السلام عليكم
بأسمع كتير هنا معاكم كلمة تفويق الموتور
ما معناها وهل هناك خطوات لكده
وبتتعمل ازاي
وشكراً
عرض للطباعة
السلام عليكم
بأسمع كتير هنا معاكم كلمة تفويق الموتور
ما معناها وهل هناك خطوات لكده
وبتتعمل ازاي
وشكراً
قرأت اللينك وفهمت المضمون لكن حابب اقول لك الوضع عندي علشان تنصحني
دلوقتي انا عملت الفترة الأولي زي ما الجماعة هنا في المنتدي نصحوني 1000 كيلو الأولي لم اتعدي 100 كم في الساعة وبعدين بعد كده بأنقل عادي علي 3000-3500
ودلوقتي وصل لحد 7500 كم
بس عمري ما جبت rpm اكتر من 4000 نهائياً فهل معني كده اني ما عملتيش تفتيح للموتور
وهل الوقت خلاص راح لعمل التفتيح ده
وهل لو لسه فيه وقت يتعمل بالخطوات والوقت أزاي
واسف للأطالة و كثرة الأسئلة وشكراً
نعم الى حد مااقتباس:
بس عمري ما جبت rpm اكتر من 4000 نهائياً فهل معني كده اني ما عملتيش تفتيح للموتور
لا .........فالأمل لاينقطع أبدأاقتباس:
وهل الوقت خلاص راح لعمل التفتيح ده
ألقى نظره تانيه على الموضوع المحول ليكاقتباس:
وهل لو لسه فيه وقت يتعمل بالخطوات والوقت أزاي
يا هندسة القيت نظرو وإلي فهمته انك بتقول اني ارفع وانا بانقل السرعات إلي 5000 rpm موش صح كده
بس انت ما قولتش الكلام ده لمدة اد ايه؟
هل اعمل الحكاية دي مرة واحدة مثلاً ولمدة مشوار كده انقل فيه بين السرعات علي الrpm العالي ده ولا اعمله كذا مشوار
ولا اعمل مثلاُ النهاردة النقلات علي 3500 وبكره علي 4000 وهكذا حتي اصل لي 5000
انا بأركب العربية كل يوم رايح جي من شغلي
في إنتظار الرد وشكراً
لاعبها ياباشا
بعد مشوارين تلاته على 500 مثلا
وحبه فوق وحبه تحت
أصل ده ملهاش قاعده هندسيه محدده
ولا قواعد معينه ولا خطوات موجوده بالمنشورات العلميه الموثقه
دى من خلال التعامل بينك وبين محرك السياره
أمال أنا قولت ليه فى الموضوع المحول ليك
أن العلاقه بين المحرك وقائد السيباره
مثل العلاقه بين الحبيب ومحبوبته
إلى أن يحدث المراد ويتم عقد القران
هههههههههه
:S_thum1[1]:اقتباس:
بس علي كلاً فهمتك وربنا المستعان ونعرف نلعبها المرة دي
بص ياباشا , انت لمجرد انك تقرص علي العربيه اول مره بعدها هتحس ان مفيش مشكله ابدا , وهتحس ان العربيه بقت عايزه تجري بجد
بص على اللينكات دي
http://www.nilemotors.net/Nile/128748-a.html
http://www.nilemotors.net/Nile/140873-0-100-a.html
بس نصيحه بلاش تلعب كتير على الاول والتاني , يعني اقرص عليهم بالعقل , ومن التالت وانت طالع هتلاقي الدنيا احسن معاك لغايه 6500 rpm
بس حاول تختار الوقت المناسب والطريق المناسب للتجربه , ولو حسيت بأي حاجه مش مظبوطه انهى التجربه فوراً
اهم حاجه انك تراعي الاتى :-
1- تبدأ تجربتك بثقه في اداء عربيتك
2- اختار طريق جيد للتجربه
3- كن حريص من مخاطر الطريق
4- انهاء التجربه فورا لو لاحظت اي حاجه غريبه
5- بلاش القرص على السرعه الاولى والتانيه اكتر من اللازم
6- قبل بدء التجربه تأكد من سلامه دوره التبريد وسائل التبريد
7- بلاش استخدام الفرامل بشكل عنيف (الإ للطوارئ) على السرعه العاليه عشان ده هيضيع التيل
اتمنالك كل التوفيق بإذن الله :ask:
bit by bit حبة حبة
موضوع رائع ومفيد جدا
شكرا لكل من ساهم بمعلومات في هذا السياق
بارك الله فيكم
حد يفهمنى اعمل اية خطوة خطوة مع العربية الجديدة ؟
اول يوم؟
تانى يوم؟
قبل اول 1000 ك
بعد 1000 ك؟
طيب يا بشمهندس سمير انا عندي الفتيس cvt يعني الـRPM مبيشوفش الـ4000 غير نادراً
وحاسس ان المكنه مبقتش فايقه اعمل ايه ؟؟؟
الحقيقه أنا مش عارف فى الأنواع دى من أزرع الفتايس
وبيانات عربية حضرتك مش عارفها برضه
فلو تقدر حضرتك تزودنى ببيانات أكتر عن صوره للسيلكتور
ووضع السياره ككل
ممكن أفكر مع حضرتك
فا أحتمال مع فكرنا مع بعض نلاقى حل لما تريده من زيادة سحب السياره
أو تفويقها بمعنى أدق
يا عم انت لو مش عارف تفوق عربيتك اديهالي ساعه واحده والله ترجعلك جري و تقول انا فوقت خلاص والله ما حنام تاني !! ممكن شوية نشادر برضه يفوقوها
http://www.csa.com/discoveryguides/a...ages/fig21.gif
ده الcvt وهو باختصار سير معدني على ترسين متغيرين القطر (ترس من الموتور وترس للعجل ) وخلصت الحكايه
اللينك ده فيه شكل الrpm بيبقى عامل ازاي مع التسارع
HowStuffWorks "Cars with CVTs"
وده لينك عن آلية عمله
HowStuffWorks "How CVTs Work"
وهو موجود في كل الميتسوبيشي لانسر بومه الـ1600 سي سي اوتوماتيك
وعربيتي لانسر 2006
وجزاك الله خيراً يا بشمهندس سمير ويا رب نلاقي حل للموضوع ده عشان انا بتخنق مع العربيه وبفوق لما تفوق
استاذنا سمير بك
بارك الله في حضرتك وزادك من علمه
طب اللي بيقرص علي الاول والثاني (ايه الخطورة في كده)
انا بفضل قارص لحد ما احس ان الغيار ما فيهوش تاني وساعات برفع رجلي من علي البنزبن بعد ما يكون الغيار جاب اخرة وبدل ما اديله غيار اعلي ارجع ادوس تاني علي نفس الغيار (عملتها مرة غصب عني ظروف الطريق اضطرتني اعمل كده بس فؤجت ان العربية تسارعها زاد ) فبقيت اعمل كده احيانا لما احب ازود السرعة علي نفس الغيار وبيني بينك انا حاسيس ان بعمل حاجة غلط فيا تري غلط فعلا
وشاكر لمعاليك علي تعاونكم
مشى وراء أحساسكاقتباس:
وبيني بينك انا حاسيس ان بعمل حاجة غلط فيا تري غلط فعلا
فأحساسك يقودك الى الصواب
دى بسيطه أوىاقتباس:
هو الحرق والعربيه واقفه بيفيد ولا لأ ؟؟
لا طبعا
لأن الموتور مع نفسه وبراحته ومفيش أى أحمال عليه
ومش صح طبعا التزويد على السلانسيه ( أو الحرق بمعنى أصح )
وضار على المحرك وغير مفيد
لأن الموتور تحول لآله عماله تنتج شغل ميكانيكى وبيتراكم داخلها
مثل الأنسان المغتاظ تماما
بيبقى مدايق وحيطق من جنابه
مثل هذه الأبتسامه
:_Alshmokh08[1]:
ويفضل فعلا ترك هذه العاده
لتقليل غيظة الموتور وجعله متضايقا منا
ولا نضمن رد فعله مع كثرة غيظه منا
طيب أنت قريت موضوع التصادق مع المحرك صح يا أبو حميد ولا لا
ولو قريته
فأعرف أن الصح
متزعلش الموتور منك عند أى مرحلة نقل
وتحرق عليه زياده عن اللازم
لأن ده ضار على الموتور وعلى الدبرياج
ولو عاملت الموتور بما يرضى الله
فستظل تجد صديقا وفيا لك على مر الزمان
أما لو جيت فى مره وزعلت صديقك ده مره أو أكثر
ورجعت راضيته تانى
فمفيش قلق وحتعدى الليله
لأنه مش واقفلك على الوحده
والا ميبقاش صديقك وصاحبك وحبيبك
ويبقى عدوك فعلا
فخليك زكى فى التعامل معاه
وسايسه على قدر الأمكان
فأن أغضبته مره ( بالحرق الزائد ) عن أى مرحلة نقل
راضيه تانى وعامله بلين
ولا تكثر من الجفاء عليه والغلظه
فكثرة الجفاء والغلظه بين الأصدقاء ( كمحرك سياره وقائد السياره )
مش حلوه
وبتخللى أحدهما يتزمر على الآخر ويتعبه معاه
وفى حالتنا تلك
فأن المتمرد سيكون الموتور ( كأحد الأصدقاء )
وده حقه .....لأنه غير عاقل ....أما قائد السياره
فهو أنسان عاقل
ويجب على العاقل عدم الضغط فى التعامل على غير العاقل
لكى تستمر علاقة الصداقه
إلا أن يشاء الله أمرا كان مفروضا
طيب نظرية عمل النوع ده من الفتايس وفهمناها الى حد ما
مقولتليش بأه شكل عصاية الفتيس عامل أيه عندك
وبتتصرف أزاى بعد مابدور المكنه علشان تتحرك بالعربيه
وياريت لو صوره لزراع التحكم فى الفتيس
ولو فيه بيانات تانيه للسياره خاصه بكل أبعاد الموتور
من جهة موقف عمليات الصيانه وخلافه
حتفيدنا برضه فى تنشبط عملية السحب معاك
وأنا حاسس أنك مبتقدرش تزود عدد لفات المكنه عن حد معين ( بسبب ظروف الفتيس من النوع cvt )
ونظرية عمله الحساسه فى تغيير المسافه والخطوه فى البكارات المخروطيه
بتاعة خروج القدره من المكنه ونقلها لمحاور العجل
وطبعا أكيد عندك كورونه ملحقه من داخل الفتيس لنقل القدره الى العجل الأمامى
وبدأ يظهر لى سبب سؤالك لهذا السؤالاقتباس:
هو الحرق والعربيه واقفه بيفيد ولا لأ ؟؟
لأن واضح أنك مش حتعرف تزود السرعه وأنت معشق الفتيس ده
بسبب قيود عملية التصميم
وتقدر فقط تتحكم فى سرعة المحرك وأنت على وضع المور ( أو السلانسيه )
عصاية الفتيس اوتوماتيك طبيعي p r n d ds L
زي دي كده
http://farm3.static.flickr.com/2347/...c4e1a6.jpg?v=0
والـrpm فعلاً مبيعلاش غير مع الكيك داون او على السرعات العاليه
وكل اللانسر ال1600 اللي في مصر كده بس في ناس مبتاخدش بالها اصلاً
\
اه كده الامور وضحت
راي المتواضع يا باشا
ان السبب ان ال RPM مش بيعلي و مفيش حرق علي الغيار و كده هو ان بكل بساطة "العربية اوتوماتك " :shyy:
و علي حسب معلوماتي الفتيس الاوتوماتك مصمم علي انو ينقل علي RPM قليل و يريح الموتور و ده الفرق بين المانيوال و الاوتوماتك
و فعلا زي محضرتك قلت الاوتوماتك مش بيشد و يحرق غير مع الكيك داون
و ده في كل العربيات الاوتوماتك اللي فيها الفتيس الاوتوماتك العادي مش في اللانسر بس
و ده من وجهة نظري المتواضعة
و بردوا استنا راي استاذنا سمير باشا لاني ممكن اكون غلط في معلوماتي ديه ف نستني رايه و لو معلوماتي غلط اتعلم منه
و تحياتي
لا يا باشا انا عارف الفرق بين الاوتوماتيك والـcvt انا مهندس برضه
الاوتوماتيك بينقل على rpm قليل وممكن لو قفلت الاوفر درايف تخليه يحرق على النقلات
انما الـcvt ممكن تشوف اللينكات اللي انا حاططها الفتيس عباره عن نقله واحده فقط والـrpm مبينزلش لتحت خالص زي الشكل ده
http://img235.imageshack.us/img235/7...mation1cp6.gif
وشكراً على مساعدتك
ضرورري جدا يا سمير باشا تقلنا اللي معاه اوتوماتيك يفوق الموتور او يفتحه ازاي.
انا مثلا معايا اوبترا 2010 اوتو مهما قرصت عليها و هي علي الدي اخرها 3000 لفه و بجيب 120 ك/س بصعوبة (انا عامل 2700 ك بس). هل استخدم زرار الهولد مثلا عشان احرق و لا ايه.
مع العلم اني لسه ماغيرتش زيت المصنع .. ده ممكن يضر ولا عاديز
في ناس قالت احرق علي الفتيس يعني علي 1 و 2 ثم d بس انا برضة مش عايز اضر الفتيس.
مستني ردك ضروووووووووري
رأيى من رأى الناس دىاقتباس:
في ناس قالت احرق علي الفتيس يعني علي 1 و 2 ثم d بس انا برضة مش عايز اضر الفتيس.
مستني ردك ضروووووووووري
وفعلا ده اللى هدانى اليه الله من قبل ما أشوف كلامك هذا
دوس هنا كده