الموضوع: الـ كروز بتبطل !!!!!

المشاركة الأصلية كتبت بواسطة zakiali

هي الحياة في مصر كده فعلا الواحد حتي لو معاه فلوس مش بيعرف يستمتع بيها ولازم ألف حاجه تسمم بدنك

مشكور أخى الفاضل و قدر الله ماشاء فعل

المشاركة الأصلية كتبت بواسطة eng_mostafa_89

مش عارف يا باشا هما كام بالظبط
بس كنت بتكلم مع واحد تقيل فى حماية المستهلك على موضوع ان الكروز بتبطل وكدة وقالى هما 3 حالات بس فى مصر كلها
ممكن يكونوا دول اللى اتقدموا بشكوة بس والباقى لا والله اعلم
بس لما جيت اعرف منة سبب انها بتبطل قالى لوعرف السبب بطل العجب وقال هما جابوا خبراء من كوريا علشان يعرفوا السبب واحنا مستنين النتيجة

وياريت تتابعنا بأخر الاخبار

مشكور أخى الكريم لأهتمامك
و بالنسبة للعدد بالظبط من جينرال موتورز أن فى حوالى 8 ألاف سيارة كروز فى السوق
منهم 12 سيارة بها نفس العطل

و ممكن فعلا زى ما أنت بتقول أنهم يبقوا 3 اللى قدموا الشكوى

المشاركة الأصلية كتبت بواسطة mhmdalsaadany

ربنا يصبرك يا باشا ومعلش طول بالك شوية وربنا معاك وبلغنا بالجديد عشان نطمن عليك

مشكور أخى الكريم لدعائك و ربنا يصبرنا جميعا

المشاركة الأصلية كتبت بواسطة mahmoudalmasre

بصراحيه الكروز مشكلها كثير وتمنها غالي عليها والكيا سيراتو افضل منها بمراحل

أخى الكريم هو فعلا زى ما سبق و قد ذكرت أن 12 سيارة فقط
غير كدة السيارة وهم فعلا و قنبلة
لكن حكاية السيراتو دى ممممممممم
هى شكل و كل حاجة طول ما أنت جوة البلد لكن برة على طريق و على سرعة يبقى 128 أحسن منها الصراحة
و أسأل مجرب و لا تسأل التوكيل

المشاركة الأصلية كتبت بواسطة devilishtigers

ياريت حضرتك تطمنا عليك وايه اللي حصل وحاول ما تعديش حرف واحد من اللي حصل من غير ما تقوله وربنا بإذن الله مش هيضيع حقك

مشكور أخى الفاضل لأهتمامك و ربنا يوفقنا جميعا

المشاركة الأصلية كتبت بواسطة fahmy

ياترى اية الجديد

مشكور أخى الفاضل لأهتمامك

المشاركة الأصلية كتبت بواسطة meshmesh78

لا حول ولا قوة إلا بالله

فعلا لا حول و لا قوة إلا بالله

أخوانى الأفاضل إليكم ما حدث فى يوم فعلا طويل إلى أبعد حد

توكلت على الله فى الثامنة صباحا للتوجة للتوكيل

و قد وصلت الساعة التاسعة إلا عشرة دقائق

و عندما بدأت فى الأنعطاف لدخول مدخل منصور على الطريق الصحراوى بالأسكندرية

و إذا بالسيارة تفعلها مرة أخرى
فأسرعت بسحب الفرامل اليد فظلت تزحف السيارة لأنها على رمال
حتى وقفت و الحمد لله بوجهها فوق الجزيرة الموجودة للمدخل
و النتيجة أسرع كل من فى مكتب الحجز لكى يرى ما حدث
و الحمد لله ربنا ستر
فدخلت للتوكيل فقالوا أنهم فى أنتظارى و لكن إليكم ما حدث
ظللت منتظرا فى المكتب حتى الساعة 11و نصف حتى جاء لى مهندس و طلب منى مفتاح السيارة
حتى يجربها بنفسة مع أنه سبق و قد فعلتها السيارة معة فى التوكيل و داخل الورشة فى المرة السابقة
و أخذها و ظل يجربها حتى قابلت المهندس الممثل الرسمى لشركة جينرال موتورز مصر
و لكنة كان مشغول جدا بسيارات أخرى
فطلب منى أن أنتظر حتى يجربوا السيارة و يأخذوا بيانات و بعدها سوف نتحدث فى الموضوع
و ظللت منتظرا حتى الساعة الثانية و النصف حتى بدأوا بعقد أجتماع
و بالفعل
بدأوا بأسئلة عما حدث و عما يحدث تفصيلا
و بعدها و أخر ما توصلوا إلية أن السيارة سوف تظل موجودة بالتوكيل حتى يعرفوا السبب
و عندما قمنا بالسؤال المفروض أن فى مثل هذة الأمور أن تستبدل الشركة السيارة بأخرى تفاديا لحدوث كارثة
و كان الرد أنه عندما يتم الكشف عن العيب لو يستدعى سوف نغير السيارة خلاف ذلك لا
فعلى أن أنتظر حتى يكتشفوا العيب
و عندما قمت بالسؤال على الوقت المطلوب
قالوا مفتوح عامل الوقت
بمعنى شهر أو أثنان لا يعرفون
و بالتالى ممكن سنة
و كان الحل أنهم سوف يدبرون لى سيارة أخرى حتى يكتشفون العيب
( أبقى قابلنى يعنى )
و السيارة هى المفاجأة سيارة أفيو أتوماتيك
و سوف أستلمها بعد يومين بمعنى المفروض أنة اليوم
و لكنى بعد أن نزلت من بى أم لكى أركب كروز
أفاجأ أنى أركب أفيو
أنى أكرة هذة السيارة هى صغيرة و غنية عن التعريف
و بالنسبة لسيارتى الكروز موجودة فى التوكيل محجوزة بعد أن تم أفراغ محتوياتها
يركبها كل من يريد أن يجرب السيارة لكى تبطل معاة و هم منتظرين
يجربونها فى طرق غير ممهدة و مستوية
لكى يجدون العطل
يدمرون لى باقى السيارة من عفشة و إلى أخرة
و فعلا لا أجد أى حل أخر
حتى حماية المستهلك لا يرد
و جينرال موتور مصر لم يتصلوا
و لا أعرف أين أذهب وسط هؤلاء
و ربنا يستر فى اللى جاى
فعلا أنا متبهدل من غير سيارتى فأهون على أن أجعلها بالجراج على أن تفكك و تصبح سيارة لكل من يريد أن يركب لكى يختبر
و فى النهاية بشتى الطرق أنا الخاسر ضمن هؤلاء
لأنها سوف تصبح مقلب زبالة فى نهاية المطاف
و أنتى يومى الطويل فى التوكيل الساعة السادسة إلا ربع
المغرب
و ضغط دمى طبعا عالى
بسبب ما جرى

ممنوع استخدام اللون الأحمر فى الكتابه
تم تغيير اللون
يرجى مراجعة قوانين المنتدى

21/4/2010
7:17 pm

مشرف 12 ب

جرب تانى جهاز حماية المستهلك