت أستاذ هيثم و قاللى على موضوع حماية المستهلك
بس هو قالى أنة فعلا لازم يكون معايا 3 أوامر أصلاح
و دة مش بيحصل فى أسكندرية زى منا ذكرت قبل
مشكور أخى الفاضل لنصيحتك
بس أنا عارف أن العيب مش هيتصلح و متأكد من كدة
يا جماعة العيب لية سكة غير اللى هم ماشيين فيها
هم مفكرين أن العيب من سكة الوقود و كدة زى ما صرحت كوريا
و لكن الكهرباء بتقطع على العربية
و بتخلى الموتور يفصل
و دة معناة أنة يا أما حمل زيادة على الكمبيوتر بتاع السيارة
أو الكمبيوتر نفسة فى مشكلة
مشكور لمشاركتك أخى الفاضل
ثم أن هنا و هناك واحد
أسأل أستاذ هيثم
بس الميزة فى الصحراوى القاهرة أمر الشغل
و بعدين يا سيدى الفاضل أقدم مهندس عندهم فى التوكيل خريج 2008
و بالكتير أوى 2004
هى فعلا كدة
تسلم أخى الفاضل لمشاركتك
بس فعلا عن تجربة الكروز وهم فى القيادة خرافة
بس للأسف المشكلة دة فعلا عايزة حل
و أنا بيتهيقلى ممكن يكون شبة حل مؤقت للمشكلة دى
مشكور أخى الفاضل على مشاركتك
و نصيحتك
بس منصور لا أعتقد أنة يغير عربية نهائيا
و على العموم أدينى بحاول
يا جماعة أحب أن أنبة كل من هو مهتم بالموضوع
أولا الحوار دة مش بيحصل غير فى المانيوال و بس
و فى السيارات غالبا اللى نزلت 5 غيار
و يا جماعة المشكلة زى منا قلت ليس لها أدنى علاقة بالموتور أو بسكة البنزين
المشكلة أنا أبتديت ألاحظها لما بلاقى التليفون بتاعى اللى واصل على ولاعة العربية
و فى نفس الوقت بيوصل للكاست عن طريق ال AUX بيفصل أنة يذيع مثلا الأغانى ساعت لما العربية بتبطل
زى ما تكو مثلا أنت مشغل الكاست و تدور السيارة فيسكت الكاسيت و يرجع يشتغل
فلما العربية بتبطل معايا مش بيذيع أى حاجة يعنى المشكلة فى أن حاجة بتقول للعربية بالكامل أفصلى
لأن لو من الموتر زى ما أي عربية تانية بتيجى تبطل تلاقى فى رعشة صغيرة و بعدين تفصل
لكن دى لأ دى كأنك بتدوس على زر يعمل العربيه على الصامت و طبعا تكون فصلت
و الأهم أن أى حد بيعانى من المشكلة دى
لازم يجرى بالعربية و مش يحمل عليها بالراحة خصوصا على الغيار الأول و التانى
من ناحية الدبرياج
أنا لما بجرى بالعربية على أي غيار فيها مش بتعمل كدة خالص
مش بتعمل كدة غير بالراحة لما تكون ماشى
أو أنك تدوس دبرياج و أنت بتهدى العربية أو تبقى حتى عامل الفتيس على وضع مووور
بمعنى
لو مش عايز الكلام دة يحصل و عن تجربة
خليك ماشى على الغيار بس
مش معاة دبرياج
و لو هتبدأ تهدى بالعربية
أبتدى أهدى بالفرامل و فى نفس الوقت سقط الغيارات
من الأخر خلى دايمة محرك السيارة متصل بحركة الكاوتش على الأرض
علشان العربية مش تبطل
و لو أضريت تمسك فرامل خطر بمعنى مرة واحدة عادى ساعتها مش هتفرق لو بطلت
لأن أى عربية حتى مش هتلف لو صرخت الفرامل على الأرض
و لو مضطر تمشى بالراحة
خليك على الغيار الأول
بالكتير التانى
و حاول مش يبقى معاك دبرياج على قدر المستطاع
و خلى بالك لو هتبدى تلف العربية مثلا فى ملف
و الأحسن أنك تهدى العربية قبل الملف
و فى الملف تقرص عليها فى الغيار بمعنى مش تيجى تلف و تخلى الـ rpm بتاع العربية قليل
خلية ديما فوق الـ 1500 لفة و طبعة متصل على العجل
مش مفصول
علشان مش يبقى فى فرصة للعربية أنها تبطل
ودة للأسف حل مؤقت لغاية لما الواحد يشوف أخرتها أية مع التوكيل و مع المصنع الرسمى للسيارة
حضرتك مش راكب 128 انتا راكب عربية موديل 2010 لازم تروح التوكيل وتعمل هناك مشكلة كبيرة جدا وتاخد حقق دة تهريج منهم قوى العربية لسة جديدة لو قديمة كنت قولتلك ماشى انما لسة جديدة روح التوكيل وشوف ولو تعرف تنزل القاهرة برضو متسكتشى على الموضوع دة وربنا معاك وياريت تبلغنا بأى تطورات فى الموضوع
ربما تكون مشكلة سنسور
حساس الكرنك تطفى الموتور فى السرعات العالية
حساس سير التيمن تطفى الموتور فى السرعات البطيئة
مشكور أخى الفاضل على مشاركتك و تفاعلك
بس هى مش حكاية عربية جديدة أو قديمة أنا بتكلم على حل مؤقت وصلت لية و فعلا العربية مش بتبطل لو ماشى بالنظام اللى أنا قلتة لغاية ما الموضوع يتحل
و الجديد أنى أخدت ميعاد يوم الثلاثاء القادم إن شاء الله
هتقابل مع كبير المهندسين و مدير الفرع بتاع منصور العامرية أسكندرية
و هيكون موجود الناس بتاعت جينرال موتور مصر علشان نشوف حل فى الموضوع إن شاء الله
و لو فى جديد أكيد هيكون المنتدى أول ناس يعرفوا بية
جيب الأوتوماتيك أو الستيب ترونك عادى مش فيهم المشكلة دى خالص
بس نصيحة قبل ما تدفع و تستلم
دور العربية و أسمع صوت الموتور لأ ن فى ناس قليلة بتسمع صوت حكة فى الموتور
و إن شاء الله العربية هتعجبك
و الله أخى الكريم هى مش مشكلة سينسور أصلا
لأن زى ما أنا قلت العربية و كأن الكهرباء كلها راحت
ياريت على تبطيل و بس
يعنى 90 فى 100 أنها مشكلة كمبيوتر العربية
و 10 فى 100 أن فى أشارة من اللى خارجة من الكمبيوتر فيها تسريب كهرباء
دة اللى أنا برجحة مش حاجة تانية
ربنا معاك وتقدر توصل لحل
حسبي الله ونعم الوكيل ، بصراحة دي مهزلة ، كفاية إن العربية دي أتسحبت بره للعيوب اللي فيها ، وهنا طبعا آخر حاجة بيدوروا عليها هي سلامة البني آدم .
بس أنا عاوز أعرف حاجة ، هي الحادثة دي مين غطى تكلفة التصليح فيها ؟
لو التأمين يبقى معك مايثبت منهم وتوكل على الله وروح لحماية المستهلك ، حرام عليك نفسك ، ده العيب بتاع تويوتا بره كان أقل من ده بكتير ولو حصل ممكن السواق يلحق نفسه ، لكن العيب عندك مايتلحقش ، تخيل لو كانت حصلتلك وأنت ماشي على 200 كم/س كان ممكن يحصل أيه ؟
راجع نفسك ، وروح لحماية المستهلك ، الوكيل مش هايعملك حاجة .