الموضوع: الـ كروز بتبطل !!!!!

اخي الكريم اتمنى انك كنت قلت

اللهم اجرني في مصيبتي واخلفني خيرا منها

وحسبي الله ونعم الوكيل في كل من ظلمك

ولكن اعمل اللي عليك وخد قرار انك لو ماتصلحتش المرادي يااخي خد اجراءاتك

ولو من هذه الاجراءات انك تكلم برنامج 90 دقيقه وتفضح من صور واعلاناته اللي بيقول فيها

ياريت كل حاجه شيفروليه

لا اله الا الله

على فكره انا عارف توكيل شيفروليه كويس لاني كان معايا افيو وبعتها والحمد لله

تحياتي

ياجماعة أنا كنت ناوى أشترى عربية جديدة وبدأت أعمل دراسه حوالى 4 شهور مابين سمعة التوكيلات وسعر العربيات وقطع الغيار وخدمة مابعد البيع ونظام شوارعنا الى السواقة فيها بالدراع والمطبات فيها مبترحمش وأجبها منوال ولا أتوماتيك وغييره---المهم مطولش عليكم مالقيتش حاجة متفقة مع التانية قلت لنفسى خلاص مش جايب عربية وبلاش وجع دماغ وهستنى شوية يمكن الحال يتحسن ونبقى كدة زى أوروبا الواحد يجيب العربية اللى فى بالة ويفرح به بدل مايخبط دماغة فى الحيطة

مش عارف اقولك اية بصراحة ربنا معاك

ممكن - أقول ممكن إني أساعدك جدا لو توفر لي الثلاثة أشياء التالية
أولا الرسم التخطيطي الخاص بدوائر و توصيلات الكهرباء و التحكم الخاصين بالسيارة
Control harness schematic.
ثانيا ملخص الألارمات التي تم تسجيلها بجهاز اللوجر الذي يتم توصيله بالسيارة و ذلك لحظة الفصل
Alarm summary during fault
ثالثا بيانات أحد مهندسي الكهرباء و وسيلة الإتصال به على شرط أن يكون من الذين شاركوا في بحث مشكلتك

أنا أعلم تماما أن استخلاص هذه الطلبات من شركة منصور هو المستحيل بعينه في الأوقات العادية. ولكني أعول على احتياجهم لأي مساعدة خارجية و خاصة إذا ما قمت أنت بالضغط عليهم. برجاء المحاولة و مراسلتي على البريد الإليكتروني.

wh31@lycos.com

المشاركة الأصلية كتبت بواسطة famo

مشكور أخى الفاضل على مشاركتك

و نصيحتك
بس منصور لا أعتقد أنة يغير عربية نهائيا

و على العموم أدينى بحاول

أبدا مع حمايه المستهلك من دلوقتي وانسي اللي قبل كده طالما متخوف من عدم وجود امر شغل معاك..

حماية المستهلك بتجبر التوكيل يغير العربيه لو دخلت التوكيل 3 مرات لاصلاح عيب ولم يستطيعوا اصلاحه واعتقد في حالة عربيتك (الكروز المانيوال ) العربيه لو دخلت عندهم 10 مرات مش هيعرفوا يصلحوه..

ولازم تركز في شكوتك لحماية المستهلك ان العيب ده بيهدد حياة قائد السياره ومن بداخلها .. وتستشهد بالحادثه اللي حصلتلك..

ولما حماية المستهلك تحولك للتوكيل علشان يصلح العيب لو العيب ظهر تاني وانت خارج من التوكيل ما ترجعش للتوكيل وانما تروح تركن العربيه يومين وترجع لحماية المستهلك تقولهم العيب رجع تاني علشان تستنفذ الثلاث او اربع مرات السماح اللي حمايه المستهلك بتديهم للوكيل قبل ما تطالبه بارجاع السياره او تبديلها..