اقتباس:
المشاركة الأصلية كتبت بواسطة ahmed643
ايه ده ؟
ياراجل عربيه زيرو وتبهدلك كده وكل مره تقول معلش وهتبقى كويسه
انت مطول بالك عالتوكيل ليه كده
ياراجل دا انا اتنرفزت ليك سلف وانا بقرا كلامك
والله انا بكتب وانا فى قمه الغضب
ايه الى مصبرك عليهم ؟؟؟؟؟؟؟؟؟؟؟؟؟
روح حمايه المستهلك وابعت لكوريا وصعد الموضوع على قد ما تقدر
ده عيب قاتلللللللللللللللللللللل للللللل
اوعى تسكت وخد حقك من العصابه دول
وربنا معاك
مشكور أخى الكريم لردك و مشاركتك
بس أنا مش صابر زى ما حضرتك قلت
أنا كل اللى بحكية دة من أول لما أشتريت لغاية دلوقتى يعنى يا دوب شهرين
دة غير أن أكيد حضرتك عااارف أد أية التوكيل العربية بتدخل بتنام عندة
و لو تقدر تساعدنى أنى أوصل لحد فى كوريا أو جينرال موتر فى أمريكا تبقى بجد ساعدتنى
اقتباس:
المشاركة الأصلية كتبت بواسطة abomar77
ربنا معاك ياباشا بجد حاجة تغيظ وماتسكتش على حقك انا في رأي تتصل بالأخ / هيثم ... عشان عنده نفس العيب وتروحوا تعملوا محضر ضد منصور وشكوى لحماية المستهلك كده العيب ده مش فردي ولا حاجة ...
استاذ harmhanz ياريت نمرة الاستاذ هيثم عشان يتصل بيه ....
مشكور أخى الكريم لمشاركتك
و بالفعل أنا كلمت أستاذ هيثم و قاللى على موضوع حماية المستهلك
بس هو قالى أنة فعلا لازم يكون معايا 3 أوامر أصلاح
و دة مش بيحصل فى أسكندرية زى منا ذكرت قبل
اقتباس:
المشاركة الأصلية كتبت بواسطة ekrami
هوا دة حال مهندسين صيانة منصور التثبيت و ميهمهمش اى حاجة تحصل كلة نصب انا اكتر و احد اتنصب عليا فى منصور الصحراوى و كل الادارة عارفة التثبيت و الهبل الى بيحصل و مفيش فايدة مهندسين لا مكانيكا مش فاهمين اى حاجة و الكويس فيهم بيمشى مافيش فايدة من الافيوا الى كلها بلاوى من ساعت ما اشترها لكا العلربيات الى بيعملوها صيانة دة غيلر الفلوس و المصالح الى بتحصل فى الورشة ربنا معانا بس اتاكد انهم لو حلفولك ان العربية اتصلحت انها هترج تانى
مشكور أخى الفاضل لنصيحتك
بس أنا عارف أن العيب مش هيتصلح و متأكد من كدة
يا جماعة العيب لية سكة غير اللى هم ماشيين فيها
هم مفكرين أن العيب من سكة الوقود و كدة زى ما صرحت كوريا
و لكن الكهرباء بتقطع على العربية
و بتخلى الموتور يفصل
و دة معناة أنة يا أما حمل زيادة على الكمبيوتر بتاع السيارة
أو الكمبيوتر نفسة فى مشكلة
اقتباس:
المشاركة الأصلية كتبت بواسطة ekrami
و انصحك تنزل صيانة الصحرواى فى القاهرة علشان تجيب من الاخر
مشكور لمشاركتك أخى الفاضل
ثم أن هنا و هناك واحد
أسأل أستاذ هيثم
بس الميزة فى الصحراوى القاهرة أمر الشغل
و بعدين يا سيدى الفاضل أقدم مهندس عندهم فى التوكيل خريج 2008
و بالكتير أوى 2004
اقتباس:
المشاركة الأصلية كتبت بواسطة أبـو آســـــر
كلام مظبوط 100%
انسى العربية دي تمشي تاني
هي كدة و هتفضل كدة
هى فعلا كدة
اقتباس:
المشاركة الأصلية كتبت بواسطة dr.amr
للأسف العربيه ده فعلا كانت هتبقي اسطوره
والله لوكانت مع غبور كان عمل بيها مبيعات خياليه
مش ممكن الثبات بتاعها خارق
كنت واقف قدامها وهخلص بس الحمد لله
اللي اتلسع من السيراتو ينفخ في الكروز
ربنا معاك
تسلم أخى الفاضل لمشاركتك
بس فعلا عن تجربة الكروز وهم فى القيادة خرافة
بس للأسف المشكلة دة فعلا عايزة حل
و أنا بيتهيقلى ممكن يكون شبة حل مؤقت للمشكلة دى
اقتباس:
المشاركة الأصلية كتبت بواسطة bukla
بصراحة مش عارف اقولك اية غير ربنا معاك و يعينك على ما ابتلاك انا كنت ناوى اجيب العربية دى لكن الحمد الله ان دة محصلش
المهم انا اعتقد ان منصور يغيرك العربية دة شيء صعب و لكن انا مع الاخوة اللى قالوا ان العيب فى الدبرياش و مش حيتصلح لان واضح ان العيب دة فى العربيات المانيوال بس لانة لو دة حصل فى عربية اتوماتيك صندوق التروس حيكسر علشان كدة انا شايف ان انت لازم تتحرك فى اتجاهين القضية و جهاز حماية المستهلك و فى نفس الوقت تحاول انك تهدد التوكيل بالاجرائات اللى انت واخدها دى و تطلب منهم انهم يبدلولك العربية بواحدة تانية اتوماتيك و تدفع الفرق
مشكور أخى الفاضل على مشاركتك
و نصيحتك
بس منصور لا أعتقد أنة يغير عربية نهائيا
و على العموم أدينى بحاول