الموضوع: ............. رشاشات بتسيل (تعالوا نفكر فى الحل) ؟؟ ...........

المشاركة الأصلية كتبت بواسطة kaza

الرشاشات في المجمل زي بعض واللي بيفرق رشاش من التاني الفلو ريت بتاعة او معدل البنزين اللي بيتم ضخة من خلال الرشاش طبقا لوحدة الزمن وطبعا كل ما كان المعدل دة عالي كل ما كانت نسبة البنزين الداخل للسلندرات اكتر وبالتالي (ومع وجود كمية الهواء المناسبة)يرفع طاقة المحرك _الرشاشات الكوري والصيني للاسف بيبقي النوزل بتاعتها عبارة عن بلية زي المحبس الايطالي بتاع السباكة في البيت ودة عمر تشغيلة قليل وبيبداء يسيل والتسييل معناة ان الرشاش بدل ما يضخ البنزين في صورة اسبراي بيبقي الجزيئلت متماسكة اكتر وبيخرج البنزين اقرب للسيولة منة للغاز ودة بيعمل تذرية غير كاملة للوقود وبيخلي مخلوط الهوا بالبنزين مشبع بنسبة سائلة لا تحترق حرق كافي داخل غرف الاحتراق وبالتالي بتضعف قدرة المحرك ويزيد استهلاك الوقود _الرشاشات الاوروبي واليابانى وطبعا شركة بوش الالمانية الرائدة في صناعة الرشاشات وبتمد 90%من مصنعي السيارات باجهزة التحكم والرشاشات لدورات الوقود المختلفة بيقي تصميم صمام الرشاش بدل الكورة في الكوري ابرة ومخروط ودة بيدي عمر تشغيل كبير للرشاش _علشان كدة هي افضل ..نيجي للرد علي نوع الرشاش المناسب ليك وهوة طاقم مستعمل بوش الماني مش مهم بقي الكلام بتاع دة بي لم او فورد اوفيات المهم انك تختبرهم علي جهاز تنظيف الرشاشات وتشوف معدل انسياب الوقود من خلالهم وانة بالنسبة للمحركات 1600 فاقل بيبقي حوالي 500 سم مكعب \دقيقة وان يكونوا الضغط بتاعهم واحد وجرب ..اتمني اكون افادتك

الف شكر ياباشا على المعلومات الجميلة انا انشاء الله هحاول انزل بورسعيد و ادعبس على حاجة المانى او ايطالى ..